খাবলৈ নাপালে বঢ়া ভাত! পত্নীৰ সন্মুখতে স্বামীক হত্যা কৰি…নলবাৰীত ভয়ংকৰ ঘটনা

ৰাজ্যত সংঘটিত হৈছে এক ভয়ংকৰ ডকাইটিৰ ঘটনা। যিটো ঘটনাই জোকাৰিছে সমগ্ৰ ৰাজ্য। কেৱল গৃহস্থৰ হাত-ভৰি বান্ধি লুটপাত চলোৱাই নহয় ডকাইতৰ দলটোৱে সংঘটিত কৰিলে আন এক ভয়ংকৰ কাণ্ড। পত্নীৰ সন্মুখতে মৰিয়াই মৰিয়াই স্বামীক হত্যাক কৰিলে দলটোৱে।

নলবাৰীৰৰ মোহখলিত শুকুৰবাবে নিশা সংঘটিত হৈছে এই ঘটনা। লুট-পাত চলোৱাৰ লগতে ডকাইতে হত্যা কৰিলে এগৰাকী বৃদ্ধক ৷ নলবাৰী জিলা আয়ুক্ত কাৰ্যালয়ৰ অৱসৰপ্ৰাপ্ত কৰ্মচাৰী প্ৰমোদ বৰ্মনক ঘৰতে হত্যা কৰে ডকাইতৰ দলটোৱে৷ পত্নীৰ সম্মুখতে স্বামীক ৰছিৰে বান্ধি হত্যা কৰাৰ পিছত সোণৰ আ-অলংকাৰ লুটি লৈ যায় ডকাইতে ৷

জানিব পৰা মতে প্ৰমোদ বৰ্মন আৰু তেওঁৰ পত্নী মীৰা তালুকদাৰ বৰ্মনে ঘৰত অকলে থকা অৱস্থাত নিশা ১০ মান বজাত ৩-৪ ডকাইতৰ দলটোৱে প্ৰৱেশ কৰে । সেই সময়ত খাবলৈ ভাত বাঢ়িব গৈছিল পত্নী মীৰা তালুকদাৰ।  তাৰ পিছতে স্বামীক ভাত খাবলৈ মাতিবলৈ আহোতে পত্নী মীৰা তালুকদাৰক চকু আৰু মুখত বান্ধে ডকাইতৰ দলটোৱে। ইয়াৰ পিছত স্বামী তথা অৱসাৰী কৰ্মচাৰী প্ৰমোদ বৰ্মনক মৰিয়াই মৰিয়াই হত্যা কৰে।  অৱসৰপ্ৰাপ্ত কৰ্মচাৰীগৰাকীক হত্যা কৰাৰ লগতে ডকাইতৰ দলটোৱে লুটি লৈ গ’ল সোণৰ আ-অলংকাৰ, নগদ ধন । কথমপি ৰক্ষা পৰে পত্নী মীৰা তালুকদাৰৰ প্ৰাণ।

তথ্য অনুসৰি ডকাইতৰ দলটোৱে অচেতন কৰিব লোৱাত অচেতন হোৱা ভাও জুৰিছিল পত্নী মীৰা তালুকদাৰ বৰ্মনে । যাৰ বাবেই ৰক্ষা পৰিল তেওঁৰ প্ৰাণ। ইফালে ভয়ংকৰ ডকাইতিত মৃত্যু হয় স্বামী ৭৩ বছৰীয়া প্ৰমোদ চন্দ্ৰ বৰ্মনৰ । তাৰ পিছতে ঘটনা সন্দৰ্ভত খবৰ দিয়া হয় আৰক্ষীক।

খবৰ পোৱাৰ লগে লগে নিশাৰ ভাগতে ঘটনাস্থলীত উপস্থিত হৈছে আৰক্ষীৰ বৃহৎ দল । এই ঘটনাক লৈ এতিয়া অঞ্চলজুৰি চাঞ্চল্যই বিৰাজ কৰিছে । ইফালে ডকাইতৰ দলটোৱে পেলাই থৈ যায় ডকাইটিত ব্যৱহৃত গামোচা, ৰছী, মাক্সসহ বিভিন্ন সামগ্ৰী । সম্প্ৰতি অতিৰিক্ত আৰক্ষী অধীক্ষক , স্থানীয় আৰক্ষী , দণ্ডাধীশ উপস্থিত হৈ তদন্ত অব্যাহত ৰাখিছে । কিন্তু বৰ্তমানে ডকাইতৰ দলটোক আটক কৰিবলৈ সক্ষম হোৱা নাই বুলি জানিব পৰা গৈছে৷