Accident Insurance: স্বাস্থ্য বীমা থকাৰ পাছতো কিয় প্ৰয়োজন দুৰ্ঘটনা বীমাৰ? জানক…

দুৰ্ঘটনা বীমা

জীৱন সাধাৰণ  নহয়। কাৰ জীৱনত কেতিয়া কি হয় কোনোৱে ক’ব নোৱাৰে। হঠাতে সলনি হ’ব পাৰে সকলো। এনেবোৰ কাৰণতে মানুহে কেতিয়াবা দুৰ্ঘটনাৰ সন্মুখীনো হয়। এইবোৰৰ ফলত হ’বলগীয়া আৰ্থিক সমস্যাৰ পৰা হাত সাৰিবলৈ আজিকালি বহুতে বীমা ৰাখে। ভাবে চাগে পৰিয়ালৰ স্বাস্থ্য বীমা, অফিচৰ মেডিক্লেম আছে গতিকে কিহৰ চিন্তা! কিন্তু ই আপোনাৰ বেমাৰ আৰু দুৰ্ঘটনাৰ ফলত হ’বলগীয়া খৰচ কম নকৰে। এটা সৰু দুৰ্ঘটনাইও আপোনাৰ জমা নোহোৱা কৰি দিব পাৰে।

পৃথক দুৰ্ঘটনা বীমাৰ প্ৰয়োজনীয়তা কি?

সাধাৰণ মেডিক্লেইমে অসুস্থতা বা ৰোগৰ বাবে চিকিৎসালয়ত ভৰ্তি হোৱাৰ খৰচ আদায় কৰে।  কিন্তু এক্সিডেন্টেল ইনচুৰেন্সে যিকোনো অস্ত্ৰোপচাৰ, অক্ষমতা বা দুৰ্ঘটনাৰ বাবে হোৱা মৃত্যুৰ ক্ষেত্ৰত আৰ্থিক সকাহ দিয়ে। ইয়াৰ ফলত আপোনাৰ আৰ্থিক দিশটো আৰু অধিক শক্তিশালী হয়।

এই দুৰ্ঘটনা বীমাই আপোনাক হঠাতে হোৱা বৃহৎ চিকিৎসা বিল বা অন্যান্য খৰচৰ হেঁচাত মোকাবিলা কৰাত সহায় কৰে। আংশিক বা স্থায়ী অক্ষমতাৰ ক্ষেত্ৰতো ক্ষতিপূৰণৰ ব্যৱস্থা আছে। যিয়ে আপোনাৰ আয়ৰ ক্ষতি পূৰণ কৰাত সহায় কৰে। ইয়াৰ উপৰিও গুৰুতৰভাৱে আঘাতপ্ৰাপ্ত বা মৃত্যুৰ ক্ষেত্ৰত পৰিয়ালটোক বৃহৎ পৰিমাণৰ ধন প্ৰদান কৰা হয়। যিটো যিকোনো প্ৰয়োজনৰ বাবে ব্যৱহাৰ কৰিব পাৰি। এই পলিচিসমূহ সাধাৰণতে সাধাৰণ স্বাস্থ্য বীমাতকৈ কম প্ৰিমিয়ামত উপলব্ধ আৰু ইয়াৰ কভাৰেজ বিশ্বজুৰি প্ৰযোজ্য।

সহজ কভাৰেজ: আপোনাৰ বাবে কি কি সুবিধা আছে?

এটা কথা মনত ৰাখিব, বেছিভাগ এক্সিডেন্টেল প্লেনত চিকিৎসা পৰীক্ষাৰ প্ৰয়োজন নহয়। অৰ্থাৎ আপুনি সহজে আৰু সোনকালে সুৰক্ষা লাভ কৰিব পাৰে। তেনে ক্ষেত্ৰত প্ৰশ্ন হয়, কঠিন সময় আহিলে এই বীমাই আপোনাক কেনেদৰে সহায় কৰে?

বিশেষজ্ঞসকলৰ মতে, সাধাৰণ মেডিক্লেইমে দৈনন্দিন খৰচ, পৰিবহণ বা অপ্ৰত্যাশিত সৰু সৰু বিল সামৰি  নলয়। কিন্তু কিছুমান দুৰ্ঘটনা বীমাই দৈনিক চিকিৎসালয়ৰ নগদ সুবিধা প্ৰদান কৰে। যিবোৰে এই অতিৰিক্ত খৰচবোৰ পূৰণ কৰিবলৈ সক্ষম হৈছে।

উল্লেখ্য যে, দুৰ্ঘটনা প্ৰতিৰোধ কৰিব নোৱাৰি। কিন্তু আৰ্থিক প্ৰস্তুতিয়ে আপোনাক সকাহ দিব পাৰে। সেয়ে দুৰ্ঘটনা বীমা কেৱল বীমা নহয় ই আপোনাৰ পৰিয়ালৰ ভৱিষ্যতৰ বাবে এক দায়িত্বশীল পদক্ষেপ।

অন্য খবৰ পঢ়কঃ কিমান কমিল দাম? আজিৰ দিনটোত বজাৰত সোণ-ৰূপৰ মূল্য কিমান, জানক…