এই ৫ টা ঘৰুৱা উপায়েৰে জিভাৰ আলচাৰ নিৰাময় কৰক…

প্ৰতীকী ফটো

জিভাৰ আলচাৰ এটা সাধাৰণ সমস্যা যদিও ই মানুহক অধিক কষ্ট দিয়ে । এই সমস্যা যিকোনো বয়সৰ ব্যক্তিৰ ক্ষেত্ৰত হ’ব পাৰে। এই সমস্যাৰ ফলত খোৱা-বোৱাত অসুবিধা হয় আৰু কেতিয়াবা ইমানেই বেদনাদায়ক হৈ পৰে যে কথা কোৱাতো কষ্টকৰ হৈ পৰে। যদিও এই সমস্যা গুৰুতৰ নহয়, কিন্তু সঠিক সময়ত চিকিৎসা নকৰিলে এই সমস্যা বাঢ়িব পাৰে। সাধাৰণতে ভিটামিনৰ অভাৱ, টেঙা খাদ্য, পেটৰ সমস্যা বা অত্যধিক গৰম খাদ্য খোৱাৰ ফলত জিভাৰ আলচাৰ হয়। ঔষধৰ উপৰিও এই সমস্যা ঘৰুৱা উপায়েৰেও নিৰাময় কৰিব পাৰি। ঘৰুৱা উপায়েৰে এই সমস্যা কেনেদৰে দূৰ কৰিব পাৰিব ? জানক

মৌ আৰু হালধিৰ পেষ্ট

মৌৰ এন্টিবেক্টেৰিয়েল গুণ আছে, যিয়ে আলচাৰ সোনকালে ভাল হোৱাত সহায় কৰে। হালধিত এন্টিচেপ্টিক গুণ থাকে, যাৰ ফলত বিষ হ্ৰাস কৰে। আধা চামুচ হালধিত ১ চামুচ মৌ মিহলাই লওক। এই মিশ্ৰণটো আলচাৰত লগাব আৰু ১০ মিনিটৰ পিছত ধুব। দিনটোত ২-৩ বাৰ এই কাম কৰক।

নাৰিকল তেল

নাৰিকল তেলত এন্টি-ইনফ্লেমেটৰী আৰু এন্টিবেক্টেৰিয়েল গুণ আছে, যিয়ে আলচাৰৰ পৰা সকাহ দিয়ে। কপাহৰ সহায়ত আলচাৰ হোৱা ঠাইত অলপ নাৰিকল তেল লগাব লাগে। দিনটোত ২-৩ বাৰ এই কাম কৰক।

লং তেল

লঙৰ তেলে প্ৰাকৃতিকভাৱে আলচাৰৰ বিষ হ্ৰাস কৰে । কপাহৰ ওপৰত কিছু লং তেল লগাই আলচাৰ হোৱা ঠাইত লগাব। ৫-১০ মিনিট ৰাখি তাৰ পিছত ধুই লওক। দিনটোত এবাৰ এই কাম কৰক।

এলোভেৰা জেল

এলোভেৰাৰ শীতল গুণ আছে, যিয়ে আলচাৰৰ বিষ হ্ৰাস কৰে। সতেজ এলোভেৰা পাতৰ পৰা জেল উলিয়াই লওক। এই জেল আলচাৰ হোৱা ঠাইত লগাব লাগে। দিনে ২-৩ বাৰ লগাব লাগে।

ঠাণ্ডা পানী আৰু বৰফৰ টুকুৰা

ঠাণ্ডা পানী আৰু বৰফে আলচাৰ বিষ আৰু এই সমস্য়া হ্ৰাস কৰাত সহায় কৰে। বৰফৰ টুকুৰা এটা লৈ আলচাৰ ঠাইটোত লগাব লাগে। ঠাণ্ডা পানী খালেও সকাহ পোৱা যায়। দিনটোত কেইবাবাৰো এই কাম কৰক।