আজিৰে পৰা ডুবাইত টিভি৯ নেটৱৰ্কৰ দ্বিতীয়খন আন্তঃৰাষ্ট্ৰীয় শীৰ্ষ সন্মিলন, উপস্থিত থাকিব বহু বিশিষ্ট ব্যক্তি

ডুবাইত টিভি৯ নেটৱৰ্কৰ দ্বিতীয়খন আন্তঃৰাষ্ট্ৰীয় শীৰ্ষ সন্মিলন

ডুবাইত অনুষ্ঠিত হ’ব দেশৰ সৰ্ববৃহৎ সংবাদ গোষ্ঠী টিভি ৯ নেটৱৰ্কৰ দ্বিতীয়খন আন্তঃৰাষ্ট্ৰীয় শীৰ্ষ সন্মিলন। এই মঞ্চত দেশ আৰু বিশ্বৰ বহু পৰিচিত ব্যক্তিয়ে অংশগ্ৰহণ কৰিব। বৃহস্পতিবাৰে সজাই তোলা হৈছে গ্ল’বেল ছামিটৰ এই মঞ্চখন। নীতি নিৰ্ধাৰক, ব্যৱসায়িক নেতাৰ লগতে টেক বিশেষজ্ঞৰ লগতে চলচ্চিত্ৰ জগতৰ বহু বিখ্যাত ব্যক্তিৰ সমাগম হ’ব। বিগত বছৰৰ নৱেম্বৰ মাহত জাৰ্মানীত প্ৰথমটো গ্ল’বেল ছামিটৰ আয়োজন কৰিছিল টিভি ৯-এ।

নিউজ৯ গ্ল’বেল ছামিটৰ  News9 Global Summit) ডুবাই সংস্কৰণৰ বিষয়বস্তু হৈছে ইণ্ডিয়া-ইউএই: পাৰ্টনাৰশ্বিপ ফৰ প্ৰস্পেৰিটি এণ্ড প্ৰগ্ৰেছ। যি সময়ত বিশ্বত বিশেষকৈ মধ্যপ্ৰাচ্যত যথেষ্ট অশান্তিৰ সৃষ্টি হৈছে, সেই সময়ত অনুষ্ঠিত কৰা হৈছে এই সন্মিলন। ইজৰাইল আৰু ইৰাণৰ মাজত চলি থকা সংঘাতেই এতিয়া বিশ্ববাসীৰ উদ্বেগ বৃদ্ধি কৰিছে। এই মঞ্চত জটিল ভূ-ৰাজনৈতিক পৰিস্থিতি, কাৰিকৰী অসুবিধা আৰু শক্তিৰ পৰিৱৰ্তনৰ সৈতে যুঁজি থকা বিশ্বত অৰ্থনৈতিক সমন্বয়ৰ জৰিয়তে ভাৰত আৰু ইউ এ ইৰ মাজত পুৰণি সম্পৰ্কক আগুৱাই নিয়াৰ ওপৰত আলোচনা হ’ব।

অংশগ্ৰহণ কৰিব কেন্দ্ৰীয় মন্ত্ৰী হৰদীপ পুৰীয়ে

লগতে এই সন্মিলনৰ লক্ষ্য হৈছে আলোচনা, কূটনীতি আৰু গতিশীল অংশীদাৰিত্বৰ জৰিয়তে ভাৰত আৰু ইউ এ ইৰ মাজত উদীয়মান এই মিত্ৰতাক উদযাপন আৰু গভীৰ কৰা। ডুবাইৰ সন্মানীয় তাজ বিজনেছ বে’ত অনুষ্ঠিত হোৱা নিউজ৯ গ্ল’বেল ছামিটত দুয়োখন দেশৰ মন্ত্ৰী, নীতি নিৰ্ধাৰক, ব্যৱসায়িক নেতা আৰু অৰ্থনীতিবিদসকলক এক মঞ্চত একত্ৰিত কৰা হয়।

আজি বৃহস্পতিবাৰে পুৱা ১০ বজাৰ পৰা টিভি৯ নেটৱৰ্কৰ এমডি আৰু চিইঅ’ বৰুণ দাসৰ আদৰণি ভাষণেৰে আৰম্ভ হৈছে News9 Global Summit। এই সন্মিলনত মুখ্য ভাষণ দিব কেন্দ্ৰীয় মন্ত্ৰী হৰদীপ সিং পুৰীয়ে। বলীউডৰ বিখ্যাত অভিনেতা-প্ৰযোজক তথা ব্যৱসায়ী সুনীল শ্বেট্টী, টিভি প্ৰযোজক একতা কাপুৰ, বিবেক অবেৰয় আৰু প্ৰতিভাৱান অভিনেত্ৰী নৰ্গিছ ফাখৰীকে ধৰি গ্ল’বেল ছামিটৰ মঞ্চত উপস্থিত থাকিব দেশৰ লগতে বিশ্বৰ বহু বিখ্যাত ব্যক্তি।

ইউ এ ইৰ সৈতে সম্পৰ্কৰ দ্বাৰা ভাৰত লাভৱান হ’বঃ বৰুণ দাস

গ্ল’বেল ছামিটৰ ডুবাই সংস্কৰণৰ সন্দৰ্ভত টিভি৯ নেটৱৰ্কৰ এমডি আৰু চিইঅ’ বৰুণ দাসে কয়স “ভাৰত আৰু ইউএইৰ মাজত এক কৌশলগত অংশীদাৰিত্ব বাস্তৱ জীৱনৰ দৰেই বিশ্বব্যাপী বন্ধুত্ব, প্ৰতিশ্ৰুতি আৰু সততাৰে গঢ়ি উঠিছে । ২০১৫ চনত যেতিয়া নৰেন্দ্ৰ মোদীয়ে ৩৪ বছৰৰ ভিতৰত সংযুক্ত আৰব আমিৰশ্বাহী ভ্ৰমণ কৰা প্ৰথমজন ভাৰতীয় প্ৰধানমন্ত্ৰী হিচাপে পৰিগণিত হৈছিল, তেতিয়া বহু পৰ্যবেক্ষক আচৰিত হৈছিল। কিন্তু সত্যটো হ’ল, তেতিয়া ইউ এ ই ভাৰতৰ আটাইতকৈ গুৰুত্বপূৰ্ণ বা কৌশলগত অংশীদাৰ নহ’বও পাৰে, কিন্তু আজি এদশক পিছত ই আমাৰ অন্যতম ঘনিষ্ঠ মিত্ৰ আৰু প্ৰধান বাণিজ্যিক অংশীদাৰ হৈ পৰিছে।”

এম ডি আৰু চি ই অ’ বৰুণ দাসে কয়, “বিশ্বৰ সৰ্ববৃহৎ গণতন্ত্ৰ আৰু দ্ৰুতগতিত বৃদ্ধি পোৱা বৃহৎ অৰ্থনীতি ভাৰতে ইউ এ ইৰ সৈতে সম্পৰ্ক শক্তিশালী কৰিলেহে লাভৱান হ’ব। গতিকে যোৱা বছৰৰ নৱেম্বৰ মাহত জাৰ্মানীৰ ষ্টুটগাৰ্টৰ পিছত দ্বিতীয়টো নিউজ ৯ গ্ল’বেল ছামিটৰ বাবে ডুবাইক বাছি লোৱাটো আমাৰ বাবে কোনো ডাঙৰ কথা নাছিল।” তেওঁ কয়, “১৯ জুনত তাজ ডুবাইত অনুষ্ঠিত হ’বলগীয়া শীৰ্ষ সন্মিলনত আমাৰ হাতত বিষয় আৰু বক্তাৰ এক সুন্দৰ তালিকা আছে।”

 মঞ্চত থাকিব বহু ডাঙৰ ডাঙৰ মুখ

নিউজ ৯ গ্ল’বেল ছামিট ডুবাই সংস্কৰণত ইউ এ ইত ভাৰতৰ ৰাষ্ট্ৰদূত সঞ্জয় সুধীৰ, ডুবাইত ভাৰতৰ কনছুল জেনেৰেল সতীশ কুমাৰ শিৱনৰ উপৰিও ভাৰতৰ বিখ্যাত চলচ্চিত্ৰ ব্যক্তিত্ব অভিনেতা বিবেক অবেৰয়, একতা কাপুৰ, সুনীল শেট্টী, বি এ পি এছ স্বামীনাৰায়ণ সংস্থাৰ পূজ্য ব্ৰহ্মবিহাৰী স্বামীয়ে দুয়োখন দেশৰ আধ্যাত্মিক সম্পৰ্কৰ ওপৰত ভাষণ দিব।

ভাৰতৰ বিশিষ্ট ব্যক্তিসকলৰ উপৰিও ইউ এ ইৰ বহু ডাঙৰ মুখেও এই সন্মিলনত শোভা বঢ়াব। ইউ এ ইৰ মন্ত্ৰী ওমৰ চুলতান আল ওলামা আৰু অৰ্থনৈতিক পৰিক্ৰমা বিভাগৰ সহকাৰী উপ সচিব আব্দুল আজিজ আল নুয়াইমিৰ উপৰিও আন বহু ডাঙৰ মুখ উপস্থিত থাকিব। এইবোৰৰ উপৰিও ব্যৱসায়িক জগতৰ বহু ডাঙৰ ব্যক্তিয়েও এই সন্মিলনত অংশগ্ৰহণ কৰিব।

নিউজ ৯ গ্ল’বেল ছামিট ইউ এ ই ২০২৫ৰ মঞ্চত ভাৰত আৰু ইউ এ ইৰ মাজৰ সম্পৰ্কৰ ওপৰত গভীৰ আলোচনা হ’ব।শেহতীয়া বিশ্ব পৰিস্থিতিৰ মাজতে দুয়োখন দেশৰ মাজত সম্পৰ্কক পৰৱৰ্তী পৰ্যায়লৈ লৈ যোৱাৰ ক্ষেত্ৰত আলোচনা হ’ব। গ্ল’বেল ছামিটৰ লাইভ আপডেটৰ বাবে @News9Tweets অনুসৰণ কৰক আৰু News9 ত গ্ল’বেল ছামিটৰ লাইভ কভাৰেজ চাওক। লগতে টিভি৯ নেটৱৰ্ক চেনেল আৰু ৱেবছাইটত হাইলাইট চাওক।