গুৱাহাটীৰ নিৰ্মীয়মান উৰণীয়া সেতু ছাইটত শিশুৰ মৃত্যু, বিষয়াসহ তিনিজনক গ্ৰেপ্তাৰ…
নিৰ্মীয়মান উৰণীয়া সেতুৰ ছাইটত গাফলতিৰ বাবে এটি শিশু মৃত্যুৰ গোচৰত অসম আৰক্ষীয়ে এটা ব্যক্তিগত নির্মাণ সংস্থাৰ সঞ্চালক আৰু দুজন কর্মচাৰীক আটক কৰিছে ৷ বুধবাৰে আৰ্য নগৰ উৰণীয়া সেতু নিৰ্মাণ স্থানত সুনীত কুমাৰ নামৰ শিশুটিৰ এটা নলাত পৰি মৃত্যু হয়।
চলিত সপ্তাহৰ আৰম্ভণিতে গুৱাহাটীৰ নিৰ্মীয়মান উৰণীয়া সেতুৰ ছাইটত গাফলতিৰ বাবে এটি শিশু মৃত্যুৰ গোচৰত অসম আৰক্ষীয়ে এটা ব্যক্তিগত নির্মাণ সংস্থাৰ সঞ্চালক আৰু দুজন কর্মচাৰীক আটক কৰিছে ৷ বুধবাৰে আৰ্য নগৰ উৰণীয়া সেতু নিৰ্মাণ স্থানত সুনীত কুমাৰ নামৰ শিশুটি এটা নলাত বাগৰি পৰে। ল’ৰাটোৰ পিতৃৰ অভিযোগৰ পিছতে আৰক্ষীয়ে এই প্ৰকল্পৰ ঠিকা লাভ কৰা ভাৰতীয় ইনফ্ৰা প্ৰজেক্টছ লিমিটেড (বিআইপিএল)ৰ বিৰুদ্ধে গোচৰ ৰুজু কৰে।
এগৰাকী আৰক্ষী বিষয়াই সদৰী কৰিছে যে,” পিতৃৰ পৰা পোৱা অভিযোগ অনুসৰি ভাৰতীয় ইনফ্ৰা প্ৰজেক্টছ লিমিটেড (বিআইপিএল)ৰ গাফিলতিৰ বাবে তেওঁৰ পুত্ৰৰ মৃত্যু হৈছিল। আমাৰ তদন্তৰ অংশ হিচাপে আমি লোক নিৰ্মাণ বিভাগ (পিডব্লিউডি)ৰ সৈতে আলোচনা কৰিলোঁ আৰু তিনিজন ব্যক্তিক গ্ৰেপ্তাৰ কৰা হৈছে।” উল্লেখ্য যে, বিআইপিএলক এই উৰণীয়া সেতু নিৰ্মাণৰ ঠিকা দিয়া হৈছিল।
তেওঁ লগতে কয়, “বিআইপিএলৰ সঞ্চালক অবিনাশ ভাৰ্তীয়া, সুৰক্ষা অভিযন্তা কৌশিক গগৈ আৰু উপ প্ৰকল্প পৰিচালক প্ৰসন্নজিৎ পাঠকক গ্ৰেপ্তাৰ কৰা হৈছে। এই ঘটনা মূলতঃ তেওঁলোকৰ গাফিলতিৰ বাবেই সংঘটিত হৈছে।”
বিষয়াগৰাকীয়ে কয় যে, এই গোচৰৰ তদন্তৰ আওতালৈ আৰু লোক আহিব পাৰে। চিচিটিভিৰ ফুটেজত অঞ্চলটোত কেইবাটাও কোনো কভাৰ নথকা মেনহ’ল আৰু নলা দেখা গৈছে। তেওঁ লগতে কয় যে, শেহতীয়াকৈ নিৰ্মাণস্থলীৰ পৰা প্ৰায় ৫০০ মিটাৰ দূৰত এজন শ্ৰমিকৰ বিদ্যুৎস্পৃষ্ট হৈ মৃত্যু হোৱাৰ আন এক ঘটনা সংঘটিত হৈছে।
“আমি পূৰ্বৰ কাণ্ডতো গোচৰ ৰুজু কৰিছিলোঁ। আমি এতিয়া ইয়াক বুধবাৰৰ কাণ্ডৰ পিছত আকস্মিক মৃত্যু বুলি গণ্য কৰা নাই।” এইদৰে কয় আৰক্ষী বিষয়াগৰাকীয়ে।
