Assam Cabinet: কৰ্মচাৰীৰ দৰমহা বৃদ্ধিৰ পৰা মিছন বসুন্ধৰালৈ, কেবিনেটৰ সিদ্ধান্তসমূহ…

দেওবাৰ (৩০নৱেম্বৰ)য়ে অনুষ্ঠিত হয় ৰাজ্য চৰকাৰৰ কেবিনেট বৈঠক। ইয়াৰ পাছতে মুখ্যমন্ত্ৰী হিমন্ত বিশ্ব শৰ্মাই সংবাদমেল সম্বোধন কৰি বৈঠকৰ সিদ্ধান্তসমূহৰ বিষয়ে উল্লেখ কৰে। আজি অসম কেবিনেটৰ বৈঠকত এন এইচ এমৰ কৰ্মচাৰীসকলৰ লগতে বিভিন্ন দিশৰ ওপৰত সিদ্ধান্ত গ্ৰহণ কৰে। তলত আজিৰ কেবিনেট বৈঠকৰ সিদ্ধান্তসমূহ উল্লেখ কৰা হ’ল-

1. NHM ত কাম কৰি থাকোতে কোনো কৰ্মচাৰীৰ মৃত্যু হ’লে পৰিয়ালৰ লোকক ৭ লাখ টকাৰ এককালীন সাহাৰ্য প্ৰদান কৰা হ’ব। ইয়াৰ পূৰ্বে ইয়াৰ পৰিমাণ আছিল ৫ লাখ টকা।
2. অসম চৰকাৰৰ ৫ খন মিনি আই টি আই (ITI)ত কাম কৰি থকা কৰ্মচাৰীৰ দৰমহা বৃদ্ধি কৰিব। দুধনৈ, নলবাৰী, পাঠশালা, বিশ্বনাথ চাৰআলি আৰু তিতাবৰ কাম কৰা কৰ্মচাৰীসকলৰ দৰমহা প্ৰায় ৩৫ শতাংশ বৃদ্ধি কৰা হয়। প্ৰতিবছৰে তেওঁলোকৰ ৬ শতাংশ দৰমহা বৃদ্ধি কৰাৰ সিদ্ধান্ত গ্ৰহণ কৰে।
3. কিছুদিন পূৰ্বে বহু মহাবিদ্যালয় বিশ্ববিদ্যালয়লৈ ৰূপান্তৰ কৰা হৈছিল। এই মহাবিদ্যালয়ৰ পূৰ্বৰ অধ্যক্ষ বৰ্তমানৰ ৰেজিষ্টাৰ ৩ বছৰ ফিক্স কৰা হ’ব। নৰ্থ লখিমপুৰ বিশ্ববিদ্যালয়ৰ অধ্যক্ষগৰাকীৰ অৱসৰৰ পাব। কিন্তু কেবিনেটে তেওঁৰ কাৰ্যকাল ৩ বছৰ নিৰ্দিষ্ট কৰি দিছে। বিশ্ববিদ্যালয় সুচাৰূপে পৰিচালনা কৰিবলৈ এই সিদ্ধান্ত।
4. আজি মিছন বসুন্ধৰাৰ অধীনত ধুবুৰী, গোৱোলপাৰা, বঙাইগাঁও, নলবাৰী, শোনিতপুৰ, লখিমপুৰ, গোলাঘাট আৰু বৰপেটাত ৬০০ ৰো অধিক প্ৰাৰ্থীক ভূমি বন্দোবস্ত দিবলৈ সিদ্ধান্ত গ্ৰহণ কৰে।
5. ৬ টা জনগোষ্ঠীৰ জনজাতিকৰণৰ প্ৰতিবেদন দাখিল কৰাৰ পাছতে কিছুমানে অসন্তুষ্টি ব্যক্ত কৰিছে। গতিকে অসম চৰকাৰে জনজাতি সংগঠনসমূহৰ সমন্বয়ৰক্ষী সমিতিয়ে (CCTOA) ক আলোচনাৰ বাবে আমন্ত্ৰণ জনাব। এই সময়চোৱাত মন্ত্ৰী পিযুষ হাজৰিকা, মন্ত্ৰী ৰনোজ পেগু আৰু কেশৱ মহন্তই তেওঁলোকক আবেদন বাখ্য কৰিব। প্ৰয়োজন হলে মুখ্যমন্ত্ৰীয়ে আলোচনা কৰিব।

ইয়াৰোপৰি আজি কেবিনেটত মূলত শ্বদীহ দিৱস সন্দৰ্ভত আলোচনা কৰা হয়।