“ক’বলৈ শব্দ নাই, আমি এক অমূল্য সম্পদ হেৰুৱালোঁ”, হাৰ্টথ্ৰব জুনিব গাৰ্গৰ মৃত্যুত প্ৰতিক্ৰিয়া মুখ্যমন্ত্ৰীৰ
প্ৰতিক্ৰিয়া প্ৰকাশ কৰিছে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই। ইতিমধ্যে বিটিচি নিৰ্বাচনী প্ৰচাৰ বাতিল কৰিছে মুখ্যমন্ত্ৰী শৰ্মাই। তেওঁ কয়, "কি কম ! ক'বলৈ একো শব্দই বিচাৰি পোৱা নাই। এয়া জাতিটোৰ এক অপূৰণীয় ক্ষতি, আমি এক অমূল্য সম্পদ হেৰুৱালোঁ। "
যাওঁ বুলিয়ে গ’ল গৈ তেওঁ ! কাকো খাতিৰ নকৰিলে। এক ভাৱিব নোৱাৰা এটা খবৰ। অসমবাসীয়ে বুজিব নোৱাৰা খবৰ। ৫২ বছৰ বয়সত শেষ নিশ্বাস ত্যাগ কৰিলে অসমীয়াৰ প্ৰাণৰ শিল্পী জুবিন গাৰ্গে। “অমানিশা সাৰে আছে, আৰু সাৰে আছো মই…” সেইগৰাকী জুবিন গাৰ্গ আৰু আমাৰ মাজত নাই।
এই খবৰ লাভ কৰাৰ লগে লগে প্ৰতিক্ৰিয়া প্ৰকাশ কৰিছে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই। ইতিমধ্যে বিটিচি নিৰ্বাচনী প্ৰচাৰ বাতিল কৰিছে মুখ্যমন্ত্ৰী শৰ্মাই। তেওঁ কয়, “কি কম ! ক’বলৈ একো শব্দই বিচাৰি পোৱা নাই। এয়া জাতিটোৰ এক অপূৰণীয় ক্ষতি, আমি এক অমূল্য সম্পদ হেৰুৱালোঁ। ”
হে শিল্পী, তোমালৈ অশ্ৰুসিক্ত শ্ৰদ্ধাঞ্জলি..
অমৰ কণ্ঠ হৈ সকলোৰে হৃদয়ত ৰৈ যাব জুবিন গাৰ্গ।
The immortal voice will remain in everyone’s heart, Zubeen Garg. pic.twitter.com/u3YahOomf8
— Chief Minister Assam (@CMOfficeAssam) September 19, 2025
সংবাদ মাধ্যমৰ আগত তেওঁ কয়, “পবিত্ৰ মাৰ্ঘেৰিটাই এই মাত্ৰ মোক জনাইছে যে, আমাৰ মৰমৰ জুবিন এই সংসাৰত নাই। বৰ মৰ্মান্তিক ঘটনা। আজি বিজেপি দলে নিৰ্বাচনী প্ৰচাৰ নকৰাৰ সিদ্ধান্ত লৈছে। অতি সোনকালে গুৱাহাটীলৈ উভতি যাম। গুৱাহাটীত গৈ তেখেতৰ সৎকাৰ বা কি ধৰণে গুৱাহাটীলৈ তেখেতক অনা হয়, সেই সন্দৰ্ভত আলোচনা কৰিম।”
উল্লেখ্য যে, নৰ্থ ইষ্ট ইণ্ডিয়া ফেষ্টিভেলত অংশগ্ৰহণৰ বাবে ছিংগাপুৰলৈ গৈছিল অসমীয়াৰ প্ৰাণৰ শিল্পী জুবিন গাৰ্গে। খবৰ অনুসৰি, ইয়াৰ মাজতে তেওঁ স্কুবা ডাইভিং কৰিবলৈ গৈছিল জুবিন। সেই সময়তে তেওঁ অসুস্থ হৈ অচেতন হৈ পৰে। ইয়াৰ পাছত জুবিন গাৰ্গক তাৎক্ষণিভাৱে হাস্পতালত ভৰ্তি কৰা হৈছিল যদিও চিকিৎসকে মৃত্যু হোৱা বুলি ঘোষণা কৰে।
