বজাৰৰ আইচক্ৰীমত পাব মাতৃদুগ্ধৰ সোৱাদ, এটা পেকেটৰ দাম কিমান জানেনে?

এতিয়াৰে পৰা মাতৃৰ গাখীৰৰ দৰেই সোৱাদযুক্ত আইচক্ৰীম উপভোগ কৰিব পাৰি আপুনি। এই নতুন সোৱাদটো শেহতীয়াকৈ দুটা কোম্পানীয়ে একেলগে বনাইছে। এটা কোম্পানী হৈছে ফ্ৰিডা (Frida), যিয়ে পেৰেণ্টিং সম্পৰ্কীয় সামগ্ৰী প্ৰস্তুত কৰে আৰু আনটো হৈছে অড ফেল’ছ আইচক্ৰীম কোম্পানী (Odd Fellows Ice Cream Company), যিটো আইচক্ৰীমৰ বাবে পৰিচিত।

দুয়োটা কোম্পানীয়ে মিলি এই আইচক্ৰীম প্ৰস্তুত কৰিছে, য’ত মাতৃৰ গাখীৰৰ দৰে সোৱাদ দিয়াৰ প্ৰয়াস কৰা হৈছে। কিন্তু কোম্পানীটোৱে স্পষ্টকৈ উল্লেখ কৰিছে যে ইয়াত প্ৰকৃত মাতৃৰ গাখীৰ ব্যৱহাৰ কৰা হোৱা নাই। একে সময়তে এই আইচক্ৰীমৰ এটা পেকেটৰ দাম প্ৰায় ১২.৯৯ ডলাৰ অৰ্থাৎ প্ৰায় ১,০৮০ ₹ ৰখা হৈছে।

কোম্পানীটোৱে কয় যে ইয়াত সচাঁকৈ মাৰ গাখীৰ ব্যৱহাৰ কৰা নাই। কোম্পানীটোৰ মতে, গাখীৰ, গধুৰ ক্ৰীম, স্কিম মিল্ক পাউদাৰ, কণীৰ কুহুম, ডেক্ট্ৰ’জ, ইনভাৰ্টেড চুগাৰ (Inverted sugar), মাহৰ দাইল, চল্টেড কেৰামেল ফ্লেভাৰ, মৌ চিৰাপ, লাইপ’জ’মেল ব’ভাইন কলষ্ট্ৰাম (গৰুৰ প্ৰথম গাখীৰৰ পৰা তৈয়াৰী মৌল), হালধীয়া ফুড কালাৰ, ০.১% প্ৰপাইলপেৰাবেন (এটা সংৰক্ষক) আৰু এফ ডি এণ্ড চি ৰেড ৪০ (খাদ্যৰ ৰং) আদি বহু উপাদান  এই আইচক্ৰীমত যোগ কৰা হৈছে। এই সকলোবোৰ উপাদান মিলি এক সোৱাদৰ সৃষ্টি কৰে যিয়ে মাতৃৰ গাখীৰৰ মিঠা আৰু নিমখ দুয়োটাৰে অনুভৱ দিয়ে। এই আইচক্ৰীমৰ সোৱাদ অলপ মিঠা, অলপ নিমখীয়া, মসৃণ আৰু অলপ মৌৰ দৰে। কোম্পানীটোৱে কয় যে ইয়াৰ সোৱাদ ল’লে শৈশৱৰ স্মৃতিবোৰ ঘূৰি আহিব, যেতিয়া শিশুৱে মাতৃৰ গাখীৰ খাইছিল।

এই আইচক্ৰীমৰ জোৰদাৰভাৱে প্ৰচাৰ চালাইছে ফ্ৰিডাই । ইনষ্টাগ্ৰামত কোম্পানীটোৱে গাখীৰৰ টেংকাৰত লিখা ‘‘Breast Milk Ice Cream’  দেখুৱাই বিশেষ ধৰণে উপস্থাপন কৰিছিল, যিটো ইণ্টাৰনেটত ভাইৰেল হৈ পৰিছিল। কিন্তু এই আইচক্ৰীম অতি সীমিত পৰিমাণত উৎপাদন কৰা হৈছে। বৰ্তমান ইয়াক কেৱল ফ্ৰিডাৰ ৱেবছাইটৰ পৰাহে ক্ৰয় কৰিব পাৰি আৰু ইয়াৰ মূল্য প্ৰায় ১২.৯৯ ডলাৰ অৰ্থাৎ প্ৰায় ১,০৮০ টকা। ইয়াৰ বাবেই এই আইচক্ৰীমটো এতিয়াও সাধাৰণ মানুহৰ মাজলৈ যোৱাটো কিছু কঠিন।

এনে আইচক্ৰীম কিয় বনোৱা হ’ল?

ফ্ৰিডা কোম্পানীয়ে কয় যে শেহতীয়া বছৰবোৰত মাতৃদুগ্ধৰ বিষয়ে মানুহৰ মাজত ক্ৰমাৎ বৃদ্ধি পোৱা কৌতুহল আৰু সজাগতাই তেওঁলোকক এই নতুন সোৱাদ সৃষ্টি কৰিবলৈ অনুপ্ৰাণিত কৰিছিল। কৰ্টনী কাৰ্দাছিয়ান, মডেল এছলী গ্ৰেহাম আৰু কোকো অষ্টিনৰ দৰে বহু চেলিব্ৰিটিয়েও মুকলিকৈ কৈছে যে তেওঁলোকে মাতৃদুগ্ধৰ সোৱাদ লৈছে আৰু এইবোৰ কথা ছ’চিয়েল মিডিয়াতো বহু চৰ্চিত হৈছিল। এই ধাৰা আৰু আগ্ৰহক মনত ৰাখি কোম্পানীয়ে এনে এক আইচক্ৰীম তৈয়াৰ কৰিছে যিয়ে প্ৰকৃত মাতৃৰ গাখীৰ নোহোৱাকৈ, মানুহক শৈশৱৰ প্ৰথম সোৱাদৰ কথা মনত পেলাই দিয়ে।

ইণ্টাৰনেটত মিশ্ৰিত প্ৰতিক্ৰিয়া

এই আইচক্ৰীম মুকলি কৰাৰ পিছত ইণ্টাৰনেটত বিভিন্ন প্ৰতিক্ৰিয়া পাইছে। বহুতে ইয়াক এক অনন্য ৰুচি হিচাপে চাইছে যিয়ে শৈশৱৰ স্মৃতিবোৰ ঘূৰাই আনে। একে সময়তে একাংশ লোকেও ইয়াক অদ্ভুত বুলি গণ্য কৰিছে কাৰণ ইয়াৰ সোৱাদ মাতৃৰ গাখীৰৰ দৰে, কিন্তু ইয়াত প্ৰকৃত মাতৃৰ গাখীৰ নাথাকে। কোম্পানীয়ে ইয়াক কেৱল এটা সোৱাদ হিচাপেহে উপস্থাপন কৰে যিটো গাখীৰ, ক্ৰীম আৰু কিছুমান বিশেষ সোৱাদযুক্ত বস্তু মিহলাই প্ৰস্তুত কৰা হয়।