Assam Governor : লাভতকৈ নীতিক অগ্ৰাধিকাৰ দিয়ক, সমাজক নৈতিক নেতৃত্ব প্ৰদান কৰক: ৰাজ্যপাল

ছাত্ৰ-ছাত্ৰীসকলক লাভৰ সলনি নীতিক অগ্ৰাধিকাৰ দি সমাজখনক নৈতিক নেতৃত্ব প্ৰদান কৰিবলৈ আহ্বান জনাইছে অসম ৰাজ্যপাল লক্ষ্মণপ্ৰসাদ আচাৰ্যই । মাজুলী সাংস্কৃতিক বিশ্ববিদ্যালয়(Majuli Cultural University)ৰ প্ৰথম সমাবৰ্তন অনুষ্ঠানত ভাষণ দি তেওঁ ছাত্ৰ-ছাত্ৰীসকলক সততা আৰু দায়িত্বশীলতাৰে সমাজৰ সেৱা আগবঢ়াবলৈ আহ্বান জনায় । লগতে ৰাজ্যপাল গৰাকীয়ে স্নাতক ডিগ্ৰীধাৰী ছাত্ৰ-ছাত্ৰীসকলক নিজৰ প্ৰতিশ্ৰুতিত অটল থাকিবলৈ কয় আৰু নৈতিকভাৱে সমাজৰ সেৱা আগবঢ়াবলৈ কয়।

বিশ্ববিদ্যালয়খনৰ পৰা স্নাতক ডিগ্ৰী লাভ কৰা ১৮২ গৰাকী ছাত্ৰ-ছাত্ৰীক অভিনন্দন জনাই ৰাজ্যপালগৰাকীয়ে কয় যে, তেওঁলোক বিশ্ববিদ্যালয়খনৰ গৌৰৱ যিয়ে সমগ্ৰ বিশ্বতে সাংস্কৃতিক মূল্যবোধৰ প্ৰচাৰ আৰু প্ৰচাৰৰ দায়িত্ব ল’ব পাৰে। জলবায়ু সংকট, সাম্প্ৰতিক সামাজিক পৰিস্থিতি আৰু অৰ্থনৈতিক বৈষম্যৰ দৰে বিষয়সমূহৰ সমাধানৰ ক্ষেত্ৰত ছাত্ৰ-ছাত্ৰীৰ ভূমিকা সম্পৰ্কেও ভাষণত আলোকপাত কৰে ৰাজ্যপাল গৰাকীয়ে ।

आज माजुली संस्कृति विश्वविद्यालय के प्रथम दीक्षांत समारोह में भाग लेकर विद्यार्थियों के कड़े परिश्रम व समर्पण को सम्मानित किया। आशा करता हूं कि समारोह में उपाधि प्राप्त करने वाले सभी विद्यार्थी अपने ज्ञान, अनुभव और कौशल के बल पर व्यक्तिगत विकास के साथ-साथ अपने समाज,…(1/2) pic.twitter.com/uj8VnikDQT

— लक्ष्मण प्रसाद आचार्य (Lakshman Prasad Acharya) (@Laxmanacharya54) November 8, 2024

তেওঁ কয় যে, এই প্ৰত্যাহ্বানসমূহ ভয়ংকৰ যেন লাগিব পাৰে, কিন্তু ছাত্ৰ-ছাত্ৰীসকলে ইয়াক বৃদ্ধি আৰু উদ্ভাৱনৰ সুযোগ হিচাপে চাব লাগে। ছাত্ৰ-ছাত্ৰীসকলক সহযোগিতামূলক ধাৰা আগৱাই নিয়াৰ বাবে উৎসাহিত কৰি ৰাজ্যপালগৰাকীয়ে কয় যে, “সম্পৰ্ক গঢ়ি তোলাটো কেৱল সংযোগ গঢ়ি তোলা নহয়, ই হৈছে পাৰস্পৰিক সন্মান আৰু সহযোগ কৰাৰ লক্ষ্যৰ ওপৰত ভিত্তি কৰি এক বান্ধোন গঢ়ি তোলা।”

উল্লেখ্য যে, কমলাবাৰী ঘাট ভ্ৰমণৰ সময়ত বান সুৰক্ষাৰ বাবে গ্ৰহণ কৰা প্ৰকল্পসমূহো পৰিদৰ্শন কৰে ৰাজ্যৰপাল গৰাকীয়ে । ইয়াৰ লগতে স্থানীয় প্ৰশাসনৰ সৈতে এক পৰ্যালোচনা বৈঠক অনুষ্ঠিত কৰি পি এম আৱাস যোজনা, পি এম কিষাণৰ দৰে কেন্দ্ৰীয় আঁচনিৰ অগ্ৰগতিৰ বুজ লয় ৰাজ্যপাল গৰাকীয়ে । ইয়াৰ সমান্তৰালভাৱে ৰাজ্যপাল গৰাকীয়ে ব্ৰহ্মপুত্ৰ ব’ৰ্ডৰ কাম-কাজৰ পৰ্যালোচনাও কৰে।