শৰীৰৰ কোন অংশত তিল থাকিলে কি হয় ? জানক …

হিন্দু শাস্ত্ৰত শৰীৰৰ গঠন, আকৃতি ভাগ্যৰ লগত জড়িত। সমুদ্ৰ শাস্ত্ৰ এনে এখন প্ৰাচীন গ্ৰন্থৰ নাম, য’ত ব্যক্তিৰ শৰীৰত উপস্থিত থকা তিলবোৰৰ পৰা মানুহৰ স্বভাৱ, ভৱিষ্যত আৰু সৌভাগ্যৰ ভৱিষ্যদ্বাণী কৰা হৈছে।

সেই অনুসৰি শৰীৰত উপস্থিত থকা তিল, ইয়াৰ স্থান, আকাৰ আৰু ৰঙে ব্যক্তিৰ জীৱনত এক বিশেষ ভূমিকা পালন কৰে। সমুদ্ৰ শাস্ত্ৰ মতে সেই পাঁচটা বিশেষ স্থানৰ বিষয়ে জানক। এই তিলৰ উপস্থিতিয়ে মানুহক ভাগ্যৱান কৰি তোলে।

হাতৰ তলুৱাত থকা তিলঃ ধন-সম্পত্তি আৰু সফলতাৰ ইংগিত

সমুদ্ৰ শাস্ত্ৰৰ মতে যদি কোনো ব্যক্তিৰ সোঁহাতত বিশেষকৈ বুঢ়া আঙুলিৰ তলত বা মাজৰ অংশত তিল থাকে তেন্তে ইয়াৰ দ্বাৰা তেওঁ ধন-সম্পত্তি, সমৃদ্ধি আৰু জীৱনত সফলতা লাভ কৰাৰ ইংগিত দিয়ে। এনে লোকে নিজৰ কৰ্মৰ বলত উচ্চ পদবীত উপনীত হয় আৰু ভাগ্যই তেওঁলোকক সদায় সমৰ্থন কৰে।

ভৰিৰ তলুৱাত থকা তিলঃ ৰজাৰ দৰে সুখ

ভৰিৰ তলুৱাত থকা তিল অতি শুভ বুলি গণ্য কৰা হয়। সমুদ্ৰ শাস্ত্ৰই কয় যে, যিসকলৰ ভৰিৰ তলুৱাত তিল থাকে, তেওঁলোক অত্যন্ত ভাগ্যৱান। এনে লোকে জীৱনত বহুত ভ্ৰমণ কৰে, বহিঃৰাজ্যলৈ গৈ ৰজাৰ দৰে সা-সুবিধা লাভ কৰাৰ সুযোগ পায়।

কপালত তিল: নেতৃত্ব আৰু খ্যাতি

যদি কপালত বিশেষকৈ মাজৰ অংশত তিল থাকে, তেন্তে ইয়াৰ পৰা বুজা যায় যে ব্যক্তিজন নেতৃত্বৰ ক্ষমতাৰে ভৰি আছে। সমূদ্ৰ শাস্ত্ৰৰ মতে এনে লোকে সমাজত প্ৰতিপত্তি লাভ কৰে, ৰাজনীতি, প্ৰশাসন বা নেতৃত্বৰ ক্ষেত্ৰত সফল হয় আৰু জীৱনত খ্যাতি অৰ্জন কৰে।

ডিঙিত থকা তিলঃ মিঠা আৰু সৌভাগ্যশালী

ডিঙিৰ আগফালৰ অংশত তিল থকাটো অতি শুভ। ইয়াৰ পৰা বুজা যায় যে ব্যক্তিজনে কেতিয়াও খাদ্য, কাপোৰ আৰু ধনৰ অভাৱৰ সন্মুখীন নহয়। এনে লোকসকল কোমল স্বভাৱৰ আৰু জীৱনত ভাল বন্ধু-বান্ধৱী আৰু আত্মীয়ৰ সমৰ্থন লাভ কৰে। ডিঙিত তিল থকা মানুহবোৰ মিঠাভাষী আৰু সকলোৰে মৰমৰ হয়।

নাভিৰ ওচৰত থকা তিলঃ সন্তানৰ সুখ আৰু সমৃদ্ধিৰ ইংগিত দিয়ে

নাভিৰ ওচৰত তিল থকাটো অতি শুভ বুলি গণ্য কৰা হয়। সমুদ্ৰ শাস্ত্ৰই কয় যে, এনে লোকে সন্তানৰ পৰা সুখ, আৰ্থিক সমৃদ্ধি আৰু বস্তুগত সুখ পায়। তেওঁলোকৰ জীৱনত স্থিৰতা আৰু পৰিয়ালৰ ভাৰসাম্য আছে। জীৱনৰ সংগ্ৰামৰ মাজতো এনে লোকে প্ৰতিটো পৰিস্থিতিত বিজয়ী হৈয়েই থাকে।

(অস্বীকাৰ: এই বাতৰিত দিয়া তথ্য সমুদ্ৰ শাস্ত্ৰৰ নিয়মৰ ওপৰত ভিত্তি কৰি কৰা হৈছে। TV9 অসমে এই কথা নিশ্চিত কৰা নাই।)