গ্ৰহৰ গতিয়ে আনিব সৌভাগ্য, নতুন বছৰৰ আৰম্ভণি এই তিনি ৰাশিৰ বাবে হ’ব ধন যোগ

নতুন বছৰ বুলিলেই সকলোৰে মনত থাকে বিশেষ উৎসাহ-উদ্দীপনা। সকলোৱেই কামনা কৰে, নতুন বছৰটো হৈ পৰক সুখ-সমৃদ্ধিৰে ভৰপূৰ। আৰু মাত্ৰ কেইটামান দিনৰ পিছতে নতুন বৰ্ষ ২০২৬ক আদৰণি জনাব বিশ্ববাসীয়ে। এই নতুন বছৰটিৰ আৰম্ভণি তিনিটা ৰাশিৰ বাবে বিশেষভাৱে শুভ দেখা গৈছে। জ্যোতিষ গণনা অনুসৰি ২৯ ডিচেম্বৰত বুধ গ্ৰহ ধনু ৰাশিত প্ৰৱেশ কৰিব আৰু ১৭ জানুৱাৰীলৈকে ধনু ৰাশিতে থাকিব। ইফালে ২০ ডিচেম্বৰৰ পৰা ১৩ জানুৱাৰীলৈকে শুক্ৰ গ্ৰহো এই ৰাশিত থাকিব।

ধনু ৰাশিক বৃহস্পতি ৰাশি হিচাপে গণ্য কৰা হয়। এইদৰে বৃহস্পতি ৰাশিত বুধ আৰু শুক্ৰ গ্ৰহৰ সংযোগে লক্ষ্মী নাৰায়ণ যোগৰ সৃষ্টি কৰিব। এই সংযোগ ২৯ ডিচেম্বৰৰ পৰা ১৭ জানুৱাৰীলৈকে থাকিব। এই লক্ষ্মী নাৰায়ণ যোগে তিনিটা ৰাশিৰ বাবে সৌভাগ্য কঢ়িয়াই আনিব। জানো আহক এই বিষয়ে-

কন্যা ৰাশি

লক্ষ্মী নাৰায়ণ ৰাজযোগ কন্যা ৰাশিৰ বাবে উপকাৰী প্ৰমাণিত হ’ব। সমাজত আপোনাৰ সন্মান বাঢ়িব। এই সময়ছোৱাত আপোনাৰ বস্তুগত আৰাম বৃদ্ধি পাব। নতুন বাহন বা সম্পত্তি ক্ৰয় কৰাৰ সুযোগ পাব পাৰে। দামী সামগ্ৰী ক্ৰয়ৰ বাবে খৰচ বৃদ্ধি পাব পাৰে যদিও ধনৰ কোনো অভাৱ অনুভৱ নহ’ব। পূৰ্বপুৰুষৰ সম্পত্তিও উত্তৰাধিকাৰী সূত্ৰে পোৱাৰ সম্ভাৱনাও আছে।

ধনু ৰাশি

ধনু ৰাশিৰ লোকৰ বাবেও এই সময়ছোৱাই ভাল খবৰ আৰু ইতিবাচকতা কঢ়িয়াই আনিব। আপোনাৰ আৰ্থিক অৱস্থা শক্তিশালী হ’ব। ব্যৱসায়ীসকলে ভাল লাভৰ মুখ দেখিব। ব্যৱসায় সম্প্ৰসাৰণ হ’ব। বৈবাহিক জীৱন সুখকৰ হ’ব। অবিবাহিতসকলে বিবাহৰ প্ৰস্তাৱ লাভ কৰিব পাৰে। আপোনাৰ স্বাস্থ্যও ভাল হ’ব।

কুম্ভ ৰাশি

কুম্ভ ৰাশিৰ লোকৰ বাবেও আশীৰ্বাদস্বৰূপ হ’ব লক্ষ্মী নাৰায়ণ ৰাজযোগ। আয়ৰ নতুন উৎস বিচাৰি পাব পাৰে আৰু বিনিয়োগৰ জৰিয়তে ভাল লাভৰ সম্ভাৱনা আছে। আপোনাৰ আয় বৃদ্ধি পাব। ভ্ৰমণৰ সুযোগ লাভৰ সম্ভাৱনা আছে। এই সময়ছোৱাত আপোনাৰ জীৱনটোক নতুন দিশ দিব পৰা কোনো বিশেষ ব্যক্তিৰ সংস্পৰ্শলৈ আহিব পাৰে। বন্ধু-বান্ধৱ আৰু আত্মীয়ৰ সৈতে ভাল সম্পৰ্ক গঢ়ি উঠিব।