Lakshmi Narayan Yog 2025: দেওবাৰে মিলিব লক্ষ্মী নাৰায়ণ যোগ; এই ৩ ৰাশিৰ উজলিব ভাগ্য, সকলোফালে সুখ-সমৃদ্ধিৰ আগমন

ধৰ্ম বিশ্বাসী লোকসকলে কিছুমান বিশেষ দিন তথা ক্ষণক বিশেষ মান্যতা প্ৰদান কৰে। এই বিশেষ তথা ক্ষণৰ বিধান মানি তেওঁলোকে সফলতা প্ৰাপ্তিৰ আশা কৰে। এইক্ষেত্ৰত জ্যোতিষৰ বিধান তেওঁলোকে প্ৰতিক্ষণতে মানি চলে। জ্যোতিষত বুধ আৰু শুক্ৰক গুৰুত্বপূৰ্ণ গ্ৰহ হিচাপে গণ্য কৰা হয়। দুয়োটা গ্ৰহকে অতি তাৎপৰ্যপূৰ্ণ বুলি গণ্য কৰা হয়। শুক্ৰক সুখ, ধন-সম্পত্তি, প্ৰেম, সৌন্দৰ্য্য, বিলাসীতাৰ কাৰক হিচাপে গণ্য কৰা হয়। আনহাতে বুদ্ধি, যুক্তি, বাক্য, ব্যৱসায়, যোগাযোগৰ কাৰক বুধ।

শুক্ৰ আৰু বুধ গ্ৰহৰ সংযোগ অতি গুৰুত্বপূৰ্ণ বুলি গণ্য কৰা হয়। এই দুয়োটা গ্ৰহৰ সংযোগৰ ব্যাপক প্ৰভাৱ পৰে। বৰ্তমান বুধ বৃশ্চিক ৰাশিত। পঞ্জিকা অনুসৰি ২৩ নৱেম্বৰত বুধ তুলা ৰাশিত প্ৰৱেশ কৰিব, য’ত শুক্ৰ ইতিমধ্যেই অৱস্থান কৰি আছে। ইয়াৰ ফলস্বৰূপে ২৩ নৱেম্বৰ, অৰ্থাৎ দেওবাৰে তুলা ৰাশিত বুধ আৰু শুক্ৰৰ সংযোগ হ’ব।

এই দুটা গ্ৰহৰ সংযোগে লক্ষ্মী নাৰায়ণ যোগৰ সৃষ্টি কৰিব। জ্যোতিষীসকলৰ মতে অহা ২৩ নৱেম্বৰত হ’বলগীয়া লক্ষ্মী নাৰায়ণ যোগে তিনিটা ৰাশিত জন্ম লোৱাসকলৰ বাবে অপৰিসীম লাভালাভ কঢ়িয়াই আনিব। এক কথাত এই দিনটোত এই তিনিটা ৰাশিৰ ঘটিব ভাগ্যোদয়। জানো আহক এই বিষয়ে।

তুলা ৰাশি

তুলা ৰাশি হৈছে শুক্ৰ পৰিচালিত ৰাশি। গতিকে লক্ষ্মী নাৰায়ণ যোগ তুলা ৰাশিৰ বাবে অতি শুভ বুলি প্ৰমাণিত হ’ব পাৰে। এই সময়ে সমৃদ্ধি আৰু ভাল ফলাফল কঢ়িয়াই আনিব পাৰে। সন্মান আৰু প্ৰতিপত্তি বৃদ্ধি পাব পাৰে। বস্তুগত আনন্দৰ বাবে ব্যয় বৃদ্ধি পাব পাৰে।

কন্যা ৰাশি

লক্ষ্মী নাৰায়ণ যোগ কন্যা ৰাশিৰ বাবে অতি ফলপ্ৰসূ বুলি প্ৰমাণিত হ’ব পাৰে। এই সময়ত কেৰিয়াৰত নতুন সুযোগৰ সৃষ্টি হ’ব পাৰে। ভ্ৰমণৰ সম্ভাৱনাও থাকিব পাৰে। আপোনাৰ সন্তানৰ সৈতে জড়িত কিছুমান ভাল খবৰ লাভ কৰিব পাৰে।

বৃষ ৰাশি

লক্ষ্মী নাৰায়ণ যোগ বৃষ ৰাশিৰ লোকৰ বাবে অতি উপকাৰী বুলি প্ৰমাণিত হ’ব পাৰে। এই সময়ছোৱাত আপোনাৰ কেৰিয়াৰত সফলতা সম্ভৱ হ’ব পাৰে। কৰ্মক্ষেত্ৰত প্ৰশংসা লাভ কৰিব পাৰে। আপোনাৰ পত্নীৰ সৈতে চলি থকা মতানৈক্যৰ অন্ত পৰিব পাৰে। এই সময়ত কৰ্মক্ষেত্ৰত অসাৱধানতা পৰিহাৰ কৰক।

বিশেষ দ্ৰষ্টব্যঃ এই লেখাত উল্লেখ কৰা তথ্যসমূহ জ্যোতিষ নীতিৰ ওপৰত ভিত্তি কৰি দিয়া হৈছে। TV9 Assam-এ এয়া নিশ্চিত কৰা নাই।