আপোনাৰ ঘৰত কোনোবাই বেয়া নজৰ দিছে নেকি? আজিয়েই কৰক এই কাম
ঘৰ চাফা কৰাটো অতি প্ৰয়োজনীয়, ইয়াৰ ফলত আপোনাৰ লগতে আপোনাৰ সন্তানো ৰোগৰ পৰা সুৰক্ষিত হৈ থাকে। কিন্তু ইমানৰ পিছতো আমাৰ ঘৰত কাৰোবাৰ নজৰৰ বাবে সমস্যা হৈ থাকে, যিবোৰ বাস্তু শাস্ত্ৰ অনুসৰ কৰি দূৰ কৰিব পাৰে।
আপোনাৰ ঘৰত কোনোবাই বেয়া নজৰ দিছে নেকি?
যদি আপোনাৰ ঘৰত বাস্তু দোষ থাকে তেন্তে আপুনি বহু সমস্যাৰ সন্মুখীন হ’বলগীয়া হ’ব পাৰে। সেয়ে বহু লোকে বাস্তু দোষৰ পৰা আঁতৰি থাকিবলৈ ঘৰ সাজি থাকোঁতে বাস্তু বিশেষজ্ঞৰ পৰামৰ্শ লয়। কিন্তু ঘৰৰ বাস্তুৰ দোষ দূৰ কৰিবলৈ ঘৰৰ লগতে চাৰিওফালে নজৰ দিয়াটো সমানেই গুৰুত্বপূৰ্ণ।
যদি আপোনাৰ ঘৰৰ ভিতৰত আৰু আশে-পাশে পৰিষ্কাৰ আৰু শুদ্ধ বতাহ আহে, তেন্তে বাস্তুৰ দোষ নাইকিয়া হয়। যিটো ব্যক্তিজনৰ স্বাস্থ্যৰ বাবেও গুৰুত্বপূৰ্ণ। যদি তেনে নহয়, তেন্তে এইকেইটা কথা মনত ৰাখক…
- যদি আপুনি গোটেই বছৰটো আপোনাৰ ঘৰত ধনাত্মক শক্তি থাকাটো বিচাৰে তেন্তে বছৰৰ প্ৰথম সপ্তাহত ঘৰৰ মূল দুৱাৰখন পৰিষ্কাৰ কৰি ৰাখিব লাগিব আৰু তাৰ ওপৰত ভগৱান গণেশৰ মূৰ্তি স্থাপন কৰিব লাগিব। গণেশৰ এই মূৰ্তিৰ ওচৰত নিতৌ এগছি বন্তি জ্বলাই ৰাখক। এই প্ৰতিকাৰ অনুসৰণ কৰিলে গোটেই বছৰটো আপোনাৰ ঘৰত সুখ আৰু শান্তি থাকিব।
- নতুন বছৰৰ প্ৰথম সপ্তাহত ঘৰৰ পৰা ঋণাত্মক শক্তি আঁতৰাবলৈ ঘৰৰ চুকত বা বাথৰুমত এক বাটি নিমখ ৰাখিব। প্ৰতিমাহে এই নিমখ সলনি কৰি থাকিব। বাস্তুৰ মতে, নিমখৰ এই সহজ উপায় ব্যৱহাৰ কৰিলে আপোনাৰ ঘৰত ধনাত্মক শক্তি আহিব আৰু লগতে বহু উপকাৰো লাভ হ’ব।
- বাস্তুৰ মতে, পানীয়ে জীৱনত ইতিবাচকতা আনে, সেয়েহে ঘৰত একুৰিয়াম ৰাখিব লাগে। ঘৰত এই বস্তু ৰাখিলে বহু ধৰণৰ আৰ্থিক আৰু মানসিক সমস্যা দূৰ হয়। এইবোৰ ৰখাৰ বাবে ইতিবাচকতাও ঘৰত থাকে।
- তুলসী উদ্ভিদ কেৱল পবিত্ৰই নহয়, শুভ বুলিও গণ্য কৰা হয়। বছৰৰ আৰম্ভণিতে এই ঘৰটো আনি আপুনি আৰ্থিক সুবিধা লাভ কৰিব পাৰে। ঘৰত তুলসী গছ ৰাখিলে বছৰটোৰ ভিতৰতে শুভ ফল পাব আৰু দেৱী লক্ষ্মীও আপোনাৰ ঘৰত বাস কৰিব।
- বাস্তুৰ মতে মাতৃ অন্নপূৰ্ণা পাকঘৰত বাস কৰে, সেয়েহে পাকঘৰত সদায় পৰিষ্কাৰ-পৰিচ্ছন্নতা বজাই ৰাখিব লাগে। লগতে পানীৰে ভৰা পাত্ৰ এটা সদায় পাকঘৰৰ উত্তৰ দিশত ৰাখিব লাগে। এই প্ৰতিকাৰ কৰিলে আৰ্থিক লাভৰ লগতে ঘৰৰ মানুহৰ স্বাস্থ্যৰ ওপৰতো ভাল প্ৰভাৱ পৰে।
(ওপৰৰ লেখাটো ধৰ্মীয় মান্যতা তথা বিশ্বাসৰ ভিত্তিত লিখা হৈছে। ইয়াৰ সত্যাসত্যৰ লগত টিভি৯ অসমৰ কোনো সম্পৰ্ক নাই)
