২৫ অক্টোবৰত বন্ধ থাকিব SBI ৰ ডিজিটেল বেংকিং সেৱা
ভাৰতীয় ষ্টেট বেংকে শনিবাৰে কেইবাটাও ডিজিটেল বেংকিং সেৱা সাময়িকভাৱে বন্ধ হ’ব বুলি গ্ৰাহকসকলক অৱগত কৰিছে। এই সময়ছোৱাত বেংকটোৱে চিষ্টেম মেইণ্টেনেন্সৰ কাম কৰিব।
ভাৰতীয় ষ্টেট বেংকে ২০২৫ চনৰ ২৫ অক্টোবৰ, শনিবাৰে কেইবাটাও ডিজিটেল বেংকিং সেৱা সাময়িকভাৱে বন্ধ হ’ব বুলি গ্ৰাহকসকলক অৱগত কৰিছে। এই সময়ছোৱাত বেংকটোৱে চিষ্টেম মেইণ্টেনেন্সৰ কাম কৰিব। SBI য়ে ছ’চিয়েল মিডিয়া প্লেটফৰ্ম এক্সত ঘোষণা কৰে যে, ২৫ অক্টোবৰৰ ৰাতি ১:১০ বজাৰ পৰা ২:১০ বজালৈ (IST) প্ৰায় ৬০ মিনিটৰ বাবে UPI, IMPS, YONO, Internet Banking, NEFT আৰু RTGS কে ধৰি কেইবাটাও সেৱা সাময়িকভাৱে উপলব্ধ নহ’ব।
বেংকে কয় যে, “নিৰ্ধাৰিত মেইণ্টেনেন্সৰ বাবে UPI, IMPS, YONO, Internet Banking, NEFT আৰু RTGS, ধৰি আমাৰ সেৱাসমূহ ২৫.১০.২০২৫ তাৰিখে ৰাতি ১:১০ বজাৰ পৰা ২:১০ বজালৈকে উপলব্ধ নহ’ব। এই সেৱাসমূহ ২:১০ বজাৰ পাছত পুনৰ উপলব্ধ হ’ব।” এই সময়ছোৱাত SBI য়ে গ্ৰাহকক ATM আৰু UPI Lite সেৱা ব্যৱহাৰ কৰিবলৈ পৰামৰ্শ দিছে। বেংকে উল্লেখ কৰে যে, যিকোনো অসুবিধাৰ বাবে তেওঁলোকে অনুশোচনা কৰে আৰু গ্ৰাহকৰ ধৈৰ্যৰ বাবে ধন্যবাদ জনাইছে।
Due to scheduled maintenance activity, our services UPI, IMPS, YONO, Internet Banking, NEFT & RTGS will be temporarily unavailable from 01:10 hrs to 02:10 hrs on 25.10.2025 (60 Minutes). These services will resume by 02:10 hrs on 25.10.2025 (IST).
Meanwhile, customers are…
— State Bank of India (@TheOfficialSBI) October 23, 2025
পূৰ্বে মেইণ্টেনেন্সৰ কাম পিছুৱাই দিয়া হৈছিল
প্ৰথমে SBI য়ে ২৪ অক্টোবৰৰ ৰাতি ১২:১৫ বজাৰ পৰা ১:০০ বজালৈ মেইণ্টেনেন্সৰ পৰিকল্পনা কৰিছিল যদিও পিছত ২৫ অক্টোবৰলৈ এদিন পিছুৱাই দিয়া হয়। ২৫ অক্টোবৰৰ নিশা যদি লেনদেন কৰিবলগীয়া হয় তেন্তে UPI Lite আৰু ATM ব্যৱহাৰ কৰিব পাৰে।
SBI UPI Lite সম্পৰ্কে মূল প্ৰশ্নসমূহ
UPI Lite কি? UPI Lite হৈছে এটা ডিজিটেল ৱালেট সেৱা যিয়ে আপোনাক পিন নিদিয়াকৈ ১,০০০ টকা পৰ্যন্ত সৰু সৰু লেনদেন তৎক্ষণাত সম্পূৰ্ণ কৰিবলৈ অনুমতি দিয়ে।
ইয়াক কেনেকৈ সক্ৰিয় কৰিব? BHIM SBI Pay app খোলক আৰু UPI Lite ছেকচনত গৈ আপোনাৰ ৱালেটত ধন যোগ কৰক। টকা লোড হোৱাৰ লগে লগে এই সেৱা সক্ৰিয় হ’ব।
যিকোনো সময়তে ইয়াক নিষ্ক্ৰিয় কৰিব পাৰিনে? হয়, ব্যৱহাৰকাৰীয়ে যিকোনো সময়তে BHIM SBI Pay এপৰ পৰা ইয়াক নিষ্ক্ৰিয় কৰিব পাৰে।
বেংক ষ্টেটমেণ্টত UPI Lite লেনদেন দেখা যায় নেকি? নাই, যিহেতু এই লেনদেনসমূহ ৱালেটৰ পৰা কৰা হয়।
UPI Liteৰ লেনদেনৰ সীমা কিমান?
প্ৰতিটো লেনদেনৰ বাবে: সৰ্বোচ্চ ১,০০০ টকা
প্ৰতিদিনে মুঠ ব্যৱহাৰ: ১০,০০০ টকা পৰ্যন্ত
সৰ্বোচ্চ ৱালেট বেলেঞ্চ: ৫,০০০ টকা
মেইণ্টেনেন্সৰ কামৰ সময়ত গ্ৰাহকক আতংকিত নহ’বলৈ SBIয়ে পৰামৰ্শ দিছে; তেওঁলোকৰ বেংকিং সেৱা অতি সোনকালে স্বাভাৱিক অৱস্থালৈ ঘূৰি আহিব।
