লৰেন্স বিষ্ণোই

লৰেন্স বিষ্ণোইৰ জন্ম ১৯৯৩ চনৰ ১২ ফেব্ৰুৱাৰীত পঞ্জাৱৰ ফাজিলকাত হৈছিল । তেওঁৰ পিতৃ এজন আৰক্ষী কনিষ্টবল আছিল । লৰেন্সৰ পিতৃয়ে তেওঁক এজন আইএএছ বিষয়া হোৱাটো বিচাৰিছিল । কিন্তু লৰেন্সৰ মগজুত আন কিবা হে চলি আছিল । দ্বাদশ শ্ৰেণী উত্তীৰ্ণ হোৱাৰ পিচত লৰেন্স চণ্ডীগড়লৈ যায় আৰু ডিএভি মহাবিদ্যালয়ত নামভৰ্তি কৰে । তাৰ পাছত তেওঁ ছাত্ৰ ৰাজনীতিত সক্ৰিয় হৈ পৰে আৰু গেংষ্টাৰ গোল্ডি ব্ৰাৰৰ সৈতে তেওঁৰ বন্ধুত্ব হয় ।

লৰেন্সে নিৰ্বাচনত প্ৰতিদ্বন্দ্বিতা কৰিছিল কিন্তু পৰাজিত হৈছিল । কিন্তু তেওঁ এই পৰাজয় সহজভাৱে ল’ব নোৱাৰিলে আৰু পৰাজয়ৰ প্ৰতিশোধ ল’বলৈ ৰিভলভাৰ হাতত তুলি ল’লে । এইদৰে অপৰাধজগতত লৰেন্সৰ আগমন হয়। কিন্তু একাংশ সংবাদ মাধ্যমৰ বাতৰি অনুসৰি নিৰ্বাচনত পৰাজিত হোৱাৰ পাছত এক দলীয় কাজিয়াত তেওঁৰ প্ৰেমিকা নিহত হৈছিল । যাৰ বাবে তেওঁ বন্দুক লৈছিল ।