মুখ্যমন্ত্ৰী আৰু কেন্দ্ৰীয় গৃহমন্ত্ৰী অমিত শ্বাহৰ বৈঠক, পৰিকল্পনা সুধাকণ্ঠৰ জন্ম শতবাৰ্ষিকী উদযাপনৰ
মুখ্যমন্ত্ৰীৰ সৈতে অমিত শ্বাহৰ বিভিন্ন পৰিকল্পনা। ৮ ছেপ্টেম্বৰৰ পৰা ভূপেন হাজৰিকাৰ জন্ম শতবাৰ্ষিকী উদযাপনৰ বাবে সাজু হৈছে অসম।
অসমৰ মুখ্যমন্ত্ৰী হিমন্ত বিশ্ব শৰ্মা আৰু গৃহমন্ত্ৰী অমিত শ্বাহে মিলিত হয় বৈঠকত। ৮ ছেপ্টেম্বৰৰ পৰা আৰম্ভ হ’বলগীয়া ভাৰত ৰত্ন ড° ভূপেন হাজৰিকাৰ জন্ম শতবাৰ্ষিকী উদযাপনৰ প্ৰস্তুতিৰ পৰ্যালোচনাৰ বাবে এই মূল সমিতিৰ বৈঠক অনুষ্ঠিত কৰে।
১৩ ছেপ্টেম্বৰত দুদিনীয়া ভ্ৰমণসূচীৰে অসমৈ আহিব প্ৰধানমন্ত্ৰী নৰেন্দ্ৰ মোদী। প্ৰথম দিনটোত প্ৰধানমন্ত্ৰী মোদীয়ে এই অনুষ্ঠানত অংশ ল’ব। ইফালে অহা ৮ ছেপ্টেম্বৰত জালুকবাৰীত হাজৰিকাৰ স্মৃতিসৌধত শ্ৰদ্ধাঞ্জলি জ্ঞাপন কৰা হ’ব। চৰকাৰে আয়োজন কৰা অনুষ্ঠানৰ লগতে এই দিনটোত ৰাজ্যৰ বিভিন্ন প্ৰান্তত সাংস্কৃতিক অনুষ্ঠান অনুষ্ঠিত হ’ব।
ভূপেন হাজৰিকাৰ পুত্ৰ তেজ হাজৰিকাই ভাৰ্চুৱেলি সভাত অংশগ্ৰহণ কৰাৰ লগতে ১৩ ছেপ্টেম্বৰত অনুষ্ঠিত হ’বলগীয়া মূল শতবাৰ্ষিকী অনুষ্ঠানতো ৰাজ্যিক অতিথি হিচাপে উপস্থিত থাকিব।
নিজৰ অফিচিয়েল এক্স হেণ্ডেলত অমিত শ্বাহে লিখিছে, “প্ৰধানমন্ত্ৰী নৰেন্দ্ৰ মোদীৰৰ নেতৃত্বত হিমন্ত বিশ্ব শৰ্মা চৰকাৰে অসমৰ ৰাইজৰ আকাংক্ষা পূৰণ কৰি আছে। বিজেপিৰ প্ৰতিজন কৰ্মকৰ্তাই এখন সমৃদ্ধিশালী অসম গঢ়াৰ বাবে নিজকে উৎসৰ্গা কৰা উচিত।” শতবাৰ্ষিকী উদযাপনত যাতে ভাৰতীয় সংগীত, সংস্কৃতি, সমাজলৈ হাজৰিকাৰ অপৰিসীম অৱদান প্ৰতিফলিত হয় তাৰ ওপৰত গুৰুত্ব আৰোপ কৰিব চৰকাৰে।
এই বৈঠকত সমগ্ৰ অসমতৰ লগতে অৰুণাচল প্ৰদেশ, কলকাতা, নতুন দিল্লী আৰু মুম্বাইতো শতবাৰ্ষিকী আয়োজন কৰিব। এই সাংস্কৃতিক অনুষ্ঠানৰ প্ৰকাশন, আৰু প্ৰচাৰ কাৰ্যসূচী সন্দৰ্ভত আলোচনা কৰা হয় বুলি বিষয়াসকলে জনায়।
মুখ্যমন্ত্ৰীয়ে কয় যে , ইতিমধ্য সুধাকণ্ঠৰ প্ৰতি সন্মান যাচি ভাৰত চৰকাৰে ১০০ টকীয়া ৰূপৰ স্মৃতি মুদ্ৰা জাৰি কৰিবলৈ অনুমোদন জনাইছে, যিটো সংগীত আৰু সংস্কৃতিৰ প্ৰতি যিজন ব্যক্তিৰ অৱদান চিৰন্তন হৈয়ে আছে। এয়া তেওঁৰ প্ৰতি উপযুক্ত শ্ৰদ্ধাঞ্জলি হ’ব।
