কাছাৰত পুনৰ ৪৫ কোটি টকাৰ ড্ৰাগছ জব্দ, মুখ্যমন্ত্ৰীৰ বিশেষ পোষ্ট…
অসম আৰক্ষীয়ে কাছাৰ জিলাত ৪৫ কোটি টকা মূল্যৰ নিচাজাতীয় সামগ্ৰী সফলতাৰে জব্দ কৰিবলৈ সক্ষম হৈছে। এই উল্লেখযোগ্য অভিযানত ড্ৰাগছ ব্যৱসায়ৰে জড়িত থকাৰ অভিযোগত চাৰিজন ব্যক্তিক আটক কৰে আৰক্ষীয়ে ।
অবৈধ ড্ৰাগছ সৰবৰাহৰ বিৰুদ্ধে বৃহৎ অভিযান চলাই সফলতা লাভ কৰিছে অসম আৰক্ষীয়ে । আৰক্ষীৰ এই অভিযানত প্ৰায় ৪৫ কোটি টকা মূল্যৰ নিচাজাতীয় সামগ্ৰী জব্দ কৰা হৈছে বুলি জানিব পৰা গৈছে । এই কথা জানিবলৈ দিছে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই । এই সন্দৰ্ভত এক্স হেণ্ডেলত এটা পোষ্ট শ্বেয়াৰ কৰি ড্ৰাগছমুক্ত অসম গঢ়াৰ ক্ষেত্ৰত ৰাজ্য চৰকাৰৰ দায়বদ্ধতাক পুনবাৰ আলোকপাত কৰে মুখ্যমন্ত্ৰীগৰাকীয়ে ।
মুখ্যমন্ত্ৰীগৰাকীয়ে জানিবলৈ দিয়া অনুসৰি, অসম আৰক্ষীয়ে কাছাৰ জিলাত ৪৫ কোটি টকা মূল্যৰ নিচাজাতীয় সামগ্ৰী সফলতাৰে জব্দ কৰিবলৈ সক্ষম হৈছে। এই উল্লেখযোগ্য অভিযানত ড্ৰাগছ ব্যৱসায়ৰে জড়িত থকাৰ অভিযোগত চাৰিজন ব্যক্তিক আটক কৰে আৰক্ষীয়ে । নিৰ্ভৰযোগ্য চোৰাংচোৱাৰ তথ্য ভিত্তিত একেৰাহে দুটা অভিযান চলাইছিল আৰক্ষীয়ে ।
₹45 Crore of Drugs recovered
In two successful anti-narcotics operations, @cacharpolice seized 1.5 lakh Yaba tablets worth ₹45 crore in two back-to-back operations based on credible intelligence.
4 people were arrested in this regard.@assampolice stands firm in protecting… pic.twitter.com/IJ6ZDeugn4
— Himanta Biswa Sarma (@himantabiswa) June 9, 2025
তেওঁ কয় যে, ”দুটা সফল ড্ৰাগছ বিৰোধী অভিযানত কাছাৰ আৰক্ষীয়ে ৪৫ কোটি টকাৰ ১.৫ লাখ ইয়াবা টেবলেট জব্দ কৰে ।” ড্ৰাগছৰ বিৰুদ্ধে যুঁজ দিয়াৰ ক্ষেত্ৰত ৰাজ্য চৰকাৰৰ দায়বদ্ধতাক পুনৰবাৰ উল্লেখ কৰি মুখ্যমন্ত্ৰী শৰ্মাই কয় যে, “আমাৰ যুৱক-যুৱতীসকলক সুৰক্ষা দিয়াৰ ক্ষেত্ৰত অসম আৰক্ষী দৃঢ়তাৰে থিয় দিছে।”
ইফালে, আছাম ৰাইফলছে ন’নীৰ এটা চেকপোষ্টত ৫ কোটি টকা মূল্যৰ হেৰ’ইন আৰু ইয়াবা টেবলেট জব্দ কৰা কথাও জানিব পৰা গৈছে । একেদৰে সীমান্ত সুৰক্ষা বাহিনীয়ে মিজোৰামৰ কোলাছিব জিলাতো অভিযান চলাই ৭.০৪ লাখ টকাৰ নিচাযুক্ত টেবলেট জব্দ কৰে। ইয়াৰ সৈতে জড়িত এজন ব্যক্তিক আটক কৰা হৈছে। নিশ্চিত কৰা হৈছে যে, এই সকলো নিচাযুক্ত সামগ্ৰী চুবুৰীয়া ৰাষ্ট্ৰ ম্যানমাৰৰ পৰা সৰবৰাহ কৰা হৈছিল।
