EPFO ক লৈ ডাঙৰ আপডেট! বৃদ্ধি হ’ব পাৰে EPFৰ দৰমহাৰ সীমা…

ই পি এফ অ'

কৰ্মচাৰীসকলৰ বাবে ২০২৬ চনতো অতি গুৰুত্বপূৰ্ণ বুলি বিবেচিত হ’ব পাৰে।কৰ্মচাৰী প্ৰভিডেণ্ট ফাণ্ড অৰ্গেনাইজেচন (EPFO)ই শীঘ্ৰেই এক ডাঙৰ সিদ্ধান্ত গ্ৰহণ কৰিব পাৰে। কেন্দ্ৰীয় চৰকাৰে EPF ৰ দৰমহাৰ সীমা বৃদ্ধি কৰাৰ চিন্তা-চৰ্চা কৰি আছে। এই প্ৰস্তাৱ অনুমোদন হ’লে লাখ লাখ কৰ্মচাৰী প্ৰত্যক্ষভাৱে লাভান্বিত হ’ব, লগতে অধিক লোক সামাজিক সুৰক্ষাৰ পৰিসৰৰ অধীনলৈ আহিব।

EPF ৰ দৰমহাৰ সীমা হৈছে সৰ্বোচ্চ দৰমহাৰ সীমা, যাৰ দ্বাৰা কোম্পানী আৰু কৰ্মচাৰীয়ে প্ৰভিডেণ্ট ফাণ্ড, পেঞ্চন আঁচনি (ইপিএছ), আৰু বীমা আঁচনি (ইডিএলআই)ত অৰিহণা যোগায়। বৰ্তমান এই সীমা ১৫,০০০ টকা। অৰ্থাৎ ইয়াতকৈও বেছি দৰমহা পোৱা সকলে যদি নিজে নিবিচাৰে তেন্তে তেওঁলোকৰ বাবে EPF প্ৰয়োজনীয় নহয়। কিন্তু সমস্যা হ’ল, ২০১৪ চনৰ ছেপ্টেম্বৰৰ পৰা এই দৰমহাৰ সীমা বৃদ্ধি কৰা নাই। যোৱা ১০ বছৰত মুদ্ৰাস্ফীতি, দৰমহাৰ গাঁথনি আদি বহু সলনি হৈছে যদিও EPF ৰ নিয়ম একে আছে।

২৫ হাজাৰলৈ বৃদ্ধি পাব পাৰে

একাংশ সংবাদ মাধ্যমৰ মতে, EPF ৰ দৰমহাৰ সীমা ১৫ হাজাৰৰ পৰা ২৫,০০০ লৈ বৃদ্ধি পাব পাৰে। ইয়াৰ উদ্দেশ্যে এয়াই, অধিক কৰ্মচাৰীক ইপিএফ, পেঞ্চন, আৰু বীমা কভাৰেজৰ অধীনত অনা। ইয়াৰ ফলত ব্যক্তিগত খণ্ড আৰু মধ্যম পৰ্যায়ৰ কৰ্মচাৰীসকল উপকৃত হ’ব।

উচ্চতম ন্যায়ালয়ৰ নিৰ্দেশ

কিছুদিন পূৰ্বে উচ্চতম ন্যায়ালয়ে কেন্দ্ৰ চৰকাৰক এক নিৰ্দেশ দিয়াৰ পাছতে এই সিদ্ধান্তই অগ্ৰগতি লাভ কৰিব বুলি আশা কৰা হৈছে। ২০২৬ চনৰ জানুৱাৰী মাহত উচ্চতম ন্যায়ালয়ে EPFO ক চাৰি মাহৰ ভিতৰত EPF ৰ দৰমহাৰ সীমা বৃদ্ধি কৰাৰ বাবে কৈছিল। এই প্ৰস্তাৱ ইতিমধ্যে উচ্চ পৰ্যায়ৰ পৰ্যালোচনাৰ বাবে প্ৰেৰণ কৰা হৈছে। গতিকে আগন্তুক মাহত এই বিষয়টো  ইপিএফঅ’ৰ কেন্দ্ৰীয় বোৰ্ড অৱ ট্ৰাষ্টী (চিবিটি)ৰ সন্মুখত ৰাখিব পাৰে।

কেতিয়াৰ পৰা কাৰ্যকৰী হ’ব পাৰে

যদি সকলো পৰিকল্পনা মতে হয়, তেন্তে ২০২৬ চনৰ ১ এপ্ৰিলৰ পৰা EPF ৰ দৰমহাৰ সীমা বৃদ্ধি পাব পাৰে। অৰ্থাৎ নতুন বিত্তীয় বৰ্ষ আৰম্ভ হোৱাৰ লগে লগে কৰ্মচাৰীসকলে নিজৰ দৰমহাতকৈ অধিক ইপিএফত জমা কৰিব পাৰে। এই সিদ্ধান্তই কৰ্মচাৰীসকলৰ অৱসৰৰ পুঁজি অধিক শক্তিশালী কৰিব।

অন্য খবৰ পঢ়কঃ EPF সন্দৰ্ভত ডাঙৰ আপডেট! দৰমহা বৃদ্ধিক লৈ কেন্দ্ৰক ন্যায়ালয়ে দিলে বিশেষ নিৰ্দেশ…