World Book and Copyright Day 2025: আজি বিশ্ব গ্ৰন্থ আৰু কপিৰাইট দিৱস, জানো আহক তাৎপৰ্য

আজি বিশ্ব গ্ৰন্থ আৰু কপিৰাইট দিৱস

বিশ্ব গ্ৰন্থ দিৱস আৰু কপিৰাইট দিৱস বা আন্তঃৰাষ্ট্ৰীয় কিতাপৰ দিন প্ৰতি বছৰে ২৩ এপ্ৰিল তাৰিখে গোটেই বিশ্বতে পালন কৰা এক দিৱস। ৰাষ্ট্ৰসংঘৰ ৰাষ্ট্ৰসংঘ শিক্ষা, বিজ্ঞান আৰু সংস্কৃতি সংস্থায়ে গ্ৰন্থ অধ্যয়ন, প্ৰকাশৰ আৰু কপিৰাইটৰৰ বিষয়ে সজাগতা সৃষ্টিৰ বাবে এই দিৱসৰ পাতনি মেলিছিল। ১৯৯৫ চনৰ ২৩ এপ্ৰিল তাৰিখে পোনপ্ৰথমবাৰৰ বাবে বিশ্ব গ্ৰন্থ দিৱসৰ আৰম্ভণি হৈছিল। এইদিনা বিশ্বৰ বিভিন্ন প্ৰান্তত বিভিন্ন কাৰ্যসূচী মাধ্যমেৰে গ্ৰন্থ আৰু ইয়াৰ আনুষংগিক বিষয় সমূহৰ প্ৰচাৰ আৰু প্ৰসাৰৰ কাৰ্যপন্থা হাতত লোৱা হয়।

ভেলেনচিয়ান লেখক ভিছেণ্ট ক্লাভেল আন্দ্ৰেয়ে সাহিত্যিক মিগুৱেল ডে কাৰভেণ্টছক তেওঁৰ জন্মদিন ৭ অক্টোবৰ আৰু পিছলৈ তেওঁৰ মৃত্যু দিৱস ২৩ এপ্ৰিলত তেওঁৰ সন্মানৰ্থে এই দিনা বিশ্ব গ্ৰন্থ দিৱস হিচাপে উদযাপন কৰিবলৈ বিচাৰিছিল। ১৯৯৫ চনত ৰাষ্ট্ৰসংঘ শিক্ষা, বিজ্ঞান আৰু সংস্কৃতি সংস্থায়ে ২৩ এপ্ৰিলক বিশ্ব গ্ৰন্থ আৰু কপিৰাইট দিৱস উদযাপনৰ বাবে বাছনি কৰে। ২৩ এপ্ৰিল উইলিয়াম শ্বেইকছপীয়েৰ আৰু ইনকা গাৰ্ছিলাছ’ ডে লা ভেগাৰ মৃত্যু দিৱস। ইয়াৰ লগতে ২৩ এপ্ৰিল বহু বিখ্যাত লেখক-সাহিত্যিকৰ জন্ম আৰু মৃত্যু দিৱস হোৱাৰ বাবে এই বিশ্ব গ্ৰন্থ দিৱসৰ বাবে এই দিন বাছনি কৰা হ’ল।

বৰ্তমান হ্ৰাস পাইছে নেকি গ্ৰন্থৰ জনপ্ৰিয়তা

গ্ৰন্থৰে ভৰি থকা পুথিভঁৰালসমূহত কিন্তু আজিকালি আশানুৰূপ ধৰণে নাই পঢ়ুৱৈ। অনুৰূপ ধৰণে কমি গ’ল বাতৰি কাকতৰ গ্ৰাহকৰ সংখ্যাও। ম’বাইল ফোনৰ অগ্ৰাসনে বহু লোকৰ মাজৰ পৰা কিতাপ পঢ়াৰ আমেজসমূহ কাঢ়ি নিছে। কিন্তু একাংশ লোকৰ কিতাপৰ প্ৰতি থকা আগ্ৰহে অনুপ্ৰাণিত কৰি আন বহুতকে যে পুনৰ গ্ৰন্থৰ প্ৰতি আকৃষ্ট কৰি তুলিছে তাক নুই কৰিব নোৱাৰি। বৰ্তমানৰ সমাজত মোবাইল ফোনৰ পৰা যিমান দূৰ সম্ভৱ আতৰি থাকি ছাত্ৰ-ছাত্ৰীসকলৰ মাজত সৰুৰে পৰাই কিতাপ পঢ়াৰ এক অভ্যাস গঢ়ি তোলাতো অতিকৈ প্ৰয়োজনীয় হৈ পৰিছে।