National Sports Day 2025: ৩২০ কোটিৰ মালিক, ১২ কোটি দৰমহা! ভাৰতীয় ক্ৰিকেটৰ সবাতোকৈ ধনী প্ৰশিক্ষকগৰাকী কোন জানেনে?

আজি সমগ্ৰ দেশে পালন কৰিছে ৰাষ্ট্ৰীয় ক্ৰীড়া দিৱস। প্ৰতিবছৰে ২৯ আগষ্টত এই দিৱস পালন কৰা হয়। এজন খেলুৱৈ বা এটা দলৰ প্ৰদৰ্শনৰ ক্ষেত্ৰত প্ৰশিক্ষকৰ গুৰুত্ব অধিক। পিছে আপুনি জানেনে, ভাৰতীয় ক্ৰিকেট দলৰ সবাতোকৈ ধনী প্ৰশিক্ষক কোন? তেওঁৰ দৰমহা কিমান?

ভাৰতীয় ক্ৰিকেট দলে এতিয়ালৈকে বিভিন্ন খ্যাতি উপাৰ্জন কৰিছে। প্ৰায় ১৭ বছৰৰ অন্তত ২০২৪ চনত ভাৰতীয় ক্ৰিকেট দলটোৱে ৰোহিত শৰ্মাৰ অধিনায়কত্বত টি২০ বিশ্বকাপৰ খিতাপ দখল কৰিবলৈ সক্ষম হৈছিল। ইয়াৰ পূৰ্বে ২০২৩ চনত ভাৰতীয় ক্ৰিকেট দলটোৱে এদিনীয়া ক্ৰিকেটত বিশ্বকাপ জয় কৰাৰ পৰা মাত্ৰ এটা খোজ দূৰত থাকে। ফাইনেলত অষ্ট্ৰেলিয়াৰ হাতত পৰাজয় হ’লেও সেই সময়ত দলটোৰ প্ৰদৰ্শন আছিল আকৰ্ষণীয়।

ভাৰতীয় ক্ৰিকেট দলটোৰ এই সফলতাৰ আঁৰত আছে এজন প্ৰশিক্ষক। যাক এটা সময়ত ‘ভাৰতৰ দেৱাল’ বুলি কোৱা হৈছিল। ভাৰতীয় ক্ৰিকেট দলৰ প্ৰাক্তন অধিনায়ক ৰাহুল দ্ৰাবিড় ২০২১ চনত ভাৰতীয় ক্ৰিকেট দলৰ প্ৰশিক্ষক হিচাপে কাৰ্যভাৰ গ্ৰহণ কৰিছিল। প্ৰতিবেদন অনুসৰি, বৰ্তমান সময়ত ৰাহুল দ্ৰাবিড় ভাৰতৰ সবাতোকৈ ধনী প্ৰশিক্ষক আৰু তেওঁৰ সম্পত্তিৰ পৰিমাণ প্ৰায় ৩২০ কোটি।

দৰমহা কিমান আছিল

ৰাহুল দ্ৰাবিড়ে ২০২১ চনৰ পৰা ২০২৪ চনৰ জুন মাহলৈ ভাৰতীয় ক্ৰিকেট দলৰ মুখ্য প্ৰশিক্ষক হিচাপে আছিল। ২০২৪ চনত টি-২০ বিশ্বকাপ জয় কৰাৰ পাছত তেওঁ পদত্যাগ কৰিছিল। তথ্য অনুসৰি, ভাৰতীয় ক্ৰিকেট নিয়ন্ত্ৰণ ব’ৰ্ডে ৰাহুল দ্ৰাবিড়ক বাৰ্ষিক ১২ কোটি টকা দৰমহা দিছিল। বিশ্বৰ যিকোনো প্ৰশিক্ষকৰ তুলনাত এই দৰমহা আছিল সৰ্বাধিক।

ইয়াৰ পূৰ্বে ৰবি শাস্ত্ৰীয়ে বহুত টকা দৰমহা লাভ কৰিছিল। তেওঁ প্ৰায় ৯.৫ কোটি টকা বাৰ্ষিক দৰমহা লাভ কৰিছিল। কিন্তু ৰাহুলে তেওঁক পিছ পেলাই যায়। উল্লেখ্য যে, বিৰাট কোহলী আৰু ৰোহিত শৰ্মাকে ধৰি বহু শীৰ্ষ ক্ৰিকেটাৰতকৈ ৰাহুল দ্ৰাবিড়ৰ দৰমহা অধিক।

উপাৰ্জন

ক্ৰিকেটৰ লগতে ৰাহুল দ্ৰাবিড়ে বিজ্ঞাপনৰ পৰা টকা উপাৰ্জন কৰে। টিম ইণ্ডিয়াৰ প্ৰশিক্ষক পদ ত্যাগ কৰাৰ পিছত বৰ্তমান ৰাহুল দ্ৰাবিড় ৰাজস্থান ৰয়েলছৰ প্ৰশিক্ষক হিচাপে কাম কৰি আছে। তথ্য অনুসৰি, ৰাজস্থান ৰয়েলছে ৰাহুলক এটা ছিজনত প্ৰায় ৩ কোটি দৰমহা দিছে।

বিভিন্ন প্ৰতিবেদনত প্ৰকাশ পোৱা তথ্য অনুসৰি, ৰাহুল দ্ৰাবিড়ৰ কোৰমংগলাত ৪.২ কোটি টকাৰ বিলাসী ঘৰ আছে। ইয়াৰ লগতে তেওঁৰ আছে পৰ্ছে ৯১১ কেৰেৰা, অ’ডি কিউ৫ আৰু মাৰ্চিডিজ বেঞ্জ জিএলই ৩৫০ৰ আদিৰ দৰে বিলাসী গাড়ী। তেওঁৰ মুঠ সম্পত্তি প্ৰায় ৩২০ কোটি।

গৌতম গম্ভীৰৰ দৰমহা

তথ্য অনুসৰি, ভাৰতীয় ক্ৰিকেট দলৰ বৰ্তমানৰ প্ৰশিক্ষ গৌতম গম্ভীৰেও প্ৰায় ১২ কোটি টকা বাৰ্ষিক দৰমহা লাভ কৰে। তেওঁৰ মুঠ সম্পত্তিৰ পৰিমাণ প্ৰায় ২৬৫ কোটি।

অন্য খবৰ পঢ়কঃ ডুবাইত ভাৰতীয় ব্যৱসায়ীক ১.১৮ কোটিৰ জৰিমণা, ৫ বছৰৰ জেল…দোষ কি?