প্ৰয়োজনত ট্ৰেডিং কেলেংকাৰীৰ চিবিআই তদন্তৰ পৰামৰ্শ দিব অসম চৰকাৰে : হিমন্ত বিশ্ব শৰ্মা
প্ৰয়োজনত অসমৰ অবৈধ অনলাইন ট্ৰেডিং কেলেংকাৰীৰ চিবিআই তদন্তৰ পৰামৰ্শ দিব অসম চৰকাৰে । শনিবাৰে সম্বোধন কৰা এক সংবাদেমলত এই কথা সদৰী কৰে অসমৰ মুখ্যমন্ত্ৰী হিমন্ত বিশ্ব শৰ্মাই । এগৰাকী আৰক্ষীৰ বিষয়াই জনোৱা মতে,এই কেলেংকাৰীৰ সৈতে জড়িত এতিয়ালৈকে ৫৯ জনক গ্ৰেপ্তাৰ কৰা হৈছে, ২২টা লুক আউট চাৰ্কুলাৰ জাৰি কৰা হৈছে আৰু ১৪ টা বিশেষ তদন্তকাৰী দল (এছআইটি) গঠন কৰা হৈছে।
প্ৰয়োজন হ’লে অসমৰ অবৈধ অনলাইন ট্ৰেডিং কেলেংকাৰীৰ চিবিআই তদন্তৰ পৰামৰ্শ দিব অসম চৰকাৰে । শনিবাৰে সম্বোধন কৰা এক সংবাদেমলত এই কথা সদৰী কৰে অসমৰ মুখ্যমন্ত্ৰী হিমন্ত বিশ্ব শৰ্মাই । এগৰাকী আৰক্ষীৰ বিষয়াই জনোৱা মতে,এই কেলেংকাৰীৰ সৈতে জড়িত এতিয়ালৈকে ৫৯ জনক গ্ৰেপ্তাৰ কৰা হৈছে, ২২টা লুক আউট চাৰ্কুলাৰ জাৰি কৰা হৈছে আৰু ১৪ টা বিশেষ তদন্তকাৰী দল (এছআইটি) গঠন কৰা হৈছে।
আৰক্ষীৰ সূত্ৰই সদৰী কৰা মতে,তদন্ত প্ৰতিবেদনসমূহে এটা ইংগিত দিয়ে যে, ৰাজ্যখনত কেইবাটাও অনলাইন ট্ৰেডিং ফাৰ্মে ছেবি বা আৰ বি আইৰ নিৰ্দেশনা মানি নচলি কাম কৰিছিল । ইয়াৰ ফলত বিনিয়োগকাৰীৰ যথেষ্ট লোকচান হৈছিল। এই প্ৰতিষ্ঠানসমূহৰ সৈতে জড়িত কেইবাজনো ট্ৰেডাৰক গ্ৰেপ্তাৰ কৰাৰ বিপৰীতে এই কেলেংকাৰী সৈতে জড়িত আন কেইবাজনো পলাতক অৱস্থাত আছে বুলি জানিবলৈ দিছে ।
আজি মুখ্যমন্ত্ৰী হিমন্ত বিশ্ব শৰ্মাই কয়,”অবৈধ অনলাইন ট্ৰেডিঙৰ গোচৰসমূহ নিৰীক্ষণ কৰিবলৈ অসম আৰক্ষীয়ে বিশেষ তদন্তকাৰী দল (এছ আই টি) গঠন কৰিছে। ইডি আৰু আয়কৰ বিভাগক আস্থাত লোৱা হৈছে। জিলা পৰ্যায়ত জিলা আৰক্ষীয়ে তদন্ত চম্ভালিছে আৰু চি আই ডিয়ে মুখ্য কাৰ্যালয় পৰ্যায়ত দৃষ্টি ৰাখিছে ।” সাংবাদিকৰ আগত এইদৰে কয় মুখ্যমন্ত্ৰী শৰ্মাই।
ট্ৰেডিং কেলেংকাৰীৰ বিষয়টোত গুৰুত্ব আৰোপ কৰি প্ৰয়োজন হ’লে অসম চৰকাৰে চিবিআইৰ তদন্তৰো পৰামৰ্শ দিব বুলি স্পষ্ট কৰি দিছে মুখ্যমন্ত্ৰী শৰ্মাই । এই কেলেংকাৰী সৈতে জড়িত থকা অভিযোগত অভিযুক্ত কেইগৰাকী লোক পলাই থকা সন্দৰ্ভত মুখ্যমন্ত্ৰী গৰাকীয়ে কয়,“কোনোৱেই বেছি দিন আৰক্ষীৰ পৰা হাত সাৰিব থাকিব নোৱাৰে।”
INPUT-PTI
