দিনটো আৰম্ভ কৰাৰ আগতে পলকতে পঢ়ক পুৱাৰ মুখ্য খবৰ…
আজি ২৪ জুলাই, বৃহস্পতিবাৰৰ দিনটোৰ আৰম্ভণিতে আমি আপোনাৰ বাবে লৈ আহিছোঁ এই শিতানটো। ব্যস্ততাপূৰ্ণ জীৱনৰ পৰা মাত্ৰ দুই মিনিট সময় উলিয়াই জানি লওক আপোনাৰ বাবে প্ৰয়োজনীয় কেইটামান খবৰ।
পুৱাৰ মুখ্য খবৰ
প্ৰিয় পাঠক আমাৰ সৈতে সংযুক্ত হোৱাৰ বাবে আপোনাৰ প্ৰতি কৃতজ্ঞতা জনালোঁ। ব্যস্তময় জীৱনত চৌপাশৰ সকলো ঘটনা প্ৰবাহৰ খবৰ ৰখাটো সম্ভৱ নহয়। সেই বুলি আপুনি জানো খবৰৰ পৃথিৱীত এভুমুকি নমৰাকৈ থাকিব পাৰিব। সেই বাবেই দিনটোৰ আৰম্ভণিতে আমি আপোনাৰ বাবে লৈ আহিছোঁ এই শিতানটো। ব্যস্ততাপূৰ্ণ জীৱনৰ পৰা মাত্ৰ দুই মিনিট সময় উলিয়াই জানি লওক আপোনাৰ বাবে প্ৰয়োজনীয় কেইটামান খবৰ।
পুৱাৰ মুখ্য খবৰ
- আজি বৰাক ভ্ৰমণ কৰিব ৰাজ্যৰ মুখ্যমন্ত্ৰী হিমন্ত বিশ্ব শৰ্মাই । সূত্ৰ খবৰ অনুসৰি, এই ভ্ৰমণ কালতে শিলচৰত নেতাজী সুভাষ চন্দ্ৰ বসুৰ মূৰ্তি উন্মোচন কৰিব মুখ্যমন্ত্ৰীয়ে। লগতে বিভিন্ন উন্নয়নমূলক কাৰ্যসূচীত অংশগ্ৰহণ কৰাৰ কথা আছে মুখ্যমন্ত্ৰীয়ে।
- ৰাজ্যৰ শিক্ষাখণ্ডৰ বাবে বিশ্ববেংকৰ পৰা ২,৭৫০ কোটি টকাৰ ঋণ লোৱাৰ সিদ্ধান্ত গ্ৰহণ কৰিছে ৰাজ্যিক কেবিনেটে। এই কথা সদৰী কৰিছে মুখ্যমন্ত্ৰী হিমন্ত বিশ্ব শৰ্মাই। তেওঁ কয় যে, এই ঋণৰ ৯০ শতাংশ ধন কেন্দ্ৰীয় চৰকাৰে উভতাই দিব লাগিব। আনহাতে বাকী ১০ শতাংশ ধন অৰ্থাৎ ২৭৫ কোটি টকা অসম চৰকাৰে উভতাই দিব লাগিব।
- ৰাজ্যিক কেবিনেটে বিদ্যালয়সমূহৰ আন্তঃগাঁথনি উন্নীতকৰণ তথা প্রশিক্ষিত শিক্ষক আৰু উন্নত সুবিধাৰে সজ্জিত কৰাৰ বাবে ‘অসমঃ বিদ্যালয় শিক্ষা আৰু কিশোৰ কল্যাণ প্রকল্প’ নামৰ ২,৭৫০ কোটি টকাৰ প্ৰকল্পত অনুমোদন জনাইছে। এই প্ৰকল্পৰ অধীনত প্রশিক্ষিত শিক্ষক, বিজ্ঞান-প্রযুক্তি আৰু সঠিক শ্রেণীকোঠা ব্যৱস্থাপনা দক্ষতাৰ দিশত প্রাধান্য দি ৪০০খন নতুন বিদ্যালয় আৰু ১,৭৩৩ অংগনৱাড়ী কেন্দ্ৰ নিৰ্মাণ কৰা হ’ব।
- এতিয়াৰ ৰাজ্যৰ চহৰ-নগৰ ফ্লেটৰ সামূহিক কামৰ বাবে চৰকাৰে ব্যয় কৰিব ধন। মুখ্যমন্ত্ৰীয়ে জনাইছে যে, ফ্লেটৰ ৰং কৰা, পানী যোগান, মন্দিৰ নিৰ্মাণকে ধৰি বিভিন্ন ধৰণৰ সামূহিক কামৰ চৰকাৰে প্ৰয়োজনীয় পুঁজি যোগান ধৰিব। কিন্তু চৰকাৰৰ পুঁজি লাভ ফ্লেটটো ছ’চাইটিৰ নামত থকাটো বাধ্যতামূলক।
- ২৫ বাৰকৈ ভাৰত-পাকিস্তানৰ যুদ্ধবিৰতিত মধ্যস্থতা কৰা বুলি দাবী কৰিছে মাৰ্কিন ৰাষ্ট্ৰপতি ড’নাল্ড ট্ৰাম্পে। শেহতীয়াকৈ ট্ৰাম্পে পুনৰ কয়, “আমি ভাৰত আৰু পাকিস্তানৰ যুদ্ধ বন্ধ কৰি দিছোঁ। তেওঁলোকৰ মাজত পাৰমাণৱিক যুদ্ধ হ’বলৈ গৈ আছিল। শেষৰ আক্ৰমণত ৫ খন বিমান ধ্বংস হৈছিল। বাৰে বাৰে সংঘৰ্ষ হৈছিল। মই ফোন কৰি ক’লোঁ যে যদি এইদৰে সংঘাত চলি থাকে তেন্তে আমি কোনো ধৰণৰ ব্যৱসায় নকৰো। দুয়োখন দেশৰে পাৰমাণৱিক শক্তি আছে। কোনে জানে শেষত কি হ’ব, মই যুদ্ধ বন্ধ কৰি দিলোঁ।”
- আজিৰে পৰা চীনা পৰ্যটকে পাব ভাৰতীয় ভিজা। পাঁচ বছৰৰ পাছত চীনা পৰ্যটকক ভাৰতে ভিজা দিব বুলি সদৰী কৰিছে বেইজিঙে। ২০২০ চনৰ পৰা চীনা পৰ্যটকৰ ভিজা বন্ধ কৰি ৰাখিছিল ভাৰতে। মূলতঃ গালৱান সংঘাৰ্ষ আৰু কভিড সংক্ৰমণৰ বাবেই চীনা পৰ্যটকৰ ভিজা বন্ধ কৰি ৰাখিছিল ভাৰতে।
