যকৃতৰ কাৰ্যক্ষমতা উন্নত কৰিবলৈ এইসমূহ খাদ্য খাওক…

প্ৰতীকী ফটো

সুস্থ জীৱন যাপন কৰিবৰ বাবে যকৃতৰ যত্ন লোৱাটো অতি প্ৰয়োজন । যকৃত হৈছে আমাৰ শৰীৰৰ এটা অবিচ্ছেদ্য অংগ । কিন্তু বৰ্তমান সময়ত বেয়া জীৱনশৈলী আৰু খাদ্যাভ্যাসৰ বাবে যকৃতৰ ৰোগ দ্ৰুত গতিত বৃদ্ধি পাবলৈ ধৰিছে । যদি আপুনি যকৃত সুস্থ কৰিব ৰাখিব বিচাৰে তেন্তে খাদ্যাভ্যাসত কিছু পৰিৱৰ্তন আনিব লাগিব । বিশেষকৈ খাদ্যৰ ক্ষেত্ৰত কেইটামান সহজ পৰিৱৰ্তনে আপোনাৰ যকৃতক ভাল কৰি ৰাখিব পাৰে । ইয়াৰ লগতে আপোনাৰ যকৃতৰ কাৰ্যক্ষমতা বৃদ্ধিত সহায় কৰিব পাৰে ।

যকৃত ভাল কৰি ৰাখিবলৈ বা যকৃতৰ কাৰ্যক্ষমতা বৃদ্ধিৰ বাবে খাদ্যৰ তালিকাত এইসমূহ পৰিৱৰ্তন কৰক । বিশেষভাৱে ৰাখক এই খাদ্যসমূহ । এই খাদ্যসমূহে যকৃতক ক্ষতিৰ পৰা ৰক্ষা কৰিব পাৰে।

হালধি: হালধি মূল যৌগ কাৰকুমিনৰ প্ৰদাহ নিবাৰণকাৰী গুণ আছে আৰু ই যকৃতক ক্ষতিৰ পৰা ৰক্ষা কৰাত সহায় কৰিব পাৰে।

ছাইট্ৰাছ ফল: আঙুৰ আৰু কমলাৰ দৰে ছাইট্ৰাছ ফলত লিভাৰৰ স্বাস্থ্য উন্নত কৰাৰ সৈতে জড়িত আন এন্টিঅক্সিডেন্ট নাৰিঞ্জিনিন থাকে। ইয়াৰ ৰসে যকৃতৰ স্বাস্থ্য উন্নত কৰাত সহায় কৰিব পাৰে । কিন্তু যদি আপুনি ঔষধ খাই আছে তেন্তে চিকিৎসকৰ পৰামৰ্শ গ্ৰহণ কৰক।

গ্ৰীণ টি: গ্ৰীণ টিত কেটেচিন থাকে যিয়ে লিভাৰত চৰ্বি জমা হোৱাৰ পৰা ৰক্ষা কৰিব পাৰে । ই কোনো চিকিৎসা নহয়, কিন্তু দিনটোত কেইকাপমান গ্ৰীণ টি খালে যকৃতৰ সাধাৰণ কাৰ্যকলাপত সহায়ক হ’ব পাৰে ।

কফি: কিছুমান অধ্যয়নত দেখা গৈছে যে, কফিয়ে চিৰ’ছিছকে ধৰি যকৃতৰ ক্ষতি হোৱাৰ সম্ভাৱনা কম কৰিব পাৰে। যদিকে যদি আপুনি ফেটি লিভাৰত আক্ৰান্ত হৈ আছে তেন্তে কফি সেৱন কৰিব পাৰে ।

উল্লেখ্য যে, এই প্ৰতিবেদন কেৱল বিভিন্ন উৎসৰ পৰা সংগ্ৰহ কৰা তথ্য ভিত্তিত প্ৰস্তুত কৰা হৈছে । যকৃতৰ সমস্যা হ’লে চিকিৎসকৰ পৰামৰ্শ গ্ৰহণ কৰাটো অতি প্ৰয়োজন । বিশেষজ্ঞৰ পৰামৰ্শ গ্ৰহণ কৰি আপুনি আপোনাৰ খাদ্যাভ্যাস পৰিৱৰ্তন কৰক।