Guru Purnima 2025 Date: কেতিয়া আৰু কিয় পালন কৰা হয় গুৰু পূৰ্ণিমা? এই দিনটোৰ মহত্ব, শুভ সময়, তাৰিখ সকলো জানক

হিন্দু ধৰ্মত গুৰু পূৰ্ণিমা উৎসৱৰ বিশেষ তাৎপৰ্য আছে। এই দিনটো গুৰু পূজন হিচাপে পালন কৰা হয়। গুৰু পূৰ্ণিমা উপলক্ষে শিষ্যসকলে নিজৰ গুৰুসকলক পূজা কৰে। ২০২৫ চনত গুৰু পূৰ্ণিমা কোন দিনত পৰিব আৰু এই দিনটোৰ গুৰুত্ব কি জানো আহক…

আধ্যাত্মিক জ্ঞান আৰু শিক্ষাৰ দ্বাৰা শিষ্যসকলক পথ প্ৰদৰ্শন কৰা, জীৱনত আগবাঢ়ি যাবলৈ অনুপ্ৰাণিত কৰা, প্ৰতিটো খোজতে গুৰুৱে শিষ্যসকলৰ আত্মবিশ্বাস বৃদ্ধি কৰে। আহাৰ মাহৰ পূৰ্ণিমা তিথিক গুৰু পূৰ্ণিমা বুলি জনা যায়। গুৰুৰ পূজা কৰিবৰ বাবে আহাৰ মাহৰ পূৰ্ণিমাৰ তিথিটো নিৰ্ধাৰণ কৰা হৈছে।

মহৰ্ষি বেদব্যস জয়ন্তী

গুৰু পূৰ্ণিমাক ব্যাস পূৰ্ণিমা বুলিও জনা যায়। ভগৱান বেদ ব্যাসৰ জন্ম এই দিনটোতে হৈছিল, সেয়েহে ইয়াক মহৰ্ষি বেদ ব্যাসৰ জন্ম বাৰ্ষিকী হিচাপে পালন কৰা হয়। বেদ ব্যাস, যিয়ে হিন্দু মহাকাব্য মহাভাৰত আৰু অন্যান্য গ্ৰন্থও ৰচনা কৰিছিল। হিন্দু পঞ্জিকাৰ চতুৰ্থ মাহত আহাৰ গুৰু পূৰ্ণিমা পালন কৰা হয়। এই দিনটোত স্নান আৰু দানৰ বিশেষ তাৎপৰ্য আছে। এই দিনটোত দান-বৰঙণি কৰিলে জীৱনত সুখ আৰু সমস্যাৰ পৰা মুক্তি পোৱা যায়।

গুৰু পূৰ্ণিমাৰ দিনা ভগৱান বিষ্ণু, মা লক্ষ্মী আৰু বেদ ব্যাসক পূজা কৰিলে জীৱনত সুখৰ সৃষ্টি হয় আৰু প্ৰতিটো ইচ্ছা পূৰণ হয়। গুৰু পূৰ্ণিমাৰ দিনা উপবাসে জীৱনত সুখ কঢ়িয়াই আনে।

গুৰু পূৰ্ণিমা ২০২৫ তিথি

• ১০ জুলাইৰ মাজ নিশা ১.৩৬ বজাৰ পৰা আৰম্ভ হ’ব পূৰ্ণিমা তিথি।
• পূৰ্ণিমা তিথিৰ অন্ত পৰিব ১১ জুলাই, ২০২৫ৰ মাজনিশা ২.০৬ বজাত।
• ১০ জুলাই অৰ্থাৎ বৃহস্পতিবাৰে পালন কৰা হ’ব গুৰু পূৰ্ণিমা।

গৌতম বুদ্ধৰ সৈতে সম্পৰ্ক

গৌতম বুদ্ধৰ সন্মানত বৌদ্ধসকলেও গুৰু পূৰ্ণিমা পালন কৰে। বৌদ্ধ ধৰ্ম অনুগামীসকলৰ মতে গুৰু পূৰ্ণিমাৰ দিনা গৌতম বুদ্ধই ভাৰতৰ উত্তৰ প্ৰদেশ ৰাজ্যৰ সাৰনাথত প্ৰথম ধৰ্মধ্বনি দিছিল।

(অস্বীকাৰ: এই তথ্য ধৰ্মীয় বিশ্বাস আৰু সাধাৰণ তথ্যৰ ওপৰত ভিত্তি কৰি লিখা হৈছে। টিভি৯ অসমে এই কথা নিশ্চিত কৰা নাই।)