Assam Police : ৭ কোটি টকাৰ ড্ৰাগছ জব্দ কাছাৰ আৰক্ষীৰ…এজনক আটক
এক ড্ৰাগছ বিৰোধী অভিযানত ডাঙৰ সফলতা লাভ কৰিছে কাছাৰ আৰক্ষীয়ে । জানিব পৰা মতে, যোৱা নিশা চলোৱা এক অভিযানত কাছাৰ আৰক্ষীয়ে প্ৰায় ৭ কোটি টকাৰ ড্ৰাগছ জব্দ কৰাৰ লগতে এখন বাহন সহ এটা সৰবৰাহকাৰীক আটক কৰিছে আৰক্ষীয়ে ।
নিষিদ্ধ ড্ৰাগছৰ বিৰুদ্ধে অভিযান অব্যাহত ৰাখিছে অসম আৰক্ষীয়ে । শেহতীয়াকৈ চলোৱা এক ড্ৰাগছ বিৰোধী অভিযানত ডাঙৰ সফলতা লাভ কৰিছে কাছাৰ আৰক্ষীয়ে । জানিব পৰা মতে, যোৱা নিশা চলোৱা এক অভিযানত কাছাৰ আৰক্ষীয়ে প্ৰায় ৭ কোটি টকাৰ ড্ৰাগছ জব্দ কৰাৰ লগতে এখন বাহন সহ এটা সৰবৰাহকাৰীক আটক কৰিছে আৰক্ষীয়ে ।
আৰক্ষীৰ সূত্ৰই সদৰী কৰা মতে, গোপন সূত্ৰৰ তথ্য ভিত্তিত কাছাৰ আৰক্ষীয়ে ৩ নৱেম্বৰৰ নিশা লাইলাপুৰ অঞ্চলত ড্ৰাগছৰ অবাধ সৰবৰাহৰ বিৰুদ্ধে অভিযান চলাইছিল । অভিযান কালত ৩৭৫ গ্ৰাম সন্দেহযুক্ত হেৰ’ইন আৰু ২০ হাজাৰ ইয়াবা টেবলেট জব্দ কৰে আৰক্ষীয়ে । জানিব পৰা মতে, ৩০ টা চাবোনৰ বাকচত হেৰ’ইন উদ্ধাৰ কৰে আৰক্ষীয়ে ।
অসম আৰক্ষীক প্ৰশংসা মুখ্যমন্ত্ৰীৰ
এই সফলতাৰ বাবে কাছাৰ আৰক্ষীক প্ৰশংসা কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই । সামাজিক মাধ্যম এক্স হেণ্ডেলৰ জৰিয়তে মুখ্যমন্ত্ৰী শৰ্মাই কয় যে, ৰাজ্যত জনসাধাৰণৰ সুৰক্ষা সুনিশ্চিত আৰু আইন-শৃংখলা নিয়ন্ত্ৰণৰ বাবে আৰক্ষী বিভাগে দায়ৱদ্ধতাৰে কাম কৰি আছে ।
Acting on credible intelligence, @cacharpolice conducted a special operation today at Lailapur, leading to the seizing of a vehicle and the apprehension of an individual.
The search resulted in the recovery of 30 soap boxes containing approx. 375 grams of suspected heroin,… pic.twitter.com/0U3Ak7GWff
— Himanta Biswa Sarma (@himantabiswa) November 3, 2024
মুখ্যমন্ত্ৰী শৰ্মাই এক্সত লিখিছে,’বিশ্বাসযোগ্য চোৰাংচোৱাৰ ভিত্তিত কাম কৰি কাছাৰ আৰক্ষীয়ে লাইলাপুৰত এক বিশেষ অভিযান চলায় । এই অভিযানৰ সময়ত এখন বাহন জব্দ কৰাৰ লগতে এজন ব্যক্তিক আটক কৰা হয়। ইয়াৰ পাছতে আৰক্ষীৰ তালাচীত ৩০টা চাবোনৰ বাকচত প্ৰায় ৩৭৫ গ্ৰাম হেৰ’ইন উদ্ধাৰ কৰা হয় । ইয়াৰ লগতে ২০ হাজাৰ YABA টেবলেট জব্দ কৰে আৰক্ষীয়ে ।’ জব্দ কৰা নিচাজাতীয় সামগ্ৰীখিনিৰ আনুমানিক মূল্য ৭ কোটি টকা হ’ব বুলি উল্লেখ কৰিছে মুখ্যমন্ত্ৰী গৰাকীয়ে ।
দিছপুৰ আৰক্ষীৰ অভিযান
আন এক সুকীয়া অভিযানত অসম আৰক্ষীৰ বিশেষ টাস্ক ফ’ৰ্চে দিছপুৰ আৰক্ষী থানাৰ অন্তৰ্গত দুটা ভিন্ন স্থানত ড্ৰাগছ বিৰোধী অভিযান চলায় । এই অভিযানত ১১৮.৪৫ গ্ৰাম হেৰ’ইন উদ্ধাৰ কৰে আৰক্ষীয়ে । আৰক্ষীৰ সূত্ৰই সদৰী কৰা মতে, এই অভিযানত দুজন লোককো আটক কৰিছে আৰক্ষীয়ে । ইয়াৰ লগতে এই অভিযানত এখন দুচকীয়া বাহন জব্দ কৰাৰ লগতে দুটা মোবাইল ফোন জব্দ কৰে আৰক্ষীয়ে ।
📌 Operation update- Acting on a source information, a team of STF led by Insp. Kapil Pathak conducted raids in two different places under Dispur PS jurisdiction and apprehended total 2 persons along with..1/2@himantabiswa@gpsinghips @HardiSpeaks @assampolice pic.twitter.com/ir3e0xajj6
— STF Assam (@STFAssam) November 4, 2024
