ভাৰতে কেৱল হত্যা কৰাই নহয়, আমাক ঠাট্টাও কৰিছে…পাকিস্তানৰ জনতাক সম্বোধন কৰি ক’লে শ্বাহবাজ শ্বৰীফে
অপাৰেশ্যন সেন্দূৰৰ অধীনত পাকিস্তান আৰু POKত থকা সন্ত্ৰাসবাদী ঘাটিত ভাৰতীয় বায়ুসেনাৰ নিৰ্ধাৰিত আক্ৰমণৰ পিছত পাকিস্তানত আতংকৰ সৃষ্টি হৈছে। ইয়াৰ মাজতে দেশবাসীক সম্বোধন কৰি পাকিস্তানৰ প্ৰধানমন্ত্ৰী শ্বাহবাজ শ্বৰীফে কয়, "ভাৰতে কেৱল আমাক আক্ৰমণ কৰাই নহয়, আমাক ঠাট্টাও কৰিছে।"
অপাৰেশ্যন সেন্দূৰ অধীনত পাকিস্তান আৰু POKৰ সন্ত্ৰাসবাদী ঘাটিত মাজনিশা আক্ৰমণ চলালে ভাৰতীয় বায়ুসেনাই। তাৰ পিছৰে পৰা আতংকৰ সৃষ্টি হৈছে পাকিস্তানত। ইয়াৰ মাজতে পাকিস্তানৰ প্ৰধানমন্ত্ৰী শ্বাহবাজ শ্বৰীফে দেশবাসীক সম্বোধন কৰে। এই সময়ত তেওঁ কয়, “ভাৰতে কেৱল আক্রমণ কৰাই নহয়, আন্তঃৰাষ্ট্ৰীয় মঞ্চত পাকিস্তানক ঠাট্টাও কৰিছে ৷ আমি তদন্তত সহযোগ কৰাৰ কথা কৈছিলো। তাৰ পিছতো ভাৰতে দেশক আক্ৰমণ কৰিলে।”
শ্বাহবাজ শ্বৰীফে তেওঁৰ ভাষণত কয় যে, তেওঁৰ তুৰস্ক ভ্ৰমণৰ সময়ত পহলগামত এই আক্ৰমণ সংঘটিত হৈছিল। তেওঁ দাবী কৰে যে ,এই আক্ৰমণৰ লগত পাকিস্তানৰ কোনো সম্পৰ্ক নাই। শ্বৰীফে আন্তঃৰাষ্ট্ৰীয় তদন্ত আয়োগ গঠনৰ প্ৰস্তাৱ দি কয় যে, পাকিস্তানে এই তদন্তত প্ৰতিটো স্তৰতে সহযোগিতা আগবঢ়াব। কিন্তু ভাৰতে এই প্ৰস্তাৱক আওকাণ কৰিছিল। আনকি এই কথাত সমৰ্থন কৰা এখন দেশৰ ৰাষ্ট্ৰদূতক মাতি আনি ধমক দিছিল।
পাকিস্তানৰ প্ৰধানমন্ত্ৰীয়ে লগতে কয়, “ভাৰতে অতি সোনকালে পাকিস্তানৰ বিৰুদ্ধে সামৰিক ব্যৱস্থা ল’ব পাৰে বুলি তেওঁ অহৰহ ইনপুট লাভ কৰি আছে। সেইবাবেই তেওঁ পাকিস্তানৰ ২৪ কোটি জনসাধাৰণ আৰু সংসদক আশ্বস্ত কৰিব বিচাৰে যে পাকিস্তান সেনাবাহিনী প্ৰতিটো পৰিস্থিতিৰ বাবে সম্পূৰ্ণৰূপে সাজু।” অৱশ্যে এই আক্ৰমণৰ সন্দৰ্ভত ভাৰতে কয় যে, তেওঁলোকে কেৱল সন্ত্ৰাসবাদী সংগঠনক লক্ষ্য কৰি লৈছে।
আনহাতে ভাৰতে স্পষ্ট কৰি দিছে যে অপাৰেশ্যন সেন্দূৰ এতিয়াও শেষ হোৱা নাই। সেনাই কয়, এই অভিযান সন্ত্ৰাসবাদৰ বিৰুদ্ধে আৰু পাকিস্তানৰ মাটিৰ পৰা ভাৰতৰ বিৰুদ্ধে চলা সন্ত্ৰাসবাদী ষড়যন্ত্ৰ বন্ধ নোহোৱালৈকে এই অভিযান চলি থাকিব। সন্ত্ৰাসবাদীৰ ৯টা আত্মগোপন স্থানক লক্ষ্য কৰি ভাৰতে বিশ্ববাসীক এই বাৰ্তা দিছে যে এতিয়া সন্ত্ৰাসবাদৰ ওপৰত কেৱল বাক্যবাণ নাথাকিব, কিন্তু সুনিৰ্দিষ্ট ব্যৱস্থা গ্ৰহণ কৰা হ’ব।”
বিশেষজ্ঞৰ মতে শ্বাহবাজ শ্বৰীফৰ বক্তব্য আৰু পাকিস্তানী সেনাৰ মনোভাৱ ভাৰতে ইতিমধ্যে অনুভৱ কৰিছিল। সেইবাবেই তেওঁ কোনো ঘোষণা নকৰাকৈয়ে নিখুঁত আৰু সীমিত সামৰিক কাৰ্যকলাপ চলাইছিল। ইয়াৰ ফলত এফালে সন্ত্ৰাসবাদী আন্তঃগাঁথনিৰ ক্ষতি হ’ল আৰু আনফালে পাকিস্তানে আন্তঃৰাষ্ট্ৰীয় মঞ্চত স্পষ্টীকৰণ দিবলৈ বাধ্য হ’ল।
ভাৰতৰ এই কাৰ্যই কূটনৈতিকভাৱেও সন্ধিক্ষণত পেলাইছে পাকিস্তানক। কেৱল আমেৰিকাই নহয়, আন বহু দেশেই যিকোনো প্ৰকাৰে ভাৰতৰ আত্মৰক্ষাৰ অধিকাৰক অন্তৰ্নিহিতভাৱে সমৰ্থন কৰিছে। একে সময়তে পাকিস্তানে এতিয়াও সিদ্ধান্ত ল’ব পৰা নাই যে ইয়াৰ উত্তৰ দিব নে মৌন হৈ থাকিব। শ্বাহবাজ শ্বৰীফৰ ভাষণ এই বিভ্ৰান্তি আৰু চাপৰ প্ৰমাণ, য’ত তেওঁ নিজেই মানি লৈছিল যে ভাৰতে কেৱল আক্ৰমণ কৰাই নহয়, পাকিস্তানক উপহাসো কৰিছে।
