International Tea Day: আজি আন্তৰ্জাতিক চাহ দিৱস, চাহ খোৱাৰ সময়ত এই ৫টা ভুল কৰাৰ পৰা বিৰত থাকক
ভাৰতত চাহৰ এক নিজস্ব আৰু অনন্য তাৎপৰ্য আছে। চাহ প্ৰেমীসকলে চাহক এক বিশেষ স্থানত ৰাখে। সেয়েহে চাহ প্ৰেমীসকলৰ বাবে প্ৰতি বছৰে ২১ মে’ত আন্তৰ্জাতিক চাহ দিৱস পালন কৰা হয়। এই দিৱসৰ উদ্দেশ্য হৈছে চাহৰ ইতিহাস আৰু গুৰুত্ব সম্পৰ্কে সজাগতা বিয়পোৱা। চাহ খোৱাৰ সময়ত মানুহে কৰা ৫টা সাধাৰণ ভুলে কেনেদৰে তেওঁলোকৰ স্বাস্থ্যৰ ক্ষতি হ'ব পাৰে জানো আহক।
আজি আন্তৰ্জাতিক চাহ দিৱস
ভাৰতৰ মানুহক সংযোগ কৰা আটাইতকৈ প্ৰচলিত বস্তুটো হ’ল চাহ৷ ৰাতিপুৱাৰ আৰম্ভণি হওক বা সন্ধিয়াৰ ক্লান্তি হওক, বন্ধু-বান্ধৱীৰ সৈতে আড্ডা হওক বা অকলশৰীয়া শান্তিৰ মুহূৰ্ত হওক, প্ৰতিটো অনুষ্ঠানতে চাহ আমাৰ লগত থাকে। বহুতৰে বাবে চাহ কেৱল পানীয় নহয়, এক অনুভৱ। বছৰে ২১ মে’ত চাহ প্ৰেমীৰ বাবে আন্তৰ্জাতিক চাহ দিৱস পালন কৰা হয়। কিন্তু আপুনি কেতিয়াবা ভাবিছেনে যে আমি প্ৰতিদিনে আবেগেৰে চাহ কাপ খোৱাৰ সময়ত কৰা কিছুমান সাধাৰণ ভুলে আমাৰ স্বাস্থ্যৰ ওপৰত বেয়া প্ৰভাৱ পেলাব পাৰে?
চাহৰ প্ৰতি আসক্ত হৈ সঠিকভাৱে সেৱন নকৰাটো শৰীৰৰ বাবে ক্ষতিকাৰক হ’ব পাৰে। সেয়া চাহ সঘনাই খোৱাই হওক, খালী পেটত খোৱাই হওক, বা বেছিকৈ চেনী যোগ কৰাই হওক। এই অভ্যাসবোৰে ক্ৰমান্বয়ে আপোনাৰ শৰীৰৰ ক্ষতি কৰিব পাৰে। যদি আপুনিও চাহ প্ৰেমী, তেন্তে চাহ খোৱাৰ সময়ত আপুনিও সেই ৫টা সাধাৰণ ভুল কৰি আছে নেকি এই প্ৰতিবেদনৰ পৰা সবিশেষ জানক।
চাহ খোৱাৰ সময়ত কৰা ৫ টা আটাইতকৈ সাধাৰণ ভুল
১) খালী পেটত চাহ খোৱা
বহু মানুহে ৰাতিপুৱা সাৰ পোৱাৰ পিছত প্ৰথমে চাহ খায়, যিটো ক্ষতিকাৰক। খালী পেটত চাহ খালে এচিডিটিৰ সমস্যা হ’ব পাৰে। ইয়াৰ বাহিৰেও ই গেছ, জ্বলা-পোৰা, কোষ্ঠকাঠিন্য আদি সমস্যাৰ সৃষ্টি কৰিব পাৰে। সেয়ে চাহ খোৱাৰ আগতে কুহুম পানী খাব লাগে বা কিছু ফল-মূল খাব লাগে।
২) বেছিকৈ চাহ খোৱা
চাহ প্ৰেমীসকলে দিনটোত ৪-৫ বা তাতকৈ অধিক বাৰ চাহ খালে শৰীৰত কেফেইনৰ পৰিমাণ বৃদ্ধি কৰে। ইয়াৰ ফলত টোপনিৰ অভাৱ, নাৰ্ভাছ, ক্লান্তি আদি হ’ব পাৰে। সেয়ে দিনটোত ২ কাপতকৈ বেছি সেৱন নকৰিব, আৰু গভীৰ নিশা চাহ খোৱাৰ পৰা বিৰত থাকিব।
৩) অতি ষ্ট্ৰং বা সিজোৱা চাহ খোৱা
কিছুমানে চাহ ১০-১৫ মিনিট উতলাই সুগন্ধি লাভ কৰি সোৱাদ বৃদ্ধি কৰে, যাৰ ফলত ইয়াত উপস্থিত টেনিন আৰু কেফেইন বৃদ্ধি পায়। এইবোৰে পাচনতন্ত্ৰত প্ৰভাৱ পেলাব পাৰে। এনে অৱস্থাত চাহখিনি লাহে লাহে উতলাই বেছি ডাঠ নকৰিব।
৪) আহাৰ খোৱাৰ পিছত চাহ খোৱা
কিছুমান মানুহৰ খাদ্য খোৱাৰ পিছত চাহ খোৱাৰ অভ্যাস থাকে, যিটো তেওঁলোকৰ স্বাস্থ্যৰ বাবে একেবাৰেই উপকাৰী নহয়। খাদ্য খোৱাৰ লগে লগে চাহ খালে খাদ্যত থকা আইৰণ আৰু পুষ্টিকৰ উপাদানৰ শোষণ কমি যায়। যদি চাহ খাব বিচাৰে তেন্তে ৩০-৪৫ মিনিট খোৱাৰ পিছতহে খাব।
৫) বেছিকৈ চেনি যোগ কৰা
বহু লোকে মিঠা চাহ ভাল পায়। এনে পৰিস্থিতিত চাহত প্ৰয়োজনতকৈ বেছি চেনি যোগ কৰে। কিন্তু অত্যধিক মিঠা চাহ খালে আপোনাৰ তেজৰ চেনিৰ মাত্ৰা, মেদবহুলতা আৰু মধুমেহ ৰোগত সমস্যাৰ সৃষ্টি হ’ব পাৰে। সম্ভৱ হ’লে চাহত চেনি কমকৈ দিব বা গুড় আৰু মৌৰ দৰে বিকল্প ব্যৱহাৰ কৰিব লাগে।