প্ৰতিদিনে এটা কল খালে শৰীৰত কি প্ৰভাৱ পৰে? ওজন বৃদ্ধি পাব নে হ্ৰাস পাব? বিশেষজ্ঞৰ পৰা জানক…

প্ৰতিটো ঋতুতে সহজে পোৱা এবিধ ফল হৈছে কল আৰু সকলো বয়সৰ মানুহে কল খায় ভাল পায়। কল সোৱাদযুক্ত হোৱাৰ উপৰিও ইয়াত আঁহ, পটাছিয়াম, ভিটামিন বি ৬ আৰু শক্তিৰ পৰিমাণ বেছি । কিন্তু ওজনৰ কথা আহিলে মানুহৰ মনত প্ৰায়ে এটা প্ৰশ্ন থাকে যে, প্ৰতিদিনে এটা কল খালে ওজন বৃদ্ধি হয় নে হ্ৰাস হয়?

এটা মজলীয়া আকাৰৰ কলত প্ৰায়: ১০৫ কেলৰি, ২৭ গ্ৰাম কাৰ্বহাইড্ৰেট, ৩ গ্ৰাম আঁহ, ১.৩ গ্ৰাম প্ৰটিন, ০.৩ গ্ৰাম চৰ্বি থাকে। অৰ্থাৎ কল হৈছে কম চৰ্বিযুক্ত, অধিক আঁহযুক্ত, উচ্চ শক্তিযুক্ত ফল যিয়ে শৰীৰক শক্তি প্ৰদান কৰে।

কলে ওজন বৃদ্ধি কৰে নেকি?

এইমছৰ ডায়েটিচিয়ান ডাঃ পৰমজিৎ কৌৰে কয় যে, যদি কল বেছিকৈ আৰু ভুল সময়ত খোৱা হয় তেন্তে ইয়াৰ ফলত ওজন বৃদ্ধি হ’ব পাৰে। যদি আপুনি দিনটোত ২-৩ টা কল খায় আৰু ইতিমধ্যে আপোনাৰ কেলৰিৰ পৰিমাণ বেছি হয়, তেন্তে ওজন বৃদ্ধিৰ সম্ভাৱনা আছে।

কলত প্ৰচুৰ পৰিমাণে কাৰ্বহাইড্ৰেট আৰু প্ৰাকৃতিক চুগাৰ থাকে, গতিকে ইয়াক খোৱাৰ পিছত যদি আপুনি পৰ্যাপ্ত পৰিমাণে শাৰীৰিক ক্ৰিয়া-কলাপ নকৰে তেন্তে শৰীৰত চৰ্বি জমা হ’ব পাৰে।

কলে ওজন কমাবলৈ সহায় কৰিব পাৰেনে?

কম পৰিমাণত আৰু সঠিক সময়ত কল খালে ওজন হ্ৰাসতো সহায়ক হ’ব পাৰে। ইয়াত থকা আঁহৰ ফলত পেটটো দীৰ্ঘ সময় ধৰি ভৰি থাকে, যাৰ বাবে সঘনাই ভোক নালাগে।

কল মিঠা, গতিকে ই স্বাস্থ্যসন্মতভাৱে মিঠাইৰ প্ৰতি থকা লোভ পূৰণ কৰে। ৱৰ্কআউটৰ পূৰ্বে কল খালে শক্তি পোৱা যায়। কিন্তু প্ৰতিদিনে ৱৰ্কআউট কৰাটো গুৰুত্বপূৰ্ণ আৰু দিনটোত এটাতকৈ অধিক কল নাখাব।

খাদ্য বিশেষজ্ঞসকলে কি পৰামৰ্শ দিয়ে?

• দিনটোত এটা কল খোৱাটো সম্পূৰ্ণ নিৰাপদ আৰু স্বাস্থ্যকৰ।
• ৰাতিপুৱা ব্ৰেকফাষ্ট বা ৱৰ্কআউটৰ আগতে কল খাব লাগে, যাতে শৰীৰত শক্তিলৈ পৰিণত হয় আৰু চৰ্বিলৈ পৰিণত নহয়।
• ওজন বৃদ্ধি কৰিব বিচাৰিলে গাখীৰ, বাদাম, দৈৰ লগত কল খাব লাগে।