গাড়ীত উঠিলেই বমি, মূৰ ঘূৰোৱা…আপোনাৰো আছে নেকি এনে সমস্যা? ঘৰুৱা উপায় জানক…

পূজাৰ বন্ধৰ দিনত বহু লোকে অলপ ফুৰিবলৈ দূৰৈৰ ক’ৰবাত ওলাই যায়। কিন্তু কেতিয়াবা শৰীৰৰ কিছুমান সমস্যাৰ ফলত ভ্ৰমণৰ আনন্দ আৰু উত্তেজনা নষ্ট হৈ যায়। গাড়ী, বাছ বা ৰে’লত উঠিলে বহু লোকৰ ক্ষেত্ৰত মূৰ ঘূৰোৱা, বমি আদি সমস্যা হয়। ইয়াৰ ফলত ভ্ৰমণৰ মজা নিমিষতে ম্লান হৈ পৰে। এনে সময়ত ঔষধ খোৱাৰ আগতে কেইটামান সাধাৰণ ঘৰুৱা উপায় অৱলম্বন কৰিব পাৰে। এইবোৰে শৰীৰক সকাহ দিয়াই নহয়, ভ্ৰমণ কৰাটোও বহুত লঘু আৰু আনন্দদায়ক কৰি তোলে।

এইবোৰ ঘৰুৱা টিপছ ব্যৱহাৰ কৰিব পাৰে

• আদা চোবোৱা – আদাই প্ৰাকৃতিক বমি প্ৰতিৰোধী হিচাপে কাম কৰে। যাত্ৰাৰ আগতে বা যাত্ৰাৰ সময়ত আদাৰ সৰু টুকুৰা চোবাই খালে সকাহ পোৱা যায়।
• নেমুৰ ৰস আৰু নিমখ – অকণমান নেমুৰ ৰসৰ লগত এচিকুট নিমখ মিহলাই ল’লে বমি কমাব পাৰি। ইচ্ছা কৰিলে নেমুৰ টুকুৰা এটা মুখত ল’ব পাৰে।
• পদিনা পাত – পদিনাৰ সতেজ গোন্ধটোৱে মন শান্ত কৰে। দুই এটা পাত চোবাব পাৰে বা পদিনা চাহ খাব।
• ঠাণ্ডা পানীৰ চুমুক দিয়া – ঠাণ্ডা পানী কম পৰিমাণে বাৰে বাৰে খালে পেট শান্ত হয় আৰু অস্বস্তি কমি যায়।
• লঘু শুকান খাদ্য – খালী পেটত যাত্ৰা কৰিলে গা বেয়া হয়। গতিকে যাত্ৰাৰ আগতে লঘু বিস্কুট বা শুকান খাদ্য খাব।
• সঠিক আসন বাছি লওক – গাড়ীৰ সন্মুখৰ আসনত বা খিৰিকীৰ কাষত বহিলে জোকাৰণি আৰু বায়ু প্ৰবাহৰ বাবে হোৱা অস্বস্তি কমি যায়।

যদি ওপৰৰ কোনো এটা টিপছে কাম নকৰে তেন্তে চিকিৎসকৰ পৰামৰ্শ অনুসৰি এন্টি-মোচন ছিকনেছ টেবলেট গ্ৰহণ কৰাটো ভাল।