জাপানত প্ৰধানমন্ত্ৰী মোদী, ভাৰতৰ বিকাশৰ বাবে কৃতিত্ব দিলে জাপানক
জাপান ভ্ৰমণৰ সময়ত প্ৰধানমন্ত্ৰী মোদীয়ে ১৫ সংখ্যক বাৰ্ষিক ভাৰত-জাপান সন্মিলনত অংশগ্ৰহণ কৰে। এই সময়ত তেওঁ কয় যে জাপানী কোম্পানীসমূহে ভাৰতত ৪০ বিলিয়ন ডলাৰতকৈ অধিক বিনিয়োগ কৰিছে। ভাৰতৰ উন্নয়নৰ ক্ষেত্ৰত জাপান ডাঙৰ অংশীদাৰ।
ভাৰত-জাপানৰ ১৫ সংখ্যক বাৰ্ষিক সন্মিলনত অংশগ্ৰহণৰ বাবে দুদিনীয়া ভ্ৰমণসূচীৰে জাপানলৈ গৈছে প্ৰধানমন্ত্ৰী নৰেন্দ্ৰ মোদী। জাপানৰ প্ৰধানমন্ত্ৰী ইছিবাক লগ সাক্ষাৎ কৰিব প্ৰধানমন্ত্ৰী মোদীয়ে। জাপানৰ পিছত অহা ৩১ আগষ্টত চীনত উপস্থিত হ’ব প্ৰধানমন্ত্ৰী মোদী। জাপানত উপস্থিত হোৱাৰ পাছতে প্ৰধানমন্ত্ৰী মোদীয়ে জাপানত প্ৰবাসী ভাৰতীয়সকলক সাক্ষাৎ কৰে। টকিঅ’ত ভাৰত-জাপান যুটীয়া অৰ্থনৈতিক মঞ্চৰ বৈঠকত ভাষণ দি মোদীয়ে কয় যে বিনিয়োগৰ বাবে ভাৰত সৰ্বোত্তম।
প্ৰধানমন্ত্ৰী মোদীয়ে কয় যে জাপানৰ কোম্পানীসমূহে ভাৰতত ৪০ বিলিয়ন ডলাৰতকৈ অধিক বিনিয়োগ কৰিছে। অৰ্ধপৰিবাহী (Semiconductor)ৰ পৰা আৰম্ভ কৰি ষ্টাৰ্টআপলৈকে প্ৰতিটো খণ্ডতে ভাৰতৰ অংশীদাৰিত্ব পাৰস্পৰিক বিশ্বাসৰ প্ৰতীক বুলি উল্লেখ কৰে প্ৰধানমন্ত্ৰীয়ে।
Addressed a business event in Tokyo. The presence of Prime Minister Ishiba made this even more special, also indicating the priority we accord to bilateral economic linkages.
Spoke about India’s deep economic ties with Japan and also listed areas where cooperation can deepen in… pic.twitter.com/mfBpv1TCQf
— Narendra Modi (@narendramodi) August 29, 2025
ভাৰতৰ উন্নয়নত জাপানৰ সমৰ্থন- প্ৰধানমন্ত্ৰী মোদী
প্ৰধানমন্ত্ৰী মোদীয়ে কয়, “মই আজি পুৱা টকিঅ’ পালোঁ ৷ ব্যৱসায়িক জগতৰ দ্বিগজসকলৰ সৈতে মোৰ কাৰ্যসূচী আৰম্ভ হোৱাত মই অতিশয় সুখী। আপোনালোক বহুতেই এনে ব্যক্তি যাৰ লগত মোৰ ব্যক্তিগত চিনাকি আছে, আনকি মই গুজৰাটত থকাৰ সময়ত আৰু দিল্লীলৈ অহাৰ সময়তো চিনাকী আছিল।”
তেওঁ কয় যে ভাৰতৰ উন্নয়ন যাত্ৰাত জাপান সদায় এক গুৰুত্বপূৰ্ণ অংশীদাৰ হৈ আহিছে। মেট্ৰ’ৰ পৰা আৰম্ভ কৰি উৎপাদন, অৰ্ধপৰিবাহী, ষ্টাৰ্টআপলৈকে প্ৰতিটো ক্ষেত্ৰতে আমাৰ অংশীদাৰিত্ব পাৰস্পৰিক বিশ্বাসৰ প্ৰতীক হৈ পৰিছে।
তেওঁ কয় যে জাপানী কোম্পানীসমূহে ভাৰতত ৪০ বিলিয়ন ডলাৰতকৈ অধিক বিনিয়োগ কৰিছে। কেৱল যোৱা ২ বছৰত ৩০ বিলিয়ন ডলাৰৰ ব্যক্তিগত বিনিয়োগ কৰা হৈছে।
Addressing the India-Japan Economic Forum in Tokyo. Strong business ties between our nations are a vital element of our friendship. https://t.co/OUSvy98eJo
— Narendra Modi (@narendramodi) August 29, 2025
ভাৰত বিশ্বৰ তৃতীয় বৃহত্তম অৰ্থনীতি- মোদী
প্ৰধানমন্ত্ৰী মোদীয়ে কয় যে বিগত ১১ বছৰত ভাৰতৰ অভূতপূৰ্ব পৰিৱৰ্তনৰ বিষয়ে আপোনালোক সকলোৱে ভালদৰেই জানে। আজি ভাৰতত ৰাজনৈতিক স্থিতিশীলতা, অৰ্থনৈতিক স্থিতিশীলতা, নীতিৰ স্বচ্ছতা, ভৱিষ্যদ্বাণীযোগ্যতা আছে। আজি ভাৰত বিশ্বৰ আটাইতকৈ দ্ৰুতগতিত বৃদ্ধি পোৱা প্ৰধান অৰ্থনীতি আৰু অতি সোনকালে ই বিশ্বৰ তৃতীয় বৃহত্তম অৰ্থনীতি হ’বলৈ আগবাঢ়িছে।
তেওঁ কয় যে আমাৰ সংস্কাৰ কেৱল কৰ ব্যৱস্থাতে সীমাবদ্ধ নহয়। আমি ব্যৱসায় সহজ কৰি তোলাৰ ওপৰত গুৰুত্ব দিছো। আমি ব্যৱসায়ৰ বাবে একক ডিজিটেল উইণ্ড’ অনুমোদনৰ ব্যৱস্থা কৰিছো।
Deeply touched by the warmth and affection of the Indian community here in Tokyo. Their commitment to preserving our cultural roots while contributing meaningfully to Japanese society is truly commendable.
In a few hours from now, will be interacting with a group of business… pic.twitter.com/cqLIthLxF8
— Narendra Modi (@narendramodi) August 29, 2025
ভাষণত কি আবেদন জনাইছিল প্ৰধানমন্ত্ৰীগৰাকীয়ে?
এই সংস্কাৰসমূহৰ আঁৰত আমাৰ উন্নত ভাৰত গঢ়াৰ সংকল্প। পৃথিৱী কেৱল ইয়াৰ সৈতে চিনাকী হোৱাই নহয়, ইয়াৰ শলাগ লৈছে। দুটা দশকৰ পাছত ভাৰতৰ ক্ৰেডিট ৰেটিং উন্নীত কৰিছে এছ এণ্ড পি গ্ল’বেল। তেওঁ কয় যে বিশ্বই কেৱল ভাৰতক লক্ষ্য কৰাই নহয়, ভাৰতৰ ওপৰত ভৰসা কৰিছে।
প্ৰধানমন্ত্ৰীয়ে নিজৰ ভাষণত কয় যে অটোমোবাইল খণ্ডত আমাৰ অংশগ্ৰহণ অতি সফল হৈছে। আমি একেলগে বেটাৰী, ৰবটিক্স, অৰ্ধপৰিবাহী, জাহাজ নিৰ্মাণ আৰু পাৰমাণৱিক শক্তিত একেটা যাদু পুনৰাবৃত্তি কৰিব পাৰো। আমি একেলগে গ্ল’বেল চাউথ বিশেষকৈ আফ্ৰিকাৰ উন্নয়নত উল্লেখযোগ্য অৱদান আগবঢ়াব পাৰো। তেওঁ কয়, “মই আপোনালোক সকলোকে আহ্বান জনাইছো। ভাৰতলৈ আহক আৰু একেলগে পৃথিৱীখন গঢ়ি তোলক।”
