স্বাধীনতা দিৱসৰ প্ৰাকক্ষণত গ্ৰাহকলৈ আমাজনৰ উপহাৰঃ এই দিনটোৰ পৰা লাভ কৰিব বৃহৎ ৰেহাই
দেশৰ স্বাধীনতা দিৱসৰ উদযাপনক অধিক আকৰ্ষণীয় কৰি তুলিবলৈ দেশবাসীলৈ ই-কমাৰ্চ প্লেটফৰ্ম আমাজনে আনিছে এক বিশেষ উপহাৰ। কম মূল্যতে গ্ৰাহকে প্ৰয়োজনীয় সামগ্ৰী ক্ৰয় কৰাৰ সুযোগ দিব আমাজনে। জানো আহক এই বিষয়ে।
Amazonৰ বিশেষ ৰেহাই
অহা ১৫ আগষ্টত দেশবাসীয়ে উদযাপন কৰিব স্বাধীনতা দিৱস। দেশৰ এই মহান দিনটোৰ উদযাপনক অধিক আকৰ্ষণীয় কৰি তুলিবলৈ দেশবাসীলৈ ই-কমাৰ্চ প্লেটফৰ্ম আমাজনে আনিছে এক বিশেষ উপহাৰ। অহা ৩১ জুলাইৰ পৰা গ্ৰাহকৰ বাবে এই আগশাৰীৰ ই-কমাৰ্চ প্লেটফৰ্মটোৰ ‘Amazon Great Freedom Festival 2025 Sale’ আৰম্ভ হ’ব। প্ৰতিবাৰৰ দৰেই এইবাৰো অৱশ্যে আমাজনৰ ‘প্ৰাইম মেম্বাৰসকলে আগতীয়াকৈ এই বিশেষ বিক্ৰীৰ সুবিধা লাভ কৰিব।
পিছে আমাজনৰ এই ৰেহাইৰ সময়ত কোনবোৰ সামগ্ৰীৰ ক্ষেত্ৰত অধিক ৰেহাই পাব? জানো আহক এই বিষয়ে। আমাজনে এই ‘Great Freedom Festival 2025 Sale’ৰ বাবে এক সুকীয়া মাইক্ৰ’ছাইট প্ৰস্তুত কৰিছে। এই মাইক্ৰ’ছাইটত উল্লেখ থকা মতে এই বিশেষ বিক্ৰীৰ সময়ত গ্ৰাহকসকলে স্মাৰ্টফোন আৰু আনুষংগিক সামগ্ৰীত ৪০ শতাংশ পৰ্যন্ত ৰেহাই লাভ কৰিব।
একেদৰে ঘৰুৱা সঁজুলিত ৬৫ শতাংশ পৰ্যন্ত ৰেহাই আৰু এলেক্সা তথা ফায়াৰ টিভিৰ সামগ্ৰীত ৩০ শতাংশ পৰ্যন্ত ৰেহাই লাভ কৰিব গ্ৰাহকসকলে। সামগ্ৰীৰ ৰেহাইৰ উপৰিও যদি গ্ৰাহকসকলে অতিৰিক্ত ৰেহাইৰ সুবিধাও লাভ কৰিব? গ্ৰাহকসকলে যদি এছ বি আই বেংকৰ ক্ৰেডিট কাৰ্ডৰ জৰিয়তে বিল পৰিশোধ কৰে, তেতিয়া ১০ শতাংশ অতিৰিক্ত ৰেহাই লাভ কৰিব।
ই–কমাৰ্চ প্লেটফৰ্মটোৰ এই বিশেষ বিক্ৰীৰ সময়ত সামগ্ৰীৰ ওপৰত ৰেহাই আৰু বেংক কাৰ্ডৰ ৰেহাইৰ উপৰিও এক্সচেঞ্জ অফাৰ আৰু ন’ কষ্ট ইএমআইৰ সুবিধাও ল’ব পাৰিব। গতিকে গ্ৰাহকসকলে স্বাধীনতা দিৱসৰ প্ৰাকক্ষণত আমাজনৰ পৰা যথেষ্ট ৰেহাই মূল্যত প্ৰয়োজনীয় সামগ্ৰী ক্ৰয় কৰিব পাৰিব।