TV9 ASSAM
ডেংগু এক ভাইৰাছজনিত ৰোগ। ইডিছ মহে কামোৰাৰ ফলত এই ৰোগ হয়। এই মহ বিশেষকৈ লেতেৰা পানীত থকা স্থানত প্ৰজনন কৰে আৰু লেতেৰা ঠাইত বেছিকৈ পোৱা যায়।
ডেংগুই শৰীৰৰ প্লেটলেটৰ সংখ্যা তীব্ৰগতিত হ্ৰাস কৰে। ইয়াৰ ফলত ৰক্তক্ষৰণৰ সম্ভাৱনা বৃদ্ধি পায়। গুৰুতৰ ক্ষেত্ৰত ডেংগু শ্বক চিনড্ৰ'ম বা ডেংগু হেমৰেজিক জ্বৰ হয়। ই মাৰাত্মক হ'ব পাৰে।
ডেংগু হ'লে শৰীৰত কিছুমান লক্ষণে দেখা দিয়ে। ইয়াৰ বিষয়ে জনাটো দৰকাৰ। গতিকে এই লক্ষণসমূহ আওকান নকৰি আপুনি সময়মতে বিশেষজ্ঞৰ পৰামৰ্শ গ্ৰহণ কৰিব পাৰে।
ডাঃ সুভাষ গিৰীয়ে কয় যে,ডেংগু হোৱাৰ ফলত হঠাতে তীব্ৰ জ্বৰ হ'ব পাৰে। ই 104oF পৰ্যন্ত হ'ব পাৰে। জ্বৰৰ লগতে কপনি, ঠাণ্ডা লগা আদি হ'ব পাৰে। ই ভাইৰাছৰ প্ৰতি শৰীৰৰ প্ৰতিক্ৰিয়াৰ লক্ষণ হ'ব পাৰে।
ডেংগুক ব্ৰেকবন ফিভাৰ বুলিও কোৱা হয়। কিয়নো ইয়াৰ ফলত শৰীৰত হাড় ভাঙি যোৱাৰ দৰে অনুভৱ হয়। পিঠি,কঁকাল, হাত-ভৰি, গাঁঠিত তীব্ৰ বিষ হয়। ইয়াৰ ফলত খোজ কঢ়াত অসুবিধা হয়।
জ্বৰ আৰু ভাইৰাছৰ বাবে শৰীৰৰ শক্তি বহু কমি যায়। ইয়াৰ ফলত ৰোগী দুৰ্বল আৰু ভাগৰুৱা হৈ পৰে। ৰোগীৰ এলাহ বৃদ্ধি পায়। বহু সময়ত ঠিক হোৱাৰ পাছতো দুৰ্বলতা থাকে।
জমা হৈ থকা পানীৰ ওচৰত নাযাব। নিশা শুলে আঁঠুৱা ব্যৱহাৰ কৰিব। ইয়াৰোপৰি আপোনাৰ শৰীৰত যদি এনে লক্ষণে দেখা দিছে তেন্তে স্বাস্থ্য পৰীক্ষা কৰা দৰকাৰ।
পঢ়িবলৈ ক্লিক কৰক