বছৰৰ প্ৰথমটো শনিবাৰে আজি কৰক এইসমূহ বিশেষ কাম, গোটেই বছৰটোলৈ থাকিব দেৱতা শনিৰ আশীৰ্বাদ

প্ৰতিনিধিত্বমূলক ছবি

আজি ২০২৬ বৰ্ষৰ প্ৰথমটো শনিবাৰ। ধৰ্মীয় বিশ্বাস অনুসৰি, শনিবাৰটো ন্যায়ৰ দেৱতা শনি দেৱৰ বাবে উৎসৰ্গিত। নতুন বছৰৰ প্ৰথমটো শনিবাৰে যদি শুদ্ধ চিত্তে শনি দেৱৰ পূজা-অৰ্চনা কৰা হয়, তেতিয়া গোটেই বছৰটো তেওঁৰ কৃপা লাভ কৰিব পাৰি আৰু জীৱনৰ দুখ-যন্ত্ৰণা দূৰ হয় বুলি বিশ্বাস কৰা হয়। ইয়াৰ দ্বাৰা প্ৰগতিৰ নতুন পথ মুকলি হ’ব পাৰে বুলিও কোৱা হয়। গতিকে নতুন বছৰৰ প্ৰথমটো শনিবাৰে শনি দেৱক প্ৰসন্ন কৰিবলৈ আপুনি তলত দিয়া বিশেষ কামসমূহ কৰিব পাৰে-

সৰিয়হ তেলৰ চাকি

শনিবাৰে স্নান কৰি পৰিষ্কাৰ কাপোৰ পৰিধান কৰি শনি মন্দিৰলৈ যাওক। মন্দিৰত ক’লা শলিতা ব্যৱহাৰ কৰি সৰিয়হ তেল দি চাকি জ্বলাওক। বিশ্বাস কৰা হয় যে বছৰৰ প্ৰথম শনিবাৰে এনে কৰিলে শনি দেৱৰ আশীৰ্বাদ বছৰজুৰি লাভ কৰা যায়।

দান-দক্ষিণা

বছৰৰ প্ৰথমটো শনিবাৰে দান কৰাটো অত্যন্ত পুণ্যৰ কাম। শনি দেৱৰ পূজা কৰাৰ লগতে কোনো দুখীয়া বা অভাৱী লোকক তিলৰ পৰা তৈয়াৰী সামগ্ৰী দান কৰক। ইয়াৰ ফলত কুণ্ডলীত শনিৰ স্থিতি মজবুত হয় আৰু অৰ্থনৈতিক সমস্যাৰ পৰা মুক্তি পোৱা যায়।

দৰিদ্ৰজনক সৰিয়হ তেল আগবঢ়াওক

এটা লোৰ পাত্ৰত সৰিয়হৰ তেল লৈ তাতে নিজৰ মুখখন চাওক। ইয়াৰ পিছত সেই তেলখিনি কোনো দুখীয়া ব্যক্তিক দান কৰি দিয়ক। ইয়াৰ ফলত জীৱনৰ পৰা নেতিবাচক শক্তি দূৰ হয় আৰু সফলতাৰ নতুন পথ মুকলি হয়।

নাৰিকলৰ বিশেষ উপায়

এটা নাৰিকল কাটি তাৰ ভিতৰত চেনি আৰু আটা ভৰাই দিয়ক। সন্ধিয়া সময়ত সেই নাৰিকলটো কোনো নিৰ্জন ঠাইত মাটিৰ তলত পুতি থৈ আহক। এনে কৰিলে জীৱনৰ কঠিন বাধা-বিঘিনিসমূহৰ পৰা পৰিত্ৰাণ পোৱা যায় বুলি বিশ্বাস কৰা হয়।

শনি স্তোত্ৰ পাঠ

শনিবাৰে পুৱা স্নান কৰি ২১ বাৰ শনি স্তোত্ৰ পাঠ কৰক। এই কাৰ্যই শনি দেৱক অতি সোনকালে সন্তুষ্ট কৰে আৰু শনিৰ কু-দৃষ্টি পৰা ৰক্ষা পোৱাত সহায় কৰে।