Dhanteras 2025: ঘৰলৈ আহিব ধন আৰু আঁতৰিব বাধা, মাথোঁ ধনতেৰাচত ঘৰলৈ আনক এইকেইবিধ উদ্ভিদ!
ধনতেৰাচ ক্ৰয়-বিক্ৰয়ৰ দিন। আমি দীপাৱলীৰ প্ৰথম দিনটো ধনতেৰাচ হিচাপে উদযাপন কৰো। এই দিনটোত ঘৰলৈ শুভ বস্তু কিনাৰ এক নিয়ম আছে। ধনতেৰাচত ঘৰলৈ এইকেইবিধ উদ্ভিদ আনিলে পাব শুভ ফল...
হিন্দু ধৰ্মত দীপাৱলীৰ আগতে ধনতেৰাচৰ উৎসৱ পালন কৰা হয়, ইয়াক ধনত্ৰয়োদশী নামেৰে জনা যায়। প্ৰতি বছৰে কাতি মাহৰ কৃষ্ণ পক্ষৰ ত্ৰয়োদশী তাৰিখে ধনতেৰাচ উৎসৱ পালন কৰা হয়। এই দিনটোত ভগৱান কুবেৰ আৰু ভগৱান ধন্বন্তৰিক বিশেষভাৱে পূজা কৰা হয়। এই দিনটোত বজাৰ কৰিলে গোটেই বছৰটোৰ বাবে আশীৰ্বাদ পোৱা যায় বুলি বিশ্বাস কৰা হয়। এই বিশেষ উদ্ভিদৰ কিছুমান ঘৰলৈ আনিলে ইতিবাচক শক্তি আহে আৰু লগতে দেৱী লক্ষ্মীৰ কৃপাত ধন-সম্পত্তি বৃদ্ধি পায়। ধনতেৰাচৰ দিনা কোনবোৰ গছ ঘৰলৈ আনিব লাগে জানো আহক।
বগা অপৰাজিতা
ধনতেৰাচৰ দিনা বগা অপৰাজিতা গছ ৰোপণ কৰিব পাৰে। এই গছজোপা মূল দুৱাৰৰ ওচৰত ৰোপণ কৰিলে দেৱী লক্ষ্মী ঘৰলৈ আহে আৰু ঘৰত ধন-সম্পত্তিৰ আগমন বৃদ্ধি পায় বুলি বিশ্বাস কৰা হয়। ইয়াৰ বাহিৰেও সকলো ধৰণৰ আৰ্থিক সমস্যা দূৰ হৈ যায়।
লক্ষ্মী কমল
ধনতেৰাচৰ দিনা লক্ষ্মী দেৱীৰ প্ৰিয় গছ অৰ্থাৎ লক্ষ্মী কমল ৰোপণ কৰিব লাগে। বাস্তু শাস্ত্ৰতো লক্ষ্মী কমলৰ বিশেষ গুৰুত্বৰ কথা উল্লেখ আছে। ঘৰৰ প্ৰৱেশদ্বাৰৰ ওচৰত ৰাখিলে ভাল এই গছজোপা ঘৰত ৰোপণ কৰিলে ধন-সম্পত্তি বৃদ্ধি পায়।
তুলসী
হিন্দু ধৰ্মত তুলসী উদ্ভিদক দেৱী হিচাপে পূজা কৰা হয়। ঘৰত তুলসী গছ থাকিলে স্বাস্থ্যৰ উন্নতি হয় আৰু ধন সম্পৰ্কীয় সমস্যা দূৰ হয়। ধনতেৰাচৰ দিনা ঘৰত তুলসী গছ ৰোপণ কৰাটো অতি শুভ বুলি গণ্য কৰা হয়।
(অস্বীকাৰ: এই বাতৰিত দিয়া তথ্য ধৰ্মীয় বিশ্বাসৰ ওপৰত ভিত্তি কৰি কৰা হৈছে। TV9 অসমে এই কথা নিশ্চিত কৰা নাই।)
