মাটিৰ পৰিৱৰ্তে টেবুলত জগন্নাথ মহাপ্ৰভুৰ প্ৰসাদ গ্ৰহণ এটা পৰিয়ালৰ, বিতৰ্কৰ মাজতে মন্দিৰ কৰ্তৃপক্ষৰ পৰম্পৰা ৰক্ষাৰ নিৰ্দেশ
অতীজৰে পৰা পৰম্পৰা অনুসৰি জগন্নাথ মহাপ্ৰভুৰ প্ৰসাদ মাটিত বহি খোৱাৰ নিয়ম প্ৰচলিত হৈ আহিছে । কিন্তু এই পৰিয়ালটোৱে ডাইনিং টেবুলত বহি প্ৰসাদ গ্ৰহণ কৰাৰ দৃশ্য প্ৰকাশ পোৱাৰ পাছতেই তীব্ৰ বিতৰ্কৰ সূত্ৰপাত ঘটে ।
ওড়িশাৰ পুৰীৰ জগন্নাথ মন্দিৰৰ প্ৰসাদ গ্ৰহণক লৈ সৃষ্টি হৈছে এক বিতৰ্কৰ । এটা পৰিয়ালৰ ১০ গৰাকী সদস্য এই বিতৰ্কৰ আৱৰ্তত সোমাই পৰিছে । তেওঁলোকে ডাইনিং টেবুলত প্ৰসাদ গ্ৰহণ কৰিছিল । অতীজৰে পৰা পৰম্পৰা অনুসৰি জগন্নাথ মহাপ্ৰভুৰ প্ৰসাদ মাটিত বহি খোৱাৰ নিয়ম প্ৰচলিত হৈ আহিছে । কিন্তু এই পৰিয়ালটোৱে ডাইনিং টেবুলত বহি প্ৰসাদ গ্ৰহণ কৰাৰ দৃশ্য প্ৰকাশ পোৱাৰ পাছতেই তীব্ৰ বিতৰ্কৰ সূত্ৰপাত ঘটে । যাৰ পৰিপ্ৰেক্ষিতত মন্দিৰ কৰ্তৃপক্ষই ভক্তসকলৰ প্ৰতি এক বিশেষ আৱেদন জনাইছে ।
ଭିଡ଼ିଓ ରେ ଦେଖନ୍ତୁ ସେ ହୋଟେଲର କର୍ମଚାରୀ ମନା କରିବା ସତ୍ତ୍ବେ ସେମାନେ କିପରି ଡାଇନିଂ ଟେବୁଲ ଉପେର ମହାପ୍ରସାଦ ବାଢ଼ି ଗୋଡ଼ ହଲେଇ ମୋବାଇଲ ଚଲାଇ ପାଉଛନ୍ତି..ଆଉ ତହୁଁ ବଡ଼ ସେ ବ୍ରାହ୍ମଣ ମହାଶୟ ଯିଏ ମହାପ୍ରସାଦ ତାଙ୍କୁ ବାଢ଼ିକି ଦେଇଛନ୍ତି।ଆଉ ସେ ଦାଢ଼ିଆ ବାବା ସବୁ ଦେଖି ମଧ୍ଯ ଚୁପ ହୋଇ ଠିଆ ହୋଇଛନ୍ତି।ଦୋଷ କାହାକୁ ଦେବେ? pic.twitter.com/ktH4KLpTkd
— 🦋šrαdhα🦋 (@princess_sradha) May 16, 2025
পুৰীৰ সমুদ্ৰ তীৰৰ এখন ৰিজ’ৰ্টত এজন পুৰোহিতে মহাপ্ৰসাদ পৰিবেশন কৰাৰ সময়তে শিশু আৰু বৃদ্ধ ব্যক্তিকে ধৰি পৰিয়ালৰ সদস্যসকলক ডাইনিং টেবুলত বহি থকা দেখা গৈছিল । এজন লোকে পৰিয়ালটোক এই বিষয়ে সোধাত এগৰাকী মহিলাই জোৰ দি কয় যে তেওঁলোকে টেবুলত খাদ্য খোৱাৰ সিদ্ধান্ত লোৱাৰ আগতে সোধা-পোছা কৰিছিল । ইয়াৰ পিছত ভিডিঅ’টোত দেখা গৈছে যে মানুহজনে পুৰোহিতৰ ফালে ঘূৰি কিয় এই অনুমতি দিলে সেয়া জানিবলৈ বিচাৰে ।
মন্দিৰ কৰ্তৃপক্ষৰ হস্তক্ষেপ
ভিডিঅ’টো ছ’চিয়েল মিডিয়াত ভাইৰেল হোৱাৰ লগে লগে জগন্নাথৰ ভক্তসকলে উদ্বেগ প্ৰকাশ কৰাৰ লগে লগে মন্দিৰ কৰ্তৃপক্ষই হস্তক্ষেপ কৰি এক বিবৃতি প্ৰকাশ কৰে । শ্ৰী জগন্নাথ মন্দিৰ কৰ্তৃপক্ষই জনোৱা মতে, এটা পৰিয়ালে টেবুলত মহাপ্ৰসাদ খাই থকা ভিডিঅ’টোৰ বিষয়ে অৱগত হোৱা বুলি জানিব পৰা গৈছে, যিটো পৰম্পৰাৰ বিৰুদ্ধে আছিল আৰু ভক্তসকলৰ মাজত ই “প্ৰতিক্ৰিয়া”ৰ সৃষ্টি কৰিছে । তেওঁলোকে টেবুলত মহাপ্ৰসাদ খোৱাটো পৰম্পৰাৰ বিৰুদ্ধে বুলি উল্লেখ কৰি ভক্তসকলক মজিয়াত প্ৰসাদ খাই মন্দিৰৰ শতিকা পুৰণি ৰীতি-নীতি ৰক্ষা কৰিবলৈ আহ্বান জনায় ।
“মন্দিৰৰ ফালৰ পৰা স্পষ্ট কৰা হৈছে যে ভগৱানৰ ঐশ্বৰিক মহাপ্ৰসাদ অন্নব্ৰহ্ম ৰূপত পূজা কৰা হয় । মাটিত বহি মহাপ্ৰসাদ খোৱাৰ আচাৰ-ব্যৱহাৰৰ পৰম্পৰা অনাদি কালৰে পৰা চলি আহিছে । গতিকে সকলো ভক্তক পৰম্পৰাৰ বিৰোধী কাম-কাজ, যেনে ভোজন টেবুলত মহাপ্ৰসাদ খোৱাৰ দৰে কামৰ পৰা বিৰত থাকিবলৈ বিনম্ৰ অনুৰোধ জনোৱা হৈছে ।” বিবৃতিটোত কোৱা হৈছে ।
— Shree Jagannatha Temple Office, Puri (@SJTA_Puri) May 17, 2025
স্থানীয় আৱেগ আৰু ধৰ্মীয় বিশ্বাসৰ প্ৰতি লক্ষ্য ৰাখি মন্দিৰ কৰ্তৃপক্ষই পুৰীৰ হোটেলসমূহকো এনেধৰণৰ প্ৰথাৰ পৰা অতিথিসকলক সতৰ্ক কৰি দিবলৈ নিৰ্দেশ দিছে ।
