নকৰিব এই ৩টা ভুল! অন্যথা গৰম পানী হৈ পৰিব বৰবিহ…

গৰম পানী

বহুতে উতলোৱা পানী খায়। এই পানীয়ে লোকক বিভিন্ন সংক্ৰমণ আৰু ৰোগৰ পৰা ৰক্ষা কৰাত সহায় কৰে। স্বাস্থ্যৰ ক্ষেত্ৰত সজাগ লোকসকলে ইয়াক নিৰাপদ আৰু বিশুদ্ধ বুলি গণ্য কৰি নিয়মিতভাৱে সেৱন কৰে। স্বাস্থ্য বিশেষজ্ঞই শিশুৰ পৰা বৃদ্ধলৈকে সকলোকে পানী উতলাই খাব দিয়ে। পৰিৱৰ্তিত জীৱনশৈলী, পানীৰ গুণাগুণ, ৰোগ প্ৰতিৰোধৰ বাবে এই পানী গুৰুত্বপূৰ্ণ। মানুহে ভাবে যে এবাৰ পানী উতলোৱাৰ পাছত সকলো সমস্যা নোহোৱা হ’ব। কিন্তু তেনে নহয়। সঠিকভাৱে পানী উতলাই নাখালে ই আপোনাৰ স্বাস্থ্যৰ ক্ষতি কৰিব পাৰে।

কি ভুল কৰিব নালাগে?

এই সন্দৰ্ভত সবিশেষ জনাইছে আৰ এম এল হাস্পতালৰ মেডিচিন বিভাগৰ ডাঃ সুভাষ গিৰীয়ে। তেওঁ কয় যে, পানী উতলোৱাৰ পাছত বহুতে বহু সময়ত ঢাকি নথয়, যাৰ ফলত বেক্টেৰিয়া বৃদ্ধিৰ সম্ভাৱনা বাঢ়ে। কিছুমান মানুহে পৰিষ্কাৰ পাত্ৰৰ সলনি যিকোনো পাত্ৰত এই পানী ৰাখে, যাৰ ফলত সংক্ৰমণ হ’ব পাৰে। ইয়াৰোপৰি উতলা পানী বাৰে বাৰে পুনৰ গৰম কৰাতো ভুল। ইয়াৰ ফলত পানীৰ গুণাগুণত সমস্যা আহিব পাৰে আৰু ক্ষতিকাৰক পদাৰ্থৰ ঘনত্ব বৃদ্ধি পাব পাৰে।

ইয়াৰোপৰি কেতিয়াবা মানুহে কেইবাঘন্টা ধৰি ঢাকি নথোৱা পানী ব্যৱহাৰ কৰে, যাৰ ফলত পেটৰ বিষ, বমি, ডায়েৰিয়া , গেছ আদি হ’ব পাৰে। ইয়াৰোপৰি ৰোগ প্ৰতিৰোধ ক্ষমতা দুৰ্বল লোক, শিশু, বৃদ্ধৰ বাবে ডাঙৰ সমস্যা হ’ব পাৰে। গতিকে উপযুক্ত সাৱধানতা অৱলম্বন নকৰিলে সিজোৱা পানীয়ে উপকাৰিতাৰ পৰিৱৰ্তে স্বাস্থ্যজনিত বিপদৰ সৃষ্টি কৰিব পাৰে।

কেনেকৈ প্ৰতিৰোধ কৰিব?

গৰম পানী স্বাস্থ্যসন্মত কৰি ৰাখিবলৈ কিছুমান দিশৰ ওপৰত গুৰুত্ব দিয়া প্ৰয়োজন। পানী সদায় পৰিষ্কাৰ পাত্ৰত ঢাকি থব লাগে। প্ৰয়োজন অনুসৰি, পানী উতলাব লাগে। পানী বাৰে বাৰে গৰম কৰি থাকিব নালাগে। ইয়াৰোপৰি প্ৰতিবাৰে সতেজ উতলা পানী ব্যৱহাৰ কৰক। যদি পানী বহু সময় জমা কৰি ৰাখে আৰু গোন্ধ-সোৱদৰ পৰিৱৰ্তন হয় তেন্তে সেই পানী খাব নালাগে।

অন্য খবৰ পঢ়কঃ শীতকালত পুৱা খোজ কাঢ়িলে বৃদ্ধি হয় নেকি হাৰ্ট এটেকৰ সম্ভাৱনা,জানক…