Heavy Rain Alert : কাইলৈ মহালয়া, ৰাজ্যৰ কেইবাখনো জিলাত ধাৰাসাৰ বৰষুণৰ আগজাননী বতৰ বিজ্ঞান কেন্দ্ৰৰ…

কাইলৈ মহালয়া । দুৰ্গা দেৱী ধৰালৈ নমাৰ পূৰ্বেই বৰষুণৰ আগজাননী দিছে বৰঝাৰস্থিত আঞ্চলিক বতৰ বিজ্ঞান কেন্দ্ৰই। বতৰ বিজ্ঞান কেন্দ্ৰৰ তথ্য অনুসৰি, আগন্তুক ৫ দিনত ৰাজ্যৰ কেইবাখনো জিলাত ধাৰাসাৰ বৰষুণ হোৱাৰ সম্ভাৱনা আছে । বৰষুণ হোৱাৰ সম্ভাৱনা থকা জিলাৰ সমূহৰ বাবে য়েল্ল’ আৰু অৰেঞ্জ এলাৰ্ট জাৰি কৰিছে বতৰ বিজ্ঞান কেন্দ্ৰই ।

বতৰ বিজ্ঞান কেন্দ্ৰৰ তথ্য অনুসৰি, ধুবুৰী, গোৱালপাৰা, বৰপেটা, বঙাইগাওঁ, নলবাৰী, কামৰূপ গ্ৰাম্য, কামৰূপ মহানগৰ, হোজাই, পশ্চিম কাৰ্বি আংলং, কাৰ্বি আংলং, গোলাঘাট, শোণিতপুৰ, বিশ্বনাথ, লখিমপুৰ, ধেমাজি, যোৰহাট, মাজুলী, শিৱসাগৰ, চৰাইদেউ, ডিব্ৰুগড়, তিনিচুকীয়া, ডিমা হাচাও, কাছাৰ, হাইলাকান্দি আৰু কৰিমগঞ্জ জিলাত ১ অক্টোবৰৰ বাবে য়েল্ল’এলাৰ্ট জাৰি কৰা হৈছে ।

আকৌ ধুবুৰী, গোৱালপাৰা, কোকৰাঝাৰ, বৰপেটা, বঙাইগাওঁ, নলবাৰী, নগাওঁ, হোজাই, পশ্চিম কাৰ্বি আংলং, কাৰ্বি আংলং, গোলাঘাট, ধেমাজি, যোৰহাট, ডিব্ৰুগড়, তিনিচুিকীয়া, ডিমা হাচাও, হাইলাকান্দি জিলাত ২ অক্টোবৰৰ বাবে য়েল্ল’ এলাৰ্ট জাৰি কৰা হৈছে। এই দিনটোতে কৰিমগঞ্জ আৰু কাছাৰ জিলাত অৰেঞ্জ এলাৰ্ট জাৰি কৰিছে বতৰ বিজ্ঞান কেন্দ্ৰই।

ইফালে দক্ষিণ শালমাৰা, গোৱালপাৰা, বৰপেটা, বঙাইগাওঁ, নলবাৰী, মৰিগাওঁ, হোজাই, পশ্চিম কাৰ্বি আংলং, কাৰ্বি আংলং, বিশ্বনাথ, লখিমপুৰ, ধেমাজি, ডিব্ৰুগড়, তিনিচুকীয়া, ডিমা হাচাও, কাছাৰ, হাইলাকন্দি, কৰিমগঞ্জ জিলাত ৩ অক্টোবৰৰ বাবে য়েল্ল’ এলাৰ্ট জাৰি কৰিছে বতৰ বিজ্ঞান কেন্দ্ৰই। একেদৰে ৩ অক্টোবৰৰ বাবে শোণিতপুৰ, নগাওঁ, চিৰাং, কোকৰাঝাৰ আৰু ধুবুৰী জিলাত অৰেঞ্জ এলাৰ্ট জাৰি কৰিছে বতৰ বিজ্ঞান কেন্দ্ৰই ।

সমান্তৰালভাৱে ধুবুৰী, দক্ষিণ শালমাৰা মানকাচৰ, গোৱালপাৰা, কোকৰাঝাৰ, চিৰাং, বাক্সা, বৰপেটা, বঙাইগাওঁ, বজালী, নগাওঁ, হোজাই, পশ্চিম কাৰ্বি আংলং, কাৰ্বি আংলং, বিশ্বনাথ, লখিমপুৰ, ধেমাজি, যোৰহাট, ডিব্ৰুগড়, তিনিচুকীয়া, ডিমা হাচাও, কাছাৰ জিলাত ৪ অক্টোবৰৰ বাবে য়েল্ল’ এলাৰ্ট কৰিছে বতৰ বিজ্ঞান কেন্দ্ৰই। সেইদৰে ৫ অক্টোবৰৰ বাবে কোকৰাঝাৰ, বঙাইগাওঁ, গোলাঘাট, বিশ্বনাথ, লখিমপুৰ, ধেমাজি জিলাত জাৰি কৰা হৈছে য়েল্ল’ এলাৰ্ট।