ৰাছিয়াৰ পৰা আমেৰিকালৈ সাৰেই আহেনে, ৰাসায়নিক দ্ৰব্যই আহে একো নাজানে ট্ৰাম্পে!
ট্ৰাম্পৰ বাৰম্বাৰ ভাবুকিৰ পিছত আমেৰিকাই নিজৰ পাৰমাণৱিক উদ্যোগৰ বাবে ৰাছিয়াৰ পৰা ইউৰেনিয়াম হেক্সাফ্ল’ৰাইড, সাৰ, লগতে ৰাসায়নিক পদাৰ্থ আমদানি কৰি থকা বুলি দাবী কৰিছিল ভাৰতে। এই দাবীৰ প্ৰত্যুত্তৰত ট্ৰাম্পে একো নাজানে বুলি মন্তব্য কৰা দেখা গৈছে।
আমেৰিকাৰ ৰাষ্ট্ৰপতি ড’নাল্ড ট্ৰাম্পে মঙলবাৰে (স্থানীয় সময় অনুসৰি) কয় যে আমেৰিকাই ৰাছিয়াৰ ৰাসায়নিক পদাৰ্থ আৰু সাৰ আমদানি কৰা সন্দৰ্ভত তেওঁ একো নাজানে। আমেৰিকাই নিজৰ পাৰমাণৱিক উদ্যোগৰ বাবে ৰাছিয়াৰ পৰা ইউৰেনিয়াম হেক্সাফ্ল’ৰাইড, সাৰ, লগতে ৰাসায়নিক পদাৰ্থ আমদানি কৰি থকা বুলি ভাৰতে দাবী কৰাৰ পিছতে এই মন্তব্য কৰিছে ট্ৰাম্পে।
হোৱাইট হাউছত এখন সংবাদমেলত ৰাছিয়াৰ ৰাসায়নিক পদাৰ্থ আৰু সাৰ আমেৰিকাই আমদানি কৰা বিষয়ে এএনআইয়ে সোধাত ট্ৰাম্পে কয়, “মই ইয়াৰ বিষয়ে একো নাজানো। আমি পৰীক্ষা কৰিব লাগিব।” ৰাছিয়াৰ তেল ক্ৰয়ৰ ক্ষেত্ৰত আমেৰিকাই ভাৰতৰ ওপৰত শুল্ক “যথেষ্ট পৰিমাণে বৃদ্ধি” কৰিব বুলি ঘোষণা কৰাৰ এদিন পিছতে ট্ৰাম্পে এই মন্তব্য প্ৰকাশ কৰিছে।
“ভাৰতে কেৱল বিপুল পৰিমাণৰ ৰাছিয়ান তেল ক্ৰয় কৰাই নহয়, তেওঁলোকে ক্ৰয় কৰা তেলৰ বহুখিনি অধিক লাভৰ বাবে মুক্ত বজাৰত বিক্ৰী কৰি আছে। তেওঁলোকে ইউক্ৰেইনত কিমান মানুহক ৰাছিয়াৰ যুদ্ধ মেচিনে হত্যা কৰিছে সেইটো চিন্তা নকৰে। ইয়াৰ বাবেই মই ভাৰতে আমেৰিকাক দিয়া শুল্ক যথেষ্ট পৰিমাণে বৃদ্ধি কৰিম। এই বিষয়টোৰ প্ৰতি আপোনাৰ মনোযোগৰ বাবে ধন্যবাদ!!!” সোমবাৰে ট্ৰুথ ছ’চিয়েলত এটা পোষ্টত এই মন্তব্য কৰিছিল ট্ৰাম্পে।
আমেৰিকাৰ ৰাষ্ট্ৰপতিগৰাকীৰ এই বক্তব্য ভাৰতে তীব্ৰভাৱে নাকচ কৰাৰ লগতে বৈদেশিক পৰিক্ৰমা মন্ত্ৰালয়ে ভাৰতক লক্ষ্য কৰি লোৱাটোক “অযুক্তিকৰ” বুলি অভিহিত কৰে।
বিশেষকৈ ইউক্ৰেইনৰ সংঘাতৰ পিছত পশ্চিমীয়া ৰাষ্ট্ৰসমূহে ইউৰোপলৈ পৰম্পৰাগত যোগানসমূহ ডাইভাৰ্ট কৰাৰ পিছত বজাৰৰ প্ৰয়োজনীয়তা আৰু শক্তি সুৰক্ষাৰ ওপৰত ভিত্তি কৰি ভাৰতে ৰাছিয়াৰ পৰা আমদানি কৰা বুলি কয়।
“আচলতে ভাৰতে ৰাছিয়াৰ পৰা আমদানি কৰিবলৈ আৰম্ভ কৰিছিল, কাৰণ সংঘাতৰ আৰম্ভণিৰ পিছত পৰম্পৰাগত যোগান ইউৰোপলৈ ডাইভাৰ্ট কৰা হৈছিল। সেই সময়ত আমেৰিকাই বিশ্ব শক্তি বজাৰৰ স্থিতিশীলতা শক্তিশালী কৰাৰ বাবে ভাৰতৰ এনে আমদানিক সক্ৰিয়ভাৱে উৎসাহিত কৰিছিল। ভাৰতৰ আমদানিৰ উদ্দেশ্য হৈছে ভাৰতীয় গ্ৰাহকৰ বাবে সম্ভাৱনীতা থকা আৰু সুলভ শক্তিৰ ব্যয় নিশ্চিত কৰা। এইবোৰ বিশ্ব বজাৰৰ পৰিস্থিতিৰ বাবে বাধ্য হোৱা এক প্ৰয়োজনীয়তা। অৱশ্যে ইয়াৰ পৰা প্ৰকাশ পাইছে যে ভাৰতক সমালোচনা কৰা দেশবোৰেহে ভাৰতৰ দ্বাৰা এনে আমদানি কৰে। আমাৰ বিষয়টোৰ দৰে নহয়, এনে বাণিজ্য আনকি এক গুৰুত্বপূৰ্ণ ৰাষ্ট্ৰীয় বাধ্যবাধকতাও নহয়।” বিবৃতিটোত কোৱা হৈছে।
ৰাছিয়া, আমেৰিকা আৰু ইউৰোপীয় সংঘ উভয়ৰে মাজত বাণিজ্য অব্যাহত থকাৰ কথাও ভাৰত চৰকাৰে আঙুলিয়াই দিয়ে। বিদেশ মন্ত্ৰণালয়ৰ বিবৃতিত কোৱা হৈছে, “য’ত আমেৰিকাই ৰাছিয়াৰ পৰা ইয়াৰ পাৰমাণৱিক উদ্যোগৰ বাবে ইউৰেনিয়াম হেক্সাফ্ল’ৰাইড, বৈদ্যুতিক বাহন উদ্যোগৰ বাবে পেলেডিয়াম, সাৰ, লগতে ৰাসায়নিক পদাৰ্থ আমদানি অব্যাহত ৰাখিছে, এই পটভূমিত ভাৰতক লক্ষ্য কৰি লোৱাটো অযুক্তিকৰ আৰু ন্যায়সন্মত নহয়। যিকোনো বৃহৎ অৰ্থনীতিৰ দৰে ভাৰতেও নিজৰ ৰাষ্ট্ৰীয় স্বাৰ্থ আৰু অৰ্থনৈতিক নিৰাপত্তা ৰক্ষাৰ বাবে সকলো প্ৰয়োজনীয় ব্যৱস্থা গ্ৰহণ কৰিব।”
ভাৰতে লগতে উল্লেখ কৰে যে ২০২৪ চনত ৰাছিয়াৰ সৈতে ইউৰোপীয় ইউনিয়নৰ দ্বিপাক্ষিক বাণিজ্যই ৬৭.৫ বিলিয়ন ইউৰোৰ সামগ্ৰীৰ লগতে ১৬.৫ মিলিয়ন টন এল এন জি লাভ কৰিছিল, যিটো ৰাছিয়াৰ সৈতে নিজৰ বাণিজ্যৰ পৰিমাণতকৈ অধিক। ভাৰতে নিজৰ ৰাষ্ট্ৰীয় স্বাৰ্থ আৰু অৰ্থনৈতিক নিৰাপত্তা ৰক্ষাৰ বাবে প্ৰয়োজনীয় সকলো পদক্ষেপ গ্ৰহণ কৰিব বুলি জানিবলৈ দিয়ে।
