Rainy seasons: বৰষুণৰ বতৰত কেনেকৈ স্বাস্থ্য ভালে ৰাখিব? মনত ৰাখিব এই ৫টা কথা

বৰষুণৰ বতৰত কেনেকৈ স্বাস্থ্য ভালে ৰাখিব?

বৰষুণ বহুতে ভাল পায়, কিন্তু অত্যাধিক বৰষুণ আহিলে আমাক বিভিন্ন সমস্যায়ো দেখা দিয়ে। বৰষুণৰ দিনবোৰত ফ্লু, জ্বৰ, ছালৰ সংক্ৰমণৰ দৰে সমস্যা অতি বেছি হয়। বিশেষকৈ শিশুৱে অতি সোনকালে ভাইৰেল ৰোগত আক্ৰান্ত হয়। বৰষুণৰ পাছত ৰ’দৰ ফলত বতৰৰ তাপমাত্ৰাও বাঢ়ি যায়। যাৰ ফলত ৰোগ হোৱাৰ সম্ভাৱনা অধিক থাকে। ইয়াৰ বাহিৰেও আৰ্দ্ৰতা আৰু লেতেৰাৰ বাৰে বহুতো বীজাণু আৰু বেক্টেৰিয়াও সহজে বৃদ্ধি হয়। যিয়ে স্বাস্থ্যৰ বাবে সমস্যাৰ সৃষ্টি কৰিব পাৰে। সেয়েহে বৰষুণৰ দিনবোৰত কিছুমান কথা দৈনন্দিন ৰুটিন হিচাপে মনত ৰাখিব লাগে। গতিকে বৰষুণৰ বতৰত কিছু সাৱধানতা অৱলম্বণ কৰা উচিত।

আজি জানো আহক বৰষুণৰ বতৰত কেনেকৈ নিজকে সুৰক্ষিত ৰাখিব…

বৰষুণত তিতাৰ পাছতে এই কামবোৰ কৰকঃ বৰষুণত তিতাৰ পাছত বডী ৱাছ বা সাধাৰণ পানীৰে চাবোনেৰে গা ধুব যাতে ছালৰ পৰা বেক্টেৰিয়া আঁতৰ হয়। একে সময়তে যদি শিশুটো বাহিৰৰ পৰা তিতি আহে প্ৰথমে পলম নকৰাকৈ তাৰ মুৰটো ভালদৰে শুকুৱাওক আৰু লগে লগে কাপোৰ সলনি কৰক।

মহৰ পৰা ৰক্ষা পাবলৈ ব্যৱস্থা গ্ৰহণ কৰিবঃ বৰষুণত মহৰ সংখ্যাও বৃদ্ধি হয়। ইয়াৰ ফলত ছালত খজুৱতি, দাগ আৰু চোকোৰা হয়। লগতে ডেংগু, মেলেৰিয়া আদিৰ সম্ভাৱনা থাকে। সেয়েহে আপুনি পানী জমা হ’বলৈ নিদিয়াটোৱে কেৱল গুৰুত্বপূৰ্ণ নহয়। ৰাতিপুৱাৰ পৰা নিশালৈ মহ প্ৰতিহত কৰিবলৈ ঘৰটো ৰাতিপুৱা ৮ৰ পৰা ৯বাৰলৈ স্প্ৰে কৰাটো গুৰুত্বপূৰ্ণ। মহ প্ৰতিৰোধক বৈদ্যুতিক ৰিফিল অন ৰাখিব। বাহিৰলৈ যোৱাৰ আগতে সৰু ল’ৰা-ছোৱালীয়ে লোচন বা ক্ৰীম প্ৰয়োগ কৰিব লাগিব যাতে মহৰ পৰা সুৰক্ষিত থাকে।

পানী জমা হ’বলৈ নিদিবঃ বৰষুণৰ বতৰ আৰম্ভ হোৱাৰ লগে লগে ডেংগু, মেলেৰিয়া, চিকুনগুনিয়াৰ ঘটনা যথেষ্ট বৃদ্ধি হ’বলৈ আৰম্ভ কৰে। সেয়েহে আপোনাৰ ঘৰৰ চাৰিওফালে পৰিষ্কাৰ-পৰিচ্ছন্নতাৰ বিশেষ যত্ন লোৱাৰ উপৰিও, কুলাৰৰ পানী সঘনাই সলনি কৰিব লাগে। ঘৰত পৰি থকা খালী বাকচ বা পাত্ৰ আদিত পানী জমা হ’বলৈ দিব নালাগে। কিয়নো ডেংগুৰ পোৱালি কেৱল পৰিষ্কাৰ পানীত হে বিকশিত হয়।

বাহিৰৰ খাদ্য সম্পূৰ্ণৰূপে পৰিহাৰ কৰিবঃ বৰষুণৰ দিনবোৰত বাহিৰৰ খাদ্য সম্পূৰ্ণৰূপে পৰিহাৰ কৰিব লাগে। কিয়নো বাহিৰৰ খাদ্য এনেই অস্বাস্থ্যকৰ আৰু বৰষুণত আৰু অধিক অস্বাস্থ্যকৰ হ’ব পাৰে। যিয়ে আপোনাক অসুস্থ কৰিব পাৰে। শিশুক বিশেষকৈ বাহিৰৰ খাদ্য খাবলৈ নিদিব।