বহু টকা লোকচান হ’ব আপোনাৰ! আয়কৰ ৰিটাৰ্ণ দাখিলৰ পূৰ্বে মনত ৰাখক এইসমূহ কথা

আয়কৰ ৰিটাৰ্ণ

১৫ ছেপ্টেম্বৰৰ দিনটো ২০২৪-২৫ বিত্তীয় বৰ্ষৰ আয়কৰ ৰিটাৰ্ণ দাখিলৰ নতুন তাৰিখ হিচাপে নিৰ্ধাৰণ কৰা হৈছে। কিন্তু তাৰ আগতে কিছুমান ভুলবোৰ শুধৰণি নকৰিলে কৰদাতাসকলে ডাঙৰ সমস্যাৰ সন্মুখীন হ’ব পাৰে। এই ধৰণৰ ভুলৰ বাবে ৰিটাৰ্ণ দাখিল কৰাৰ পিছত প্ৰায়ে কৰদাতাসকলৰ টকা পুনৰ বেংক একাউণ্টলৈ ঘূৰি নাহে।

ৰিফাণ্ড পোৱাত পলম হোৱাৰ আঁৰত বহু কাৰণ আছে। প্ৰথম কাৰণটো হ’ল বেংক একাউণ্ট লিংক নকৰা। বহুতে আয়কৰ প্ৰফাইলত বেংক একাউণ্ট লিংক নকৰে। ইয়াৰ কাৰণে তেওঁলোকে সমস্যাৰ সন্মুখীন হ’বলগীয়া। ইয়াৰ উপৰিও কেৱল বেংক একাউণ্টটো যোগ কৰিলেই নহ’ব। ইয়াৰ বৈধতাও পৰীক্ষা কৰিব লাগিব। তেতিয়াহে লিংক কৰা বেংক একাউণ্টে সঠিকভাৱে কাম কৰিব।

যদি আপুনি প্ৰপত্ৰ ২৬এএছত দেখুওৱা টিডিএছতকৈ কম টিডিএছ ঘোষণা কৰে, অৰ্থাৎ দুয়োটা তথ্যৰ মিল নাথাকিলে আপুনি বিপদত পৰিব পাৰে। ইয়াৰ ফলত আপুনি উভতাই পাবলগীয়া ধন আবদ্ধ হৈ থাকিব পাৰে।

যদি আপুনি সুত, মূলধনী লাভ বা ফ্ৰীলান্সৰ পৰা উপাৰ্জন কৰা আয়ৰ তথ্য লুকুৱাই ৰাখে আৰু আয়কৰ বিভাগে পিছত এই কথা ধৰা পেলায়, তেন্তে আপোনাৰ আয়কৰ ৰিটাৰ্ণ ব্লক হ’ব পাৰে। গতিকে, যদি আপুনি আপোনাৰ ধন একাউণ্টলৈ সোনকালে অহাটো বিচাৰে, তেন্তে আপোনাৰ আয়কৰ প্ৰফাইলত সঠিক বেংক একাউণ্ট লিংক কৰক আৰু ভালদৰে পৰীক্ষা কৰক। লগতে ৰিটাৰ্ণ দাখিল কৰাৰ সময়ত কোনো তথ্য লুকুৱাই নাৰাখিব। অন্যথা কৰিলে বিপদত পৰিব পাৰে।