য়েমেনত ৰক্ষা পৰিবনে ভাৰতৰ নিমিষাৰ প্ৰাণ? মুছলমান ধৰ্মগুৰুৱে দিলে এই পৰামৰ্শ…
কেৰালাৰ নাৰ্ছ নিমিষা প্ৰিয়াক আজি অৰ্থাৎ ১৬ জুলাইত য়েমেনত ফাঁচী দিয়াৰ কথা আছিল। যিটো কেৰালাৰ গ্ৰেণ্ড মুফতি শ্বেখ কান্তপুৰম এ পি আবুবকাৰ মুছলিয়াৰৰ হস্তক্ষেপৰ বাবে পিছুৱাই দিয়া হৈছিল। ইছলামিক আইনৰ অধীনত ভুক্তভোগীৰ পৰিয়ালৰ ক্ষমাৰ অধিকাৰৰ কথা উল্লেখ কৰি মুফতিয়ে য়েমেনৰ পণ্ডিতসকলৰ সৈতে আলোচনাত মিলিত হয়। এতিয়াও ভুক্তভোগীৰ পৰিয়ালৰ সৈতে আলোচনা চলি আছে, যাৰ বাবে নিমিষাই ক্ষমা পোৱাৰ আশা প্ৰকাশ কৰা হৈছে।
য়েমেনত কাৰাবন্দী হৈ থকা কেৰালাৰ নাৰ্ছ নিমিষা প্ৰিয়াক ১৬ জুলাইত ফাঁচী দিয়াৰ কথা আছিল। কিন্তু কেৰালাৰ গ্ৰেণ্ড মুফতি শ্বেখ কান্তপুৰম এ পি আবুবকাৰ মুছলিয়াৰৰ হস্তক্ষেপৰ বাবে এই শাস্তি পিছুৱাই দিয়া হৈছে। ইছলামিক আইন অনুসৰি হত্যাকাৰীক ক্ষমা কৰাৰ অধিকাৰ ভুক্তভোগীৰ পৰিয়ালৰ অধিকাৰ আছে বুলি কয় মুফতিয়ে। ভুক্তভোগীৰ পৰিয়ালৰ সৈতে কথা পতাৰ প্ৰচেষ্টা অব্যাহত আছে। এনে পৰিস্থিতিত এতিয়া নিমিষাৰ ক্ষমাৰ সম্ভাৱনীয়তা প্ৰকট হৈ উঠিছে।
আবুবকাৰে কয় যে ইছলামত এনে এক আইন আছে য’ত ভুক্তভোগীৰ পৰিয়ালে হত্যাকাৰীক ক্ষমা কৰিব পাৰে। ভুক্তভোগীৰ পৰিয়ালে ইচ্ছা কৰিলে হত্যাকাৰীক ক্ষমা কৰিব পাৰে। তেওঁ কয় যে তেওঁ ভুক্তভোগীৰ পৰিয়ালক চিনি নাপায়। ইয়াৰ পিছতো তেওঁ য়েমেনৰ পণ্ডিতসকলৰ সৈতে যোগাযোগ কৰি পৰিয়ালটোৰ সৈতে কথা পাতিবলৈ আহ্বান জনায়। তেওঁ কয় যে ইছলাম এনে ধৰ্ম যিয়ে মানৱতাক অতিকৈ গুৰুত্ব দিয়ে।
নিমিষা প্ৰিয়াৰ ক্ষেত্ৰত ১৬ জুলাইত ফাঁচী হ’ব বুলি প্ৰায় নিশ্চিত সিদ্ধান্ত লোৱা হৈছিল।এনে পৰিস্থিতিত প্ৰিয়াৰ ফাঁচী পিছুৱাই দিব পৰাৰ আশা অতি কম আছিল। একে সময়তে কেৰেলাৰ গ্ৰেণ্ড মুফতিৰ প্ৰচেষ্টাই এই সমগ্ৰ বিষয়টো সলনি কৰিলে।
গ্ৰেণ্ড মুফতি কান্থাপুৰমৰ মতে, তেওঁ হস্তক্ষেপ কৰিবলৈ য়েমেনৰ ইছলামিক পণ্ডিতসকলৰ সৈতে যোগাযোগ কৰিছিল। সেই পণ্ডিতসকলে ভুক্তভোগীৰ পৰিয়ালক লগ কৰি তেওঁলোকৰ সৈতে কথা পাতিছিল। য়েমেনৰ পণ্ডিতসকলৰ হৈ কয় যে তেওঁলোকে যি পাৰে তাকেই কৰিব। তেওঁ লগতে কয় যে এতিয়া ফাঁচীৰ তাৰিখ পিছুৱাই দিয়াৰ লগে লগে ভুক্তভোগীৰ পৰিয়ালৰ সৈতে চলি থকা আলোচনাক আগুৱাই নিয়াৰ পথ মুকলি হৈছে।
মুফতিয়ে কয়, “মই আলোচনা আৰু প্ৰক্ৰিয়াৰ বিষয়ে কেন্দ্ৰীয় চৰকাৰকো অৱগত কৰিছো।’ তেওঁ আৰু কয়, “মই প্ৰধানমন্ত্ৰীৰ কাৰ্যালয়লৈও এখন পত্ৰ প্ৰেৰণ কৰিছো।”
গ্ৰেণ্ড মুফতী আৰু চুন্নী নেতা কান্থাপুৰাম এ পি আবু বাকাৰ মুছলিয়াৰেও নিজৰ ইনষ্টা হেণ্ডেলত য়েমেন চৰকাৰৰ এখন পত্ৰ শ্বেয়াৰ কৰিছে। য’ত আৰবী ভাষাত লিখা আছে যে এটৰ্নী জেনেৰেলৰ নিৰ্দেশনাৰ ভিত্তিত ২০২৫ চনৰ ১৬ জুলাই বুধবাৰে কাৰ্যকৰী হ’বলগীয়া নিমিষা প্ৰিয়াৰ মৃত্যুদণ্ড পিছুৱাই দিয়া হৈছে। ফাঁচীৰ তাৰিখ পৰৱৰ্তী অধিসূচনা পৰ্যন্ত পিছুৱাই দিয়া হৈছে।”
View this post on Instagram
হত্যাৰ গোচৰত মৃত্যুদণ্ড
মূলত কেৰালাৰ নিবাসী নিমিষা প্ৰিয়া। তেওঁৰ পৰিয়াল এতিয়াও কেৰালাত থাকে। ব্যৱসায়িক সহযোগী তালাল আব্দো মাহদীক হত্যা কৰাৰ অভিযোগত গ্ৰেপ্তাৰ হৈছিল প্ৰিয়াক। ২০২০ চনত য়েমেনৰ আদালতে তেওঁক মৃত্যুদণ্ডৰ শাস্তি প্ৰদান কৰিছিল। ২০২৩ চনত উচ্চতম ন্যায়িক পৰিষদে তেওঁৰ ক্ষমা আবেদন নাকচ কৰিছিল। কিন্তু আলোচনাৰ বাবে এতিয়া স্থানীয় কাৰাগাৰ আদালতে তেওঁৰ মৃত্যুদণ্ডৰ দিন পিছুৱাই দিছে।
লগতে পঢ়ক: য়েমেনত ভাৰতৰ নিমিষাৰ জীৱন ৰক্ষাৰ বাবে আগবাঢ়ি আহিল মুছলমান ধৰ্মগুৰু….
