Prediction 2026: নতুন বছৰ ২০২৬ত কোনকেইটা গ্ৰহ হ’ব ৰজা-মন্ত্ৰী? জ্যোতিষীয়ে কৰিছে ভৱিষ্যদ্বাণী, এনে হ’ব প্ৰভাৱ

বিদায় লোৱাৰ দিশে ২০২৫ চন, তাৰ পিছতে বিশ্ববাসীয়ে আদৰিব নৱবৰ্ষ ২০২৬ক। গ্ৰহৰ গতিবিধিৰ বাবে ২০২৬ চনটোক অতি বিশেষ হিচাপে গণ্য কৰা হৈছে। হিন্দু পঞ্জিকা অনুসৰি ২০২৬ চনত গ্ৰহৰ মন্ত্ৰীসভাও সলনি হ’ব। পঞ্জিকা মতে, চলিত ২০২৫ চনৰ শাসক গ্ৰহ হৈছে মংগল। আনহাতে ২০২৬ চনৰ শাসক হ’ব বৃহস্পতি। আনহাতে ২০২৬ চনত মন্ত্ৰী হ’ব মংগল গ্ৰহ। এনে পৰিৱৰ্তনৰ ফলত নতুন বৰ্ষ ২০২৬ত বিশেষ পৰিৱৰ্তন দেখা যাব।

জ্যোতিষীসকলে ইতিমধ্যে ২০২৬ চনৰ বিষয়ে ভৱিষ্যদ্বাণী কৰিছে। গতিকে এই গ্ৰহৰ মন্ত্ৰীসভাই আগন্তুক বছৰৰ বাবে কি সূচায়, তথা নতুন বছৰত দেশ আৰু বিশ্বৰ ওপৰত ইয়াৰ সম্ভাৱ্য প্ৰভাৱ কেনে হ’ব, চাওঁ আহক-

ভাৰত আৰু বিশ্বৰ ওপৰত প্ৰভাৱ

২০২৬ চনত গ্ৰহ আৰু নক্ষত্ৰমণ্ডলৰ অৱস্থান স্বাভাৱিক হৈ থকাৰ সম্ভাৱনা আছে। যিহেতু মংগল গ্ৰহ নতুন বছৰৰ মন্ত্ৰী হ’ব, সেয়ে সামাজিক আৰু ৰাজনৈতিক পৰিস্থিতি উত্তাল হোৱাৰ সম্ভাৱনা আছে। দেশ আৰু বিশ্বত সংঘাত অব্যাহত থাকিব পাৰে। ভাৰতত ৰাজনৈতিক অশান্তি হ’ব পাৰে। বিদ্ৰোহৰ ঘটনাও হ’ব পাৰে। মংগল গ্ৰহৰ প্ৰভাৱে আন্তঃৰাষ্ট্ৰীয় পৰ্যায়ত উত্তেজনা আৰু অশান্তিৰ সৃষ্টি কৰিব পাৰে।

চাইবাৰ জালিয়াতিৰ গোচৰ বৃদ্ধিৰ সম্ভাৱনা

নতুন বছৰত ব্যক্তিৰ মাজত পৰস্পৰৰ প্ৰতি পৰস্পৰৰ বিশ্বাস তথা আস্থা হ্ৰাস পাব। এই নতুন বছৰ্টোত চাইবাৰ জালিয়াতিৰ গোচৰ বৃদ্ধি পাব পাৰে। ২০২৬ চনত ধন সঞ্চয় কৰাটো সহজ হ’ব যদিও সঞ্চয় ধন ভালদৰে ৰখাটো কঠিন হ’ব। ২০২৬ চনত পূৰ্বপুৰুষৰ সম্পত্তি, ব্যৱসায় আৰু বিনিয়োগৰ ক্ষেত্ৰত সাৱধানতা অৱলম্বন কৰিবলৈ কোৱা হৈছে।

জ্যোতিষৰ গণনা অনুসৰি নতুন বছৰত বাণিজ্য যুদ্ধৰ সৃষ্টি হ’ব পাৰে। বিদেশত ভাৰতত ব্যৱসায় সন্দৰ্ভত নীতি প্ৰণয়ন কৰা হ’ব বুলিও কোৱা হৈছে। সোণ-ৰূপৰ দাম আৰু বৃদ্ধি পাব পাৰে। বৃহস্পতিৰ প্ৰবল প্ৰভাৱৰ ফলত ধৰ্মীয় পৰিঘটনা বৃদ্ধি পাব পাৰে। তদুপৰি অৰ্থনৈতিক খণ্ডত লাহে লাহে কিন্তু অবিৰত অগ্ৰগতিৰ আশা কৰা হৈছে। নতুন বছৰত বৃদ্ধি পাব কৰ্মসংস্থাপনৰ সুবিধা।

বিশেষ দ্ৰষ্টব্যঃ এই লেখাটি জ্যোতিষ গণনা তথা ধৰ্মীয় বিশ্বাসৰ ওপৰত ভিত্তি কৰি প্ৰস্তুত কৰা হৈছে। TV9 Assam-এ এইক্ষেত্ৰত নিজা কোনো তথ্য উল্লেখ কৰা নাই।