৪ বছৰ সম্পূৰ্ণ কৰিলে হিমন্ত বিশ্ব শৰ্মা চৰকাৰে, মহানগৰীৰ বাজপেয়ী ভৱনত বৰ্ষপূৰ্তি অনুষ্ঠান

ইফালে চতুৰ্থ বৰ্ষপূৰ্তি উপলক্ষে মুখ্যমন্ত্ৰীক শুভেচ্ছা জনাই সামাজিক মাধ্যমত পোষ্ট  বিজেপিৰ ৰাজ্যিক সভাপতি দিলীপ শইকীয়াৰ। তেওঁ লিখিছে, “মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াৰ নেতৃত্বত গঠন হোৱা বিজেপি মিত্ৰজোঁটৰ চৰকাৰে অসমৰ জনতাৰ সেৱাত আজি সফলতাৰে ৪ বছৰ সম্পূৰ্ণ কৰিলে।এই শুভ মুহূর্তত আজি মাননীয় মুখ্যমন্ত্ৰী ডাঙৰীয়াৰ সৈতে ৰাজ্যিক কাৰ্যালয়ত উপস্থিত হৈ প্ৰাতঃস্মৰণীয় ড০ শ্যামা প্ৰসাদ মুখাৰ্জী আৰু দীনদয়াল উপাধ্যায় দেৱৰ প্ৰতিমূৰ্তি লগতে প্ৰাক্তন প্ৰধানমন্ত্ৰী অটল বিহাৰী বাজপেয়ীদেৱৰ প্ৰতিচ্ছবিত পুষ্প অৰ্পণ কৰি সেৱা নিবেদন কৰিলোঁ।”

তেওঁ আকৌ লিখিছে, “আজিৰ এই বিশেষ দিনটোত মাননীয় মুখ্যমন্ত্রীগৰাকীক দলৰ ৬৫ লাখ কাৰ্যকৰ্তাৰ হৈ এখন দলীয় গামোচা ,অসমীয়াৰ স্বাভিমানস্বৰূপ ফুলাম গামোচাৰ সহিতে এটি ফুলৰ থোপা আৰু এখন দেশৰ সংবিধানেৰে সম্ভাষণ জনাই তেখেতৰ বলিষ্ঠ নেতৃত্বক আমি আন্তৰিকতাৰে ধন্যবাদ আৰু কৃতজ্ঞতা জ্ঞাপন কৰোঁ।”