প্ৰতিদিনে পুৱা কৰক এই কাম, প্ৰচণ্ড ৰ’দতো জিলিকি থাকিব আপোনাৰ মুখ

প্ৰচণ্ড ৰ'দতো জিলিকি থাকিব আপোনাৰ মুখ

যদি আপোনাৰ প্ৰাকৃতিকভাৱে উজ্জ্বল ছাল আছে, তেন্তে মেকআপ নকৰাকৈও মুখখন ধুনীয়া দেখা যায়। কিন্তু গ্ৰীষ্মকালত গোটেই দিনটো সতেজ ছাল পোৱাটো যেন অতি কঠিন কাম, কাৰণ ঘাম ওলোৱাৰ বাবে ধূলিবোৰ সহজেই মুখত লাগি ধৰে। ইয়াৰ লগতে প্ৰচণ্ড ৰ’দেও মুখখন নিস্তেজ কৰি তোলে। কিন্তু ৰাতিপুৱাৰ ৰুটিনত যদি নিয়মিতভাৱে কিছুমান টিপছ মানি চলে তেতিয়া দিনতো সতেজ ছাল পোৱা যায়। এই ভাল অভ্যাসবোৰে আপোনাৰ ছালখনক উজ্জ্বল কৰি ৰখাই নহয়, ই আপোনাৰ স্বাস্থ্যও সুস্থ কৰি ৰাখিব। দিনটোতো ছালখন সতেজ কৰি ৰাখিবলৈ প্ৰতিদিনে ৰাতিপুৱা কোনবোৰ কাম কৰিব পাৰি জানো আহক।

ছালখন জিলিকি থকা আৰু সতেজ কৰি ৰখাটো ইমান কঠিন নহয়। ইয়াৰ বাবে মাত্ৰ কিছুমান সৰু সৰু কথা মনত ৰাখিব লাগে। বিশেষকৈ যদি আপুনি গোটেই দিনটো সতেজ ছাল বিচাৰে, তেন্তে ৰাতিপুৱাৰ ৰুটিনৰ প্ৰতি গুৰুত্ব দিয়ক। এনে কিছুমান সহজ টিপছ জানো আহক।

শৰীৰ হাইড্ৰেট কৰক

যদি আপুনি গৰমৰ দিনতো গোটেই দিনটো সতেজ ছাল বিচাৰে, তেন্তে আপোনাৰ শৰীৰটোক হাইড্ৰেটেড কৰি ৰাখক। ইয়াৰ বাবে ৰাতিপুৱা উঠাৰ  পিছত কুহুমীয়া পানীত নেমুৰ ৰস অলপ মিহলাই  খাব লাগে। ইয়ে আপোনাৰ শৰীৰে বিষমুক্ত আৰু হাইড্ৰেট কৰে, যিয়ে ছালত আৰ্দ্ৰতা বজাই ৰখাত সহায় কৰে। ইয়াৰ ফলত মুখখন সতেজ আৰু প্ৰাকৃতিকভাৱে জিলিকি উঠে।

ৰাতিপুৱা ক্লিনিং-মইশ্ব’ৰাইজিং গুৰুত্বপূৰ্ণ

ৰাতিপুৱাৰ ৰুটিনৰ প্ৰথম কাম হ’ব লাগে ফেচ ৱাচেৰে মুখখন পৰিষ্কাৰ কৰা আৰু তাৰ পিছত মইশ্ব’ৰাইজাৰ প্ৰয়োগ কৰা। মনত ৰাখিব যে গ্ৰীষ্মকালত জেল বা পানী ভিত্তিক মইশ্ব’ৰাইজাৰ ব্যৱহাৰ কৰিব লাগে। ইয়াৰ ফলত ছালখন তেলীয়া দেখা নাযায়।

মেকআপৰ আগতে এইবোৰ কাম কৰক

যদি আপুনি অফিচ বা কলেজলৈ যাবলগীয়া হয় , তেন্তে মেকআপ কৰাৰ আগতে মুখত আইচ ডিপ দিব বা বৰফৰ টুকুৰা এটা লৈ ঘঁহিব বা যিকোনো কোমল কাপোৰত ৰাখি কিছু সময় মুখত ঘঁহি থাকিব। ইয়াৰ ফলত ছিদ্ৰবোৰ টান হ’ব আৰু ঘাম ওলাব নোৱাৰিব। নেমুৰ ৰস, আলুৰ ৰস, এলোভেৰা জেল মিহলাই বৰফৰ টুকুৰা ফ্ৰীজত ৰাখিব পাৰে, যিবোৰ মুখত লগালে কেৱল ঘামৰ পৰা ৰক্ষা কৰাই নহয়, ছালখনো হাইড্ৰেটেড হৈ চিকচিকিয়া হৈ পৰিব।

ছানস্ক্ৰীণ-চিৰাম প্ৰয়োগ কৰক

যদি আপুনি গোটেই দিনটো মুখত গ্ল’ আৰু সতেজতা বিচাৰে তেন্তে ছানস্ক্ৰীণ লগাবলৈ নাপাহৰিব। ইয়াৰ ফলত ছালখনক UV ৰশ্মিৰ পৰা ক্ষতিৰ পৰা ৰক্ষা কৰা হয় আৰু টেনিঙৰ সমস্যাও বহু পৰিমাণে কমি যায়। যাৰ বাবে দিনটোতো আপোনাৰ মুখখন জিলিকি থকা দেখা যাব। ইয়াৰ লগতে মুখত ছিৰাম ব্যৱহাৰ কৰিব লাগে। ই এটা সুৰক্ষামূলক স্তৰ সৃষ্টি কৰে, যিয়ে আপোনাৰ ছালখনক গোটেই দিনটো প্ৰদূষণৰ বিৰুদ্ধে যুঁজ দিয়াত সহায় কৰে।

স্বাস্থ্যকৰ ব্ৰেকফাষ্ট কৰক

প্ৰতিদিনে পুৱা স্বাস্থ্যসন্মত ব্ৰেকফাষ্ট কৰাটো অতি প্ৰয়োজনীয়। যেতিয়া আপোনাৰ শৰীৰে সঠিক পৰিমাণৰ পুষ্টিকৰ উপাদান লাভ কৰে তেতিয়া আপুনি অধিক সক্ৰিয় হৈ থাকে আৰু আপোনাৰ ছালখনো সুস্থ হৈ থাকে, যিয়ে আপোনাৰ মুখত প্ৰাকৃতিক জিলিকনি প্ৰদান কৰে।