দিল্লী আৰু যোৰহাটৰ মাজত চলিব পোনপটীয়া ইণ্ডিগ’ বিমান, আন বন্দৰলৈও প্ৰসাৰিত হ’ব বিমানসেৱা
ইণ্ডিগ’ই অহা ছেপ্টেম্বৰ মাহৰ মাজভাগৰ পৰা দিল্লী আৰু যোৰহাটৰ মাজত ননষ্টপ বিমান যাত্ৰা আৰম্ভ কৰিব । লগতে ৰাজ্যৰ অন্যান্য স্থানলৈও বিমান সংযোগ বৃদ্ধিৰ পৰিকল্পনা কৰিছে বুলি জনায় মুখ্যমন্ত্ৰী হিমন্ত বিশ্ব শৰ্মাই ।
অসমৰ পৰা দিল্লীলৈ বা দিল্লীৰ পৰা অসমলৈ বিমানেৰে যাত্ৰা কৰা সকলৰ বাবে সুখবৰ । অসমৰ মুখ্যমন্ত্ৰী হিমন্ত বিশ্ব শৰ্মাই শনিবাৰে কয় যে কম খৰচী বিমান সংস্থা ইণ্ডিগ’ই অহা ছেপ্টেম্বৰ মাহৰ মাজভাগৰ পৰা দিল্লী আৰু যোৰহাটৰ মাজত ননষ্টপ বিমান যাত্ৰা আৰম্ভ কৰিব । লগতে ৰাজ্যৰ অন্যান্য স্থানলৈও বিমান সংযোগ বৃদ্ধিৰ পৰিকল্পনা কৰিছে বুলি জনায় মুখ্যমন্ত্ৰীয়ে ।
শেহতীয়াকৈ নতুন দিল্লী ভ্ৰমণৰ সময়ত মুখ্যমন্ত্ৰীয়ে বিমান সংস্থাটোৰ জ্যেষ্ঠ বিষয়াক সাক্ষাৎ কৰি সমগ্ৰ অসমৰ অন্যান্য গুৰুত্বপূৰ্ণ স্থান বিশেষকৈ শিলচৰ, ডিব্ৰুগড়, আৰু উত্তৰ লখিমপুৰলৈ বিমান সংযোগ সম্প্ৰসাৰণ কৰিবলৈ আহ্বান জনাইছিল বুলিও তেওঁ কয় ।
”২০২৫ চনৰ ছেপ্টেম্বৰৰ পৰা নতুন দিল্লী–যোৰহাট ডাইৰেক্ট ফ্লাইট- অসমত বিমান সংযোগ সম্প্ৰসাৰণৰ বাবে তেওঁলোকৰ ৰোডমেপ সম্পৰ্কে আলোচনা কৰিবলৈ নতুন দিল্লীত @IndiGo6E ৰ নেতৃত্বক লগ পোৱাটো এক আনন্দৰ কথা আছিল,” মুখ্যমন্ত্ৰীয়ে এক্স’ত পোষ্ট কৰে । ”এই কথা শ্বেয়াৰ কৰি আনন্দিত যে @IndiGo6E এ ২০২৫ চনৰ ছেপ্টেম্বৰৰ মাজভাগৰ পৰা দিল্লী আৰু যোৰহাটৰ মাজত ননষ্টপ বিমান আৰম্ভ কৰিব”, তেওঁ লগতে কয় ।
✈️ Expanding Assam’s Air Network with IndiGo
During my recent meeting with the @IndiGo6E leadership in New Delhi, I urged them to enhance air connectivity to other key locations across Assam — particularly Silchar, Dibrugarh, and North Lakhimpur.
I’m pleased to share that…
— Himanta Biswa Sarma (@himantabiswa) May 31, 2025
বিমান সংস্থাটোৰ পৰিচালনা সমিতিৰ সৈতে হোৱা বৈঠকত সন্তুষ্টি প্ৰকাশ কৰি মুখ্যমন্ত্ৰীয়ে কয় যে ইণ্ডিগ’ই ইতিবাচক সঁহাৰি জনাইছে আৰু আগন্তুক নিয়োগসমূহৰ বিষয়েও শ্বেয়াৰ কৰিছে ।
দিল্লী–ডিব্ৰুগড় বিমানখনে এতিয়া গুৱাহাটীত ষ্টপ অভাৰ কৰিব, ”অসমৰ দুয়োখন ৰাজধানীৰ মাজত পুৱাৰ সংযোগ প্ৰদান কৰা” বুলিও তেওঁ কয় ।
যাত্ৰীৰ দীৰ্ঘদিনীয়া চাহিদাৰ প্ৰতি লক্ষ্য ৰাখি কম খৰচী বিমান সংস্থাটোৱে নিজৰ সময়সূচী পুনৰ নিৰ্ধাৰণ কৰি পুৱাৰ গুৱাহাটী–শিলচৰ বিমান প্ৰৱৰ্তন কৰিব বুলিও তেওঁ উল্লেখ কৰে । ২০২৫–২৬ চনৰ শীতকালীন সময়সূচীৰ পৰা গুৱাহাটী–নৱী মুম্বাইৰ নতুন সেৱা আৰম্ভ হ’ব বুলিও তেওঁ কয় ।
উত্তৰ লখিমপুৰৰ লীলাবাৰী বিমানবন্দৰৰ পৰা ইণ্ডিগ’ই শীঘ্ৰে নিৰ্ধাৰিত অভিযানৰ মূল্যায়ন কৰিব বুলি মুখ্যমন্ত্ৰীয়ে জানিবলৈ দিয়ে । ”এই সংযোজনসমূহৰ লগতে আগন্তুক দিল্লী–যোৰহাট প্ৰত্যক্ষ বিমান সেৱাই অসমৰ বিমান সংযোগ উন্নত কৰাৰ ক্ষেত্ৰত এক উল্লেখযোগ্য পদক্ষেপ হিচাপে চিহ্নিত কৰিছে,” শৰ্মাই কয়। তেওঁ ইণ্ডিগ’ৰ “শীঘ্ৰ সঁহাৰি”ৰ শলাগ লৈ অসমৰ জনসাধাৰণক গুণগত সেৱা প্ৰদানৰ ক্ষেত্ৰত তেওঁলোকৰ অবিৰত প্ৰচেষ্টাৰ প্ৰতি আগ্ৰহ প্ৰকাশ কৰে ।
