ৰাছিয়াৰ পিছত এইবাৰ ভাৰতৰ পক্ষত ব্ৰাজিল, ট্ৰাম্প নহয়, প্ৰধানমন্ত্ৰী মোদীৰ সৈতে….

ভাৰতৰ বিৰুদ্ধে আমেৰিকাৰ শুল্ক বিৰোধিতা কৰিছিল ৰাছিয়াই। এতিয়া ভাৰতৰ সপক্ষে আগবাঢ়ি আহিছে এখন দেশ, যিটো হয়তো কোনেও ভবা নাছিল। সেই দেশখন হ’ল ব্ৰাজিল। যি ভাৰতৰ সন্মুখত ঢাল হিচাপে থিয় দিছে। ব্ৰাজিলৰ ৰাষ্ট্ৰপতিয়ে ট্ৰাম্পৰ সৈতে নহয়, ভাৰতৰ প্ৰধানমন্ত্ৰী নৰেন্দ্ৰ মোদীৰ সৈতে কথা পাতিব বুলি মন্তব্য কৰিছে। এতিয়া এই বক্তব্যই বহু কথাৰ দিশলৈ আঙুলিয়াই দিছে। প্ৰথমতে, ট্ৰাম্পৰ শুল্ক নীতিক লৈ ব্ৰাজিল অতিশয় ক্ষুব্ধ হৈ পৰিছে।

দ্বিতীয়তে, ব্ৰিকছ দেশসমূহৰ প্ৰতিষ্ঠাপক সদস্য হিচাপে আমেৰিকাৰ বিৰোধক একেবাৰেই পাহৰা নাই। একে সময়তে আটাইতকৈ গুৰুত্বপূৰ্ণ ইংগিতটো হ’ল ভাৰত তেওঁলোকৰ ৫ম বৃহত্তম বাণিজ্যিক অংশীদাৰ। লগতে ভাৰতীয় কোম্পানীসমূহে ব্ৰাজিলত ৬ বিলিয়ন ডলাৰতকৈ অধিক বিনিয়োগ কৰিছে। দুয়োখন দেশৰ মাজত ১২ বিলিয়ন ডলাৰতকৈ অধিক বাণিজ্যিক সম্পৰ্ক আছে। ভাৰতৰ ডিজেল আৰু ঔষধৰ অবিহনে ব্ৰাজিলৰ অৰ্থনীতি আধৰুৱা। দুয়োখন দেশৰ মাজত কেনেধৰণৰ ব্যৱসায়িক সম্পৰ্ক আছে সেই কথা জানো আহত।

দুয়োখন দেশৰ মাজৰ ব্যৱসায়

যদি আমি দুয়োখন দেশৰ ব্যৱসায়ৰ ক’বলৈ গ’লে ১২ বিলিয়ন ডলাৰতকৈও অধিক ধনৰ লেন-দেন দেখা যায়। ব্ৰাজিলত থকা ভাৰতীয় দূতাবাসৰ তথ্য অনুসৰি ভাৰত আৰু ব্ৰাজিলৰ মাজত ব্যৱসায় অতি শক্তিশালী। ২০২৪-২৫ বিত্তীয় বৰ্ষত দুয়োখন দেশৰ দ্বিপাক্ষিক বাণিজ্য ১২.২০ বিলিয়ন ডলাৰ অৰ্থাৎ এক লাখ কোটি টকাতকৈ অধিক হোৱা দেখা গৈছে। যদি আমি ব্ৰাজিললৈ ভাৰতৰ ৰপ্তানিৰ কথা কওঁ, তেন্তে সেয়া হ’ল ৬.৭৭ বিলিয়ন ডলাৰ অৰ্থাৎ প্ৰায় ৬০ হাজাৰ কোটি টকা। এতিয়ালৈকে ব্ৰাজিলৰ পৰা ভাৰতৰ আমদানি ৫.৪৩ বিলিয়ন ডলাৰ অৰ্থাৎ ৪৭ হাজাৰ কোটি টকাতকৈও অধিক হোৱা দেখা গৈছে। অৰ্থাৎ ভাৰত ১২ হাজাৰ কোটিতকৈও অধিক বাণিজ্যিক আদান-প্ৰদান আছে।

কোনবোৰ সামগ্ৰী ৰপ্তানি আৰু আমদানি কৰা হয়?

দুয়োখন দেশৰ মাজত বহু ধৰণৰ সামগ্ৰী ৰপ্তানি আৰু আমদানি কৰা হয়। প্ৰথমতে যদি আমি ব্ৰাজিললৈ ৰপ্তানিৰ কথা কওঁ, তেন্তে প্ৰচেছড পেট্ৰলিয়াম সামগ্ৰী বিশেষকৈ ডিজেল ভাৰতৰ পৰা ৰপ্তানি কৰা হয়। কৃষি ৰাসায়নিক পদাৰ্থ অৰ্থাৎ শস্য ৰক্ষাৰ বাবে কীটনাশক দ্ৰব্যও ভাৰতৰ পৰা ব্ৰাজিললৈ যায়। ৰাসায়নিক পদাৰ্থ, ঔষধ, অভিযান্ত্ৰিক সামগ্ৰী, টেক্সচাৰ্ড ফিলামেণ্ট সূতা আৰু অনাবৃত এলুমিনিয়ামও ব্ৰাজিললৈ ৰপ্তানি কৰা হয়। আনহাতে ব্ৰাজিলৰ পৰা ভাৰতৰ আমদানিও কম নহয়। ভাৰতে ব্ৰাজিলৰ পৰা খাৰুৱা তেল আমদানি কৰে, যিটো প্ৰক্ৰিয়াকৰণ কৰি বিশ্বৰ বহু দেশলৈ প্ৰেৰণ কৰা হয়। ব্ৰাজিলৰ পৰা সৰিয়হ তেল, সোণ (নন-মানিটেৰী), কেঁচা চেনি, কপাহ, আঠা, কাঠ আৰু টাৰ্পেন্টাইন তেল, ৰাসায়নিক পদাৰ্থ (কাৰ্বক্সিলিক এচিড) আৰু লোহাৰ অক্সাইড আৰু ঘনীভূত পদাৰ্থ আমদানি কৰা হয়।

ব্ৰাজিলত ভাৰতৰ বিনিয়োগ

ব্ৰাজিলত ভাৰতৰ বিনিয়োগো কম নহয়। ইয়াৰ মূল্য ৬ বিলিয়ন ডলাৰতকৈও অধিক বুলি কোৱা হয়। দূতাবাসৰ তথ্য অনুসৰি ব্ৰাজিলত ভাৰতীয় মুঠ বিনিয়োগ ৬ বিলিয়ন মাৰ্কিন ডলাৰৰ ওপৰত হ’ব বুলি অনুমান কৰা হৈছে। ভাৰতত ব্ৰাজিলৰ বিনিয়োগ প্ৰায় ১ বিলিয়ন মাৰ্কিন ডলাৰ। ব্ৰাজিলৰ প্ৰধান ভাৰতীয় কোম্পানীসমূহ হ’ল গ্লেনমাৰ্ক, জাইডাছ কেডিলা, ছান ফাৰ্মা, ডাঃ ৰেড্ডীজ লেবৰেটৰীজ, পিডিলাইট ইণ্ডাষ্ট্ৰীজ লিমিটেড, অ’এনজিচি বিদেশ লিমিটেড (অ’ভিএল), বিপিআৰএল, আইএফএফচিঅ’, বাজাজ, টাটা মটৰছ, মহিন্দ্ৰা ট্ৰেক্টৰছ, ইনফ’ছিছ, টিচিএছ, এইচচিএল আৰু উইপ্ৰ’। ভাৰতত উপস্থিত ব্ৰাজিলৰ প্ৰধান কোম্পানীসমূহ হ’ল প’লো (অটোম’বাইল), ভেল (খনন), ষ্টেফানিনি (আই টি), গেৰ্ডাউ (ষ্টীল), ডব্লিউ ই জি (গধুৰ বৈদ্যুতিক মটৰ/জেনেৰেটৰ আদি), কম্পচিছ (টোল ৰোড চফটৱেৰ চিষ্টেম), ডেডিনি (ইথানল উৎপাদন), ফাৰ্মাছ কুঞ্জ (জুতা), পাৰ্টো (এ টি এম নিৰ্মাণ), ফানাম (চিকিৎসালয়ৰ সঁজুলি নিৰ্মাণ)।

লগতে পঢ়ক: বন্ধুৰাষ্ট্ৰক সমৰ্থন! ট্ৰাম্পৰ শুল্ক ভাবুকিৰ প্ৰত্যুত্তৰ দিলে ৰাছিয়াই…