ইংলেণ্ডত টেষ্ট খেলিবলৈ যোৱা ভাৰতীয় দলৰ সমুখত তিনিটা বিপদ

শুভমন গিলৰ নেতৃত্বত ইংলেণ্ডত টিম ইণ্ডিয়াৰ লিটমাছ টেষ্ট ২০ জুন শুকুৰবাৰৰ পৰা আৰম্ভ হৈছে। ৰোহিত শৰ্মা, বিৰাট কোহলী আৰু ৰবিচন্দ্ৰন অশ্বিনৰ অৱসৰৰ পিছত এইবাৰ ভাৰতীয় দলটো সম্পূৰ্ণৰূপে সলনি হোৱা দেখা গৈছে। এইবাৰ দলৰ বহু খেলুৱৈয়ে প্ৰথমবাৰৰ বাবে ইংৰাজৰ মাটিত খেলিবলৈ আহিছে।

এনে পৰিস্থিতিত বেটিঙৰ দায়িত্ব বেছিভাগেই হ’ব শুভমন গিল, কে এল ৰাহুল, ঋষভ পন্ত আৰু ৰবীন্দ্ৰ জাদেজাৰ ওপৰত নিৰ্ভৰ কৰিব। কাৰণ কেৱল তেওঁলোকৰহে বিদেশৰ মাটিত টেষ্ট ক্ৰিকেট খেলাৰ অভিজ্ঞতা আছে। কিন্তু এইবাৰ ইংলেণ্ডৰ প্ৰত্যাহ্বান অলপ বেলেগ। এনে তিনিটা অদৃশ্য বিপদে ভাৰতীয় দুৱাৰত টুকুৰিয়াইছে, যাৰ সন্মুখীন হোৱা নাই টিম ইণ্ডিয়াৰ খেলুৱৈসকল।

তিনিটা অদৃশ্য ভাবুকিয়ে টোকৰ মাৰিছে

ইংলেণ্ডৰ তিনিটা অদৃশ্য ভাবুকিয়ে টুকুৰিয়াইছে টিম ইণ্ডিয়াৰ দুৱাৰত। ভাৰতীয় খেলুৱৈয়ে কেতিয়াও তেওঁলোকৰ মুখামুখি হোৱা নাই, গতিকে এই খেলুৱৈসকলে শুভমন গিলৰ দলৰ বহু ক্ষতি কৰিব পাৰে। এই ভাবুকি হিচাপে আছে বেগী বলাৰ জোছুয়া চাৰ্লছ, চেমুৱেল জেমছ কুক আৰু দ্ৰুতবেগী অলৰাউণ্ডাৰ ব্ৰাইডেন কাৰ্ছ। এই তিনিগৰাকী খেলুৱৈয়ে প্ৰথমবাৰৰ বাবে টিম ইণ্ডিয়াৰ বিৰুদ্ধে খেলিব। ইংলেণ্ডে তেওঁলোকক প্ৰথম টেষ্ট মেচৰ বাবে নিজৰ দলত অন্তৰ্ভুক্ত কৰিছে যদিও ইংৰাজ দলে এতিয়াও নিজৰ মূল একাদশৰ কথা ঘোষণা কৰা নাই, কিন্তু যদি এই খেলুৱৈসকলে খেলে তেন্তে তেওঁলোক টিম ইণ্ডিয়াৰ বাবে মূৰৰ কামোৰণি হৈ পৰিব পাৰে।

জোছুয়া চাৰ্লছক এৰাই চলিব লাগিব

ইংলেণ্ডৰ হৈ এতিয়ালৈকে মাত্ৰ তিনিখন টেষ্ট মেচ খেলা জোছুয়া চাৰ্লছ টংগুৰ পৰা সাৱধান হ’ব লাগিব টিম ইণ্ডিয়াৰ বেটছমেনসকল। ২০২৩ চনত লৰ্ডছত আয়াৰলেণ্ডৰ বিৰুদ্ধে অভিষেক ঘটোৱা টংগুৱে প্ৰথমখন মেচতে ৫টা উইকেট দখল কৰি আলোড়নৰ সৃষ্টি কৰিছিল। তাৰ পিছত সেই বছৰতে অষ্ট্ৰেলিয়াৰ বিৰুদ্ধে লৰ্ডছত পুনৰ ৫টা উইকেট দখল কৰি সকলোকে আচৰিত কৰি তুলিলে। এই পৰ্যন্ত ৩ খন মেচত ১২ টা উইকেট দখল কৰিছে টংগুৱে। এই বলাৰৰ প্ৰতি সাৱধান হ’ব লাগিব টিম ইণ্ডিয়াৰ বেটছমেনে।

ব্ৰাইডেন কাৰ্ছে মূৰৰ কামোৰণিত পৰিণত হ’ব পাৰে

ইংলেণ্ডৰ বেগী বলাৰ তথা অলৰাউণ্ডাৰ ব্ৰাইডেন কাৰ্ছে টিম ইণ্ডিয়াৰ বাবে মূৰৰ কামোৰণি হৈ পৰিব পাৰে। ইংলেণ্ডৰ হৈ ৫ খন টেষ্ট মেচ খেলা এইগৰাকী খেলুৱৈয়ে এই পৰ্যন্ত ২৭ টা উইকেট দখল কৰিছে। নিউজিলেণ্ড আৰু পাকিস্তানৰ বিৰুদ্ধে ঘৰুৱা খেলপথাৰত উজ্জ্বল প্ৰদৰ্শন আগবঢ়াইছিল কাৰ্ছে। এতিয়া তেওঁ ভাৰতৰ বিৰুদ্ধে ভাল প্ৰদৰ্শন কৰিবলৈ আগ্ৰহী। কাৰ্ছেও ভাল বেটিঙো কৰে।

চেমুৱেল জেমছ কুকো বিপদজনক হ’ব পাৰে

এই পৰ্যন্ত মাত্ৰ এখন টেষ্ট মেচ খেলা বেগী বলাৰ চেমুৱেল জেমছ কুকো টিম ইণ্ডিয়াৰ বাবে ভাবুকি হৈ পৰিব পাৰে। ভাৰতীয় দলে এইগৰাকী খেলুৱৈক এতিয়ালৈকে খেলা দেখা নাই। এনে পৰিস্থিতিত এই বেগী বলাৰগৰাকীয়ে ভাৰতীয় বেটছমেনসকলৰ বাবে সমস্যাৰ সৃষ্টি কৰিব পাৰে। জিম্বাবুৱেৰ বিৰুদ্ধে চলিত বৰ্ষত অভিষেক ঘটোৱা কুকে একমাত্ৰ মেচখনত মাত্ৰ এটা উইকেটহে ল’বলৈ সক্ষম হৈছিল যদিও বলিঙৰ জৰিয়তে তেওঁ সকলোকে আপ্লুত কৰিছিল।

ভাৰতীয় একাংশ বেটছমেনে প্ৰথমবাৰৰ বাবে ৱ’কেছৰ সৈতে মুখামুখি হ’ব

ইংলেণ্ডৰ অলৰাউণ্ডাৰ ক্ৰীছ ৱ’কেছৰ বিৰুদ্ধেও ভাৰতীয় বেটছমেনসকল সতৰ্ক হ’ব লাগিব। টিম ইণ্ডিয়াৰ বহু বেটছমেনে প্ৰথমবাৰৰ বাবে ক্ৰীছ ৱ’কেছৰ বিৰুদ্ধে খেলিব। ভাৰতৰ বিৰুদ্ধে উজ্জ্বল প্ৰদৰ্শন আগবঢ়োৱা ৱ’কেছে এই পৰ্যন্ত ৫৭খন মেচ খেলিছে। এই সময়ছোৱাত তেওঁ এটা শতক আৰু ৭টা অৰ্ধশতকৰ সহায়ত ১৯৭০ ৰান সংগ্ৰহ কৰিছে। ইয়াৰ উপৰিও তেওঁ ১৮১টা উইকেট দখল কৰিছে। ভাৰতৰ বিৰুদ্ধে ৯খন টেষ্ট মেচত ২৩টা উইকেট দখল কৰিছে তেওঁ।