এই তিনিটা বিশেষ সময়ত ভুলতো পানী আগনবঢ়াব তুলসীত, অন্যথা দূৰ হ’ব ঘৰৰ সুখ-সমৃদ্ধি

হিন্দু ধৰ্মত তুলসীক অত্যন্ত পবিত্ৰ আৰু পূজনীয় হিচাপে গণ্য কৰা হয়। ধৰ্মীয় মান্যতাৰ আধাৰত হিন্দু ধৰ্মাৱলম্বী লোকসকলে নিজ গৃহত তুলসীক মাতৃদেৱী হিচাপে পূজা কৰে। পূজাৰ সময়ত ভক্তিভাৱেৰে তুলসীত পানী আগবঢ়ায়। প্ৰাচীন গ্ৰন্থত তুলসীক লক্ষ্মী দেৱীৰ এক ৰূপ বুলি গণ্য কৰা হয়। কোৱা হয় যে তুলসী উদ্ভিদত দেৱী লক্ষ্মীয়ে বসতি কৰে। ঘৰত তুলসীক পূজা কৰি পানী আগবঢ়ালে ধন-সম্পত্তি, সুখ, সমৃদ্ধি নিশ্চিত হয়। কিন্তু কিছুমান বিশেষ সময়ত তুলসীক পানী আগবঢ়োৱাটো কঠোৰভাৱে নিষেধাজ্ঞা আৰোপ কৰা হয়।

এই সময়ত তুলসীত পানী আগবঢ়ালে ঘৰ এখনলৈ ধন-সম্পত্তিৰ আগমন তথা প্ৰগতিৰ পথ বন্ধ হৈ যাব পাৰে বুলি বিশ্বাস কৰা হয়। ইয়াৰ ফলত সুখ আৰু শান্তিও হেৰুৱাব পাৰে। গতিকে, এই বিশেষ সময়ৰ বিষয়ে আৰু এই সময়ত তুলসীক কিয় পানী আগবঢ়োৱা উচিত নহয়, জানো আহক।

গ্ৰহণৰ সময়ত

সূৰ্যগ্ৰহণেই হওক বা চন্দ্ৰগ্ৰহণেই হওক, গ্ৰহণৰ সময়ছোৱাত বিশেষ সাৱধানতা অৱলম্বন কৰা হয়। সূৰ্যগ্ৰহণৰ পূৰ্বে তুলসী পাত যোগ কৰি খাদ্য প্ৰস্তুত কৰা হয়, কিয়নো সূৰ্যগ্ৰহণৰ সময়ত ভুলতো তুলসীত পানী আগবঢ়াব নালাগে। তেনে কৰাটো অশুভ বুলি গণ্য কৰা হয়। সূৰ্যগ্ৰহণৰ সময় অতি সংবেদনশীল বিবেচিত হয়।

দেওবাৰে

দেওবাৰে তুলসী মাতাই ভগৱান বিষ্ণুৰ বাবে জলবিহীন উপবাস পালন কৰে বুলি কোৱা হয়। এই দিনটোত তুলসীক পানী আগবঢ়ালে তুলসী দেৱীৰ উপবাস ভংগ হয়। সেয়ে দেওবাৰে তুলসীক পানী আগবঢ়াব নালাগে। এই দিনটোত তুলসী মাতাক কেৱল ফুল আগবঢ়াই ভক্তিভাৱেৰে পূজা কৰিব লাগে।

একাদশীত

একাদশীক তুলসীৰ বাবে অতি বিশেষ হিচাপে গণ্য কৰা হয়। প্ৰতি একাদশীত তুলসী মাতাই ভগৱান বিষ্ণুৰ বাবে জলবিহীন উপবাস পালন কৰে। এই দিনটোত পানী আগবঢ়ালেও তুলসী দেৱীৰ উপবাস ভংগ হয়। একাদশীত তুলসী মাতাক পানী আগবঢ়োৱাটো আধ্যাত্মিক নিয়ম উলংঘা কৰা বুলি গণ্য কৰা হয়। তদুপৰি ধন-সম্পত্তি, স্বাস্থ্য, ঘৰৰ শান্তিৰ ওপৰত প্ৰভাৱ পৰে। গতিকে এই দিনটোত পানী নিদিয়াকৈ তুলসী পূজা কৰক।