জগতসভালৈ যাব বাগুৰুম্বা! ১৭ জানুৱাৰীত ১০ হাজাৰ শিল্পীয়ে সৰুসজাইত একেলগে পৰিৱেশন কৰিব বাগুৰুম্বা নৃত্য

‘বাগুৰুম্বা দ’হৌ’লৈ এতিয়া আৰু মাত্ৰ কেইটামান দিনহে বাকী। অসমীয়াৰ ঐতিহ্য আৰু বডো সংস্কৃতিৰ গৌৰৱময় পৰিচয় বাগুৰুম্বা জগত সভাত উদ্ভাসিত হ’ব এক ঐতিহাসিক মুহূর্তত। বিহু আৰু ঝুমুৰৰ পিছত এইবাৰ অসম চৰকাৰ সাজু বাগুৰুম্বাৰে ৰেকৰ্ড গঢ়িবলৈ।

বড়ো জনগোষ্ঠীৰ সমৃদ্ধ সংস্কৃতিক বিশ্ব দৰবাৰত প্ৰতিষ্ঠা কৰাৰ লক্ষ্যৰে অহা ১৭ জানুৱাৰীত অনুষ্ঠিত হ’ব ‘বাগুৰুম্বা দৗহৌ’ অনুষ্ঠান। এই অনুষ্ঠানত প্ৰধানমন্ত্ৰী মোদীৰ উপস্থিতিত সৰুসজাইত উপস্থিত থাকিব। অসমৰ ভিন্ন প্ৰান্তৰ পৰা অহা
১০ হাজাৰ বডো নৃত্যশিল্পীয়ে এই অনুষ্ঠান পৰিৱেশন কৰিব। ইতিমধ্যে গুৱাহাটীৰ সৰুসজাই ষ্টেডিয়ামত অনুশীলন অব্যহত আছে।

এই অনুষ্ঠানৰ সময়সূচীৰ সবিশেষ প্ৰদান কৰি অসমৰ সাংস্কৃতিক পৰিক্ৰমা মন্ত্ৰী বিমল বৰাই কয় যে, ‘ৰাজ্যৰ বিভিন্ন প্ৰান্তৰ লগতে চুবুৰীয়া ৰাজ্য আনকি নেপালৰ শিল্পীসকলেও ১২ জানুৱাৰীৰ পৰা আখৰা আৰম্ভ কৰিছে। একেৰাহে চাৰিদিন ধৰি चला আখৰাবোৰে পৰিবেশকসকলৰ মাজত সমন্বয়, অনুশাসন, আৰু কলাত্মক উৎকৰ্ষতা নিশ্চিত কৰিছে।’

তেওঁ লগতে কয়, ‘১২, ১৩, ১৪ আৰু ১৫ জানুৱাৰীৰ পৰা সৰুসজাইত অসমৰ বিভিন্ন প্ৰান্তৰ শিল্পীক জড়িত কৰি আখৰা আয়োজন কৰা হয়। এয়া অতি গুৰুত্বপূৰ্ণ, যাতে প্ৰতিজন অংশগ্ৰহণকাৰীয়ে প্ৰক্ৰিয়া, গঠন, আৰু ছন্দ স্পষ্টভাৱে বুজি পায়, যাৰ ফলত তেওঁলোকে এক ত্ৰুটিহীন আৰু দৃশ্যগতভাৱে আচৰিত ধৰণৰ নৃত্য আগবঢ়াব পাৰে।’ ১৫ জানুৱাৰীত হ’ব চূড়ান্ত আখৰা, আৰু ১৬ জানুৱাৰীক পৰিবেশকসকলৰ বাবে জিৰণি দিন হিচাপে নিৰ্ধাৰণ কৰা হৈছে।কঠোৰ অনুশীলনৰ পিছত নৃত্যশিল্পীসকলক সম্পূৰ্ণ দিনটো জিৰণি লৈ সুস্থ হ’বলৈ দিয়া হ’ব।’