Gold Price Hike: আকাশ চুইছে সোণৰ দামে, এতিয়া নতুনকৈ সোণ কিনিব নে বিক্ৰী কৰা উচিত?

প্ৰতীকী ছবি

বিশ্বজুৰি অনিশ্চয়তা আৰু ভূ-ৰাজনৈতিক উত্তেজনাৰ মাজতে আকাশলংঘী হৈছে সোণ-ৰূপৰ মূল্য। আজি এই দুটা মূল্যৱান ধাতুৰ দাম সৰ্বকালৰ উচ্চতম মূল্যৰ কাষ চাপিছে। সোণ-ৰূপৰ দাম বৃদ্ধিৰ লগে লগে ইটিএফৰ মূল্যও বৃদ্ধি পাইছে এই দুয়োটা ধাতুৰ।

সোণ আৰু ৰূপৰ প্ৰতি খুচুৰা বিনিয়োগকাৰীৰ আগ্ৰহ বৃদ্ধি পোৱাৰ লগে লগে বহুতে এছ আই পি আৰম্ভ কৰিছে সোণ আৰু ৰূপৰ ক্ষেত্ৰত । কিন্তু প্ৰশ্ন হয় – এই অতিশয় উচ্চ দামত সোণ বা ৰূপ কিনাটো এতিয়াও ভাল ধাৰণা নেকি? নে এতিয়া বিক্ৰী কৰাটোহে বুদ্ধিমানৰ কাম হ’ব?

যোৱা এবছৰত সোণৰ মূল্য ৮০ শতাংশতকৈও অধিক বৃদ্ধি পাইছে। ৰূপৰ ক্ষেত্ৰত এই বৃদ্ধি আৰু বেছি। প্ৰায় ২০০ শতাংশ। ইটিএফৰ ক্ষেত্ৰত ইয়াৰ প্ৰতিফলন আৰু অধিক স্পষ্ট। ইতিমধ্যে ৰূপৰ ইটিএফে ১৮৮ শতাংশ, সোণৰ ইটিএফে ৮০ শতাংশতকৈ অধিক ৰিটাৰ্ণ দিছে। ফলত পৰ্টফলিঅ’টো চমক লগা হৈছে যদিও নতুন বিনিয়োগকাৰীৰ বাবে বিপদো বৃদ্ধি পাইছে।

বজাৰ বিশেষজ্ঞসকলৰ মতে, ইমান ডাঙৰ উত্থানৰ পিছত নতুন বৃহৎ বিনিয়োগ দীৰ্ঘম্যাদীভাৱে উপযুক্ত নহ’বও পাৰে। যিসকলে ইতিমধ্যেই সোণ বা ৰূপ কিনিছে তেওঁলোক থাকিব পাৰে। অৱশ্যে এই মূল্যত কোনো বৃহৎ বিনিয়োগ নকৰাটো ভাল। বিশেষজ্ঞসকলে কয় যে অতিৰিক্ত বিনিয়োগ কৰাৰ পৰিৱৰ্তে আপোনাৰ পৰ্টফলিঅ’ৰ শ্বেয়াৰৰ বিতৰণ চাওক। বিশেষজ্ঞসকলৰ মতে কিছুমান বিনিয়োগ অভিলেখ দামত বিক্ৰী কৰি কিছু লাভ উঠোৱাটো কৌশলগতভাৱে যুক্তিসংগত।

বৰ্তমান বজাৰত FOMO বা বাদ পৰাৰ ভয় আছে। হুতে একেলগে ইয়াত বিনিয়োগ কৰিবলৈ চেষ্টা কৰে। ইতিহাসে কয় যে যেতিয়াই কিবা এটা দাম এনেদৰে বৃদ্ধি পায়, তেতিয়াই বজাৰখন প্ৰায়ে হ্ৰাস পায়। তেতিয়া বিনিয়োগকাৰীয়ে অধিক মূল্যত বিনিয়োগৰ পৰা লোকচানৰ সন্মুখীন হ’বলগীয়া হয়।

আন এজন বিশেষজ্ঞই ৰূপৰ দীৰ্ঘম্যাদী সম্ভাৱনা ভাল বুলি ভাবে। কিন্তু হ্ৰস্বম্যাদীভাৱে এই বিপদ বৃদ্ধি পাইছে। প্ৰায় ২০০ শতাংশ মূল্য জঁপিয়াই পৰাৰ পিছত এবাৰতে বহু টকা বিনিয়োগ কৰাটো উচিত নহয়। লক্ষ্যভিত্তিক আৰু সীমিত বিনিয়োগ এই মুহূৰ্তত উত্তম।

আন এজন বিশেষজ্ঞই অৱশ্যে কয় যে অভিলেখ মূল্যত উপনীত হোৱাৰ বাবে এই মুহূৰ্তত ৰূপ আৰু সোণৰ লাভৰ বুকিঙৰ সংখ্যা বৃদ্ধি পাব পাৰে। ফলত মূল্যৰ ওপৰত কিছু পৰিমাণে প্ৰভাৱ পৰিব। কিন্তু যিসকল বিনিয়োগকাৰীৰ লক্ষ্য দীৰ্ঘম্যাদী, তেওঁলোকে হয়তো এতিয়াও একো বিক্ৰী নকৰে। অৱশ্যে পুনৰ বিনিয়োগ কৰাৰ আগতে বজাৰৰ স্থিৰতালৈ অপেক্ষা কৰাটো বুদ্ধিমানৰ কাম।

যদি আপুনি ক’ৰবাত বিনিয়োগ কৰিব বিচাৰে তেন্তে সেই বিষয়ত সঠিক গৱেষণা আৰু বিশ্লেষণ কৰক। এই লেখাটো কেৱল শিক্ষাৰ উদ্দেশ্যে। TV9 Assam-এ কোনো ধৰণৰ বিনিয়োগৰ পৰামৰ্শ নিদিয়ে।

বিঃদ্ৰঃ: যিকোনো বিনিয়োগত বজাৰৰ বিপদ জড়িত হৈ থাকে। গতিকে প্ৰথমে বিনিয়োগৰ সকলো নথি-পত্ৰ ভালদৰে পঢ়ক। তাৰ পিছত বিনিয়োগৰ সিদ্ধান্ত লওক।